Не е време за умирање – Kurir.mk

ФОТО: Кејт Мидлтон блесна на премиерата на „Не е време за умирање“, погледнете во каков фустан се појави

Ивона Петрова — Wed, 29 Sep 2021 07:53:29 +0000

Војвотката од Кембриџ, Кетрин Мидлтон остави силен впечаток синоќа на британската премиера на филмот за агентот Џејмс Бонд, „Не е време за умирање“ (No Time to Die), во Лондон. Кејт на црвениот тепих во „Ројал Алберт хол“ пристигна во златен фустан – креација на Џени Пекам, украсен со светки и монистра. Елегантниот стајлинг бил надополнет со златни обетки. На црвениот тепих беа и нејзиниот сопруг, принцот Вилијам, како и принцот Чарлс и Камила, војвотката од Корнвол. Филмот „Не е време за умирање“ ја имаше својата светска премиера 18 месеци подоцна од планираното, по неколкуте одложувања поради пандемијата на Ковид-19. Британскиот глумец Даниел Крејг по петти, последен пат го глуми тајниот агент „007“.

Обожаватели на „Џејмс Бонд“ бараат одложување на премиерата на новиот филм

Ивона Петрова — Tue, 03 Mar 2020 10:52:46 +0000

Обожаватели на серијалот „Џејмс Бонд“ во отворено писмо побараа одложување на првото прикажување на новиот филм „Не е време за умирање“ (No Time To Die). Причината е стравот од новиот коронавирус. Европската, односно лондонската премиера е закажана за 31 март, а американската – за 10 април. По тој повод, обожавателската страница „MI6-HQ“ објави јавен повик студијата МГМ и Јуниверзал да го одложат прикажувањето на филмот. „Време е филмските судија да го стават јавното здравје пред маркетинг-термините и тоа – колку откажувањето ќе чини“, се вели во написот. Државите што се најмногу погодени од коронавирусот, веќе воведуваат забрана за јавни собири на поголеми групи луѓе. Италија и Кина на пр., ги затворија кината во своите црвени зони обележани поради вирусот.

ФОТО: Објавен постерот за новиот Џејмс Бонд – „Не е време за умирање”

Ивона Петрова — Mon, 07 Oct 2019 07:48:21 +0000

Долгоочекуваниот плакат за новиот „Џејмс Бонд“ филм – „Не е време за умирање” (No time to die) беше официјално објавен по повод Денот на Џејмс Бонд којшто во саботата го прославија обожавателите низ цел свет. Во овој филм, Даниел Крејг по петти и последен пат го глуми агентот 007. Режисер на филмот е Кари Фукунага, а покрај Крејг, свои улоги ќе имаат и Ралф Фајнс, Реми Малек, Рори Кинир, Бен Вајшоу, Наоми Харис, Леа Сједо, Џефри Рајт и други. При снимањето, коешто неодамна заврши во Италија, екипата имаше доста незгоди. Така, меѓу другото, во мај, Крејг се повреди на сетот па, проектот беше во пауза. Филмот во најголем дел е снимен во Лондон, Велика Британија, и на Јамајка, но и во Норвешка. Официјалниот трејлер беше објавен во август. Филмот ќе почне да се прикажува од 8 април 2020 година.