НЦАА лига – Kurir.mk

Конектикат и Сан Диего во трката за NCAA титулата

Бошко Тасиќ — Sun, 02 Apr 2023 14:03:12 +0000

Универзитетското првенство во кошарка во САД стигна до самата завршница. Во трката за шампионската титула останаа Конектикат и едно од најголемите изненадувања, тимот на Сан Диего. Сан Диего во неизвесна завршница успеа да ја совлада Флорида со 72:71, а победничките поени ги постигна Ламонт Батлер буквално со звукот на сирената. Во текот на натпреварот Флорида беше во постојано водство кое на моменти изнесуваше и 14 поени. Но, сепак во завршницата Сан Диего предводен од Мет Бредли кој мечот го заврши со 21 поен и шест скока успеа да направи пресврт и за прв пат во историјата да се бори за титулата во Универзитетското првенство на САД. Сан Диего чија најголема ѕвезда во историјата на тимот е Каваи Ленард никогаш не успеал да ја мине елиминациската фаза во која настапуваат најдобрите 16 тима од целата земја. Противник на Сан Диего и главен фаворит за трофејот е Универзитетот Конектикат (UConn), кој во полуфиналето на завршниот турнир што се одржува во Хјустон триумфираше над Мајами со 72:59. За Конектикат ова ќе биде обид по петти пат да слави во шампионатот и да се израмни по бројот на трофеите со легендарните Дјук и Индијана. Последен пат UConn трофејот го освои во 2014 година кога во финалето го совлада Кентаки.

Јакимовски е најдобар европски тројкаш во НЦАА

Бошко Тасиќ — Wed, 02 Feb 2022 21:59:32 +0000

Андреј Јакимовски полека влегува во посакуваната форма и повторно се наметнува во еден од лидерите на Вашингтон Стејт Универзитетот. На последните три меча беше фантастичен, два пати е прогласен за играч на натпреварот, а во третиот оствари дабл-дабл. Во овој момент, Јакимовски е најдобар стрелец за три поени во цела НЦАА (1 дивизија) според процентот на уфрлени тројки кога станува збор за европските кошаркари во ова натпреварување. Досега погоди 27 од вкупно 60 обиди или 45% што е фантастичен ефект за македонскиот репрезентативец.

Џејлен Сагс со звукот на сирената донесе финале на Гонзага (ВИДЕО)

Бошко Тасиќ — Sun, 04 Apr 2021 07:56:25 +0000

Екипите на Универзитетите Гонзага и на Бејлор ќе се борат за титулата во американската НЦАА-лига, откако беа подобри во синоќешните полуфинални преметки со УКЛА 93-90 односно Хјустон 78-59. Долго ќе се прераскажува начинот на кој поранешниот тим на легендарниопт Џон Стоктон дојде до можност да се бори за трофејот, со оглед што победата беше обезбедена со тројка во последната секунда и тоа од – половина терен. Јунак во таборот на Гонзага беше Џејлен Сагс.

Гонзага е првиот тим по Индијана Стејт на Лери Бирд во 1979 година, кој до големото НЦАА-финале стигнал без ниту еден пораз. Големото финале помеѓу Бејлор и Гонзага ќе се одигра во ноќта помеѓу вторник и среда во 3.30 часот по средноевропско време . https://www.youtube.com/watch?v=Sx3LuhZOFn8