небо – Kurir.mk

Утре на небото не очекува вистински спектакл, такво нешто ќе се повтори дури во 2026 година

Ристе Здравков — Tue, 29 Aug 2023 08:06:11 +0000

Во среда на небото ќе биде видлива сината Супермесечина. Овој термин не означува дека месечината ќе биде сина, туку, во еден ист месец полната месечина се појавува два пати. Имено, првата полна месечина овој месец можеше да се види на 1 август, додека втората (сина) ќе биде утре, 30 август. Во просек, Супермесечината е околу 16% посветла од просечната полна Месечина и изгледа поголема од просечната полна месечина. Феноменот се јавува кога орбитата на Месечината е најблиску до Земјата и истовремено Месечината е полна. Последната од четирите последователни Супермесечини оваа година ќе биде Месечината на 28 септември. Доколку утре не ја видите сината супер месечина, за следната ќе мора да почекате. Имено, додека околу 25% од полните месечини се Супермесечини, кои се доста чести, само 3% од полните месечини се сини месечини, според НАСА. Следната сина Месечина нема да биде видлива до мај 2026 година. А во 2037 година овој феномен ќе биде видлив во јануари и во март. Заедно со сината Супермесечина, во среда на небото ќе биде видлив и Сатурн, па на љубителите на астрономијата им претстои вистинско небесно уживање. Зошто се случува овој феномен? Патеката по која Месечината орбитира околу Земјата не е совршен круг, туку малку издолжена елипса. Точката која е најблиску до Земјата се нарекува перигеј, а најдалечната точка се нарекува апогеј. Во овој случај месечината се наоѓа во перигеј. Во просек, Месечината е оддалечена од Земјата околу 384.400 километри. Под влијание на гравитацијата на Сонцето и планетите, патеката на Месечината се поместува дополнително во однос на Земјата, така што секој перигеј не е подеднакво блиску, како што не е секој апогеј подеднакво далеку. На перигејот, Месечината е најблиску до Земјата на околу 363.295 км, додека во апогеј, таа е најоддалечена околу 405.503 км. Супермесечината не е официјален, астрономски термин, туку кованица измислена од набљудувачите на небото и медиумите. Астрономите ги користат термините Месечина во перигеј и Месечина во апогеј. Што е сина месечина? Сината месечина е феномен во кој полна месечина се појавува по втор пат во еден календарски месец. Ваквата појава е можна затоа што на Месечината и се потребни 29,53 дена да ја обиколи Земјата, додека календарскиот месец може да трае 31 ден.

Необјаснива глетка по ерупцијата на вулканот Етна: Ноќта на небото осамна огнен феникс (ВИДЕО)

Дарко Андоновски — Wed, 16 Aug 2023 19:56:48 +0000

Вулканот Етна на италијанскиот остров Сицилија е еден од најактивните вулкани во светот со чести ерупции. Вулканот е висок повеќе од 3.300 метри, и е еден од највисоките во Европа. Но, неверојатно беше што по неговата ерупција, на небото ноќе осамна неверојатен феномен – огнен феникс кој ги остави набљудувачите без здив.

СИРИЈА Е БЕЗПОМОШНА – чудно нешто се случува над небото во земјата која беше опустошена од земјотресот во понеделникот (ФОТО)

Дарко Андоновски — Wed, 08 Feb 2023 12:05:10 +0000

Сирискиот Црвен крст вчера ја повика Европската Унија да ги укине санкциите против Дамаск по разорниот земјотрес, во кој загинаа повеќе од 1.600 луѓе во таа земја. „Ги повикувам сите земји од ЕУ да ги укинат економските санкции кон Сирија бидејќи е време да се направи тоа по ваков земјотрес“, изјави директорот на сирискиот разгранок на Црвениот крст, Калед Хабубати, на прес-конференција во Дамаск. Сирија, на чело со претседателот Башар ал-Асад, е под меѓународни санкции од почетокот на војната во 2011 година, што значително ја намали трговијата со остатокот од светот. Дамаск посочува дека економската криза во земјата е директна последица на меѓународните санкции. Тие мерки против Дамаск беа воведени по задушувањето на продемократските протести, а земјата потоа потона во граѓанска војна, што ја опустоши. Според Хабубати, сирискиот Црвен крст мобилизирал повеќе од 3.000 доброволци да учествуваат во потрагата и спасувањето во погодените области. Разорниот земјотрес го погоди и југот на соседна Турција. Во Сирија загинаа 1.622 лица, а повеќе од 3.600 се повредени во земјотресот со јачина од 7,8 степени според Рихтеровата скала, што ја погоди земјата во понеделникот. Граѓанската војна, која трае повеќе од единаесет години, во голема мера го исцрпи капацитетот на земјата сама да се справи со таква природна катастрофа. Сириската армија продолжува да се судира со разни бунтовнички групи, вклучително и терористички организации, како Ал Нусра и Исламската држава. Во меѓувреме она што може да се забележи дека навистина е жално и поразително што цели два дена по земјотресот небото над Сирија е празно и не може да се забележи ниту еден авион со донации преку возушен пат... Дали ситуацијата ќе се промени во следниот период останува да видиме...

Мистериозна спирална формација на ѕвезденото небо над Хаваи

Ристе Здравков — Wed, 01 Feb 2023 11:54:14 +0000

Се претпоставува дека спиралниот објект има врска со лансирањето на сателитите на „Space X“. Мистериозна формација во облик на спирала била забележана на ноќното небо над Хаваите. Феноменот кој е снимен кон средината на месецот, предизвикал голем интерес кај набљудувачите. Спектаклот првобитно го забележала опсерваторијата во местото Мауна Кеа на 18-ти јануари и делувал како ѕвезда пред да поприми поинаков облик.

On Jan 18, 2023 (HST), the Subaru-Asahi Star Camera captured a mysterious flying spiral over Maunakea, Hawai`i. The spiral seems to be related to the SpaceX company's launch of a new satellite.
Watch the video:https://t.co/851Gz7VojV #SubaruTelescope pic.twitter.com/Np58fxpX9e
— Subaru Telescope Eng (@SubaruTel_Eng) January 19, 2023

Прераснал во голема топка, а потоа се претворил во спирала околу една точка, покажуваат фотографиите. Спиралата на ноќното небо, не е НЛО или вселенски брод – туку наводно дело на милијардерот Илон Маск, пишува „New York Post“. Се претпоставува дека реткиот светлосен феномен е поврзан со лансирањето на сателитите на „Space X“ на Маск.

Неверојатна глетка на небото над Турција, некои тврдат дека е НЛО (ВИДЕО)

Ристе Здравков — Fri, 20 Jan 2023 21:06:06 +0000

Над градот Бурса во Турција вчера бил забележан огромен облак налик на НЛО, кој ги изненади граѓаните кои со своите телефони го снимија реткиот феномен. Речиси кружен облак, кој се појави на изгрејсонце со голема дупка во средината, остана неподвижен на небото речиси еден час. Тоа е природен феномен наречен леќест облак, познат по својот заоблен изглед како чинија и обично се наоѓа на надморска височина помеѓу 2.000 и 5.000 метри над земјата.

Lenticular #cloud in Bursa, #Turkey. A surreal sight😮pic.twitter.com/C8A0LnrhAr
— Auron (@auron83591234) January 19, 2023

Очигледно, луѓето биле воодушевени од глетката, особено ако се земе предвид фактот дека видеата за кратко време станаа вирални, а многумина коментираа дека глетката личи на НЛО (неидентификуван летечки објект). Патем, леќестите облаци се стационарни леќести облаци кои се формираат нормално на правецот на ветрот. Кога стабилен влажен воздух се движи нагоре по планина во неколку бранови и ако температурата на горниот бран падне до точка на росење, се формираат леќести облаци.

A majestic lenticular cloud spotted over Bursa, Turkey today. pic.twitter.com/Rs0j1jafJ3
— ʟᴀɴᴋᴀɴᵀᵁᴿᴷ (@lankanist) January 19, 2023

Овие необични облаци многумина ги потсетуваат на вселенски бродови, летечки чинии и други сцени од филмови за вонземјани. Пилотите ги избегнуваат, но туристичките едрилици ги обожаваат, имајќи предвид дека овие облачни формации можат да ги подигнат до големи височини.

ТЕСТ: Она што прво ќе ви падне во очи кажува кава личност сте!

Ристе Здравков — Mon, 07 Nov 2022 13:46:32 +0000

Ако прво ја забележавте Земјата, тогаш вие сте тивка личност во очите на другите. Оптичка илузија која открива дали во друштво сте странец кој сака припадност или ве опишуваат како лојална личност, пишува „The Sun“. Оптичката илузија покажува жена како се релаксира во езеро, опкружено со шума и небо, но некои забележале дека небото личи на Земјата. Сликата ја сподели корисничка на Тик Ток која напиша: – Ако прво ја видовте Земјата, тогаш вие сте тивка личност во очите на другите. Креативни сте кога сте во вашата комфорна зона, сакате да ги насмеете другите луѓе. Сепак, често се чувствувате како аутсајдер бидејќи сте исклучени од друштвото. Не им верувате на луѓето, но кога некој ќе ја стекне вашата доверба тогаш односот станува многу близок. Ако сте една од оние личности кои веднаш ја забележаа жената во езерото, вие сте опуштена и лојална личност. Не ви се допаѓа кога луѓето се лутат поради најмали работи. Имате високи стандарди околу себе и често се чувствувате неисполнето од материјалните работи. Како многу лојална личност, со животот би ги бранеле оние што ги сакате.

На небото воочена мистериозна спирална светлина која ги збуни луѓето – еве за што станува збор (ВИДЕО)

Ристе Здравков — Sat, 25 Jun 2022 08:46:17 +0000

Мистериозна светлосна спирала на ноќното небо која била забележана кај Нов Зеланд, предизвикала интересирање во пошироката јавност и иницирала расправа на интернет. Многумина се запрашале за што всушност станува збор, пренесува „National Geographic“. Причината за оваа необична појава, според тврдењето на експертите, не се вонземјани ниту игра на светлината, туку Space X ракета во „умирање“, како што пренесува „Daily Mail“. Спиралниот облак на плин којшто светнал на небото над градот Нелсон во вечерните часови, бил воочлив во должина од 750 километри.

SpaceX hauled a Globalstar communications satellite into orbit early Sunday from Cape Canaveral, pulling off the third Falcon 9 rocket flight in 36 hours, the fastest sequence of three missions by any commercial launch company in history.

📷: @mdcainjr https://t.co/0Y5ArwZPuf pic.twitter.com/mmPSRx0pue
— Spaceflight Now (@SpaceflightNow) June 19, 2022

Експертите сугерирале дека ова најверојатно е последица на проектот „Space X“, кој само неколку часа претходно ја лансирал ракетата „Falcon 9“ со сателитот „Globalstar DM15“. А, во моментот кога ракетата го ослободувала својот товар, жителите на планетата Земја можеле да воочат траг од пареа кој рефлектирал светлина од Сонцето и зад себе оставил мистериозна, сина трага. Како што наведува Астрономското друштво „New Plymouth“, причина за спиралите кои привлекле внимание е издувниот облак од лансираната ракета.

Taken in Queenstown NZ about 30 minute's ago. Any ideas what it is? Some speculating it's got something to do with SpaceX @elonmusk pic.twitter.com/lvA2amDzGM
— Clare Rehill 🟥🌸 🇮🇪 (@ClareRehill) June 19, 2022

„Слични ефекти се забележани и претходно, а Globalstar 2 FM15 на SpaceX веројатно поминал покрај Нов Зелан приближно во тоа време“, се наведува во нивната објава на социјалните мрежи.

ВЕЧЕРВА ПОГЛЕДНЕТЕ ВО НЕБОТО И ЗАМИСЛЕТЕ ЖЕЛБА: Верувајте, чуда се можни

Дарко Андоновски — Fri, 20 May 2022 14:19:08 +0000

На денешен ден на небото над Ерусалим, во деновите познати како Света Педесетница, во 9 часот наутро во 357 година се појави Светиот Крст Господов, денот кога неверниците престанаа да се сомневаат! Сите оние кои се сомневаа во Синот Божји со голем страв и восхит го гледаа тој небесен знак, кој светеше со неопислива светлина, посилен од сонцето. Ова излагање беше причина за многумина да го прифатат Православието, да се покаат и да го добијат светото крштевање. Според народните обичаи, треба да погледнете во небото во доцните вечерни часови, а ако видите четири ѕвезди, поставени така да формираат крст, желбата ќе ви се исполни. Исто така, денес треба да се воздржите од каква било женска работа, како шиење, хеклање, везење…

До крајот на месецот може да уживаме во редок спектакл на небото (ВИДЕО)

Ристе Здравков — Thu, 21 Apr 2022 14:42:09 +0000

До крајот на април секое утро пред разденување на југоисточниот дел на небото може да се види вистински небесен спектакл, релативно ретко порамнување на Јупитер, Венера, Марс и на Сатурн кои се наоѓаат распоредени дијагонално на небото а ним потоа ќе им се придружи и месечината. Да се видат планетите на Сончевиот систем наредени во права линија е едно од многуте доживувања кои предизвикуваат стравопочит кога се работи за посматрањето на ѕвездите, а до крајот на април ќе имаме прилика тоа да го видиме со свои очи. Од средината на месецот, кога се гледа од северната хемисфера, пред зори, може да се видат Сатурн, Марс, Венера и Јупитер, сите наредени во речиси совршено планетарно порамнување. Низата почнала да се формира околу 17 април, но највидлива била утрото на 20 април. На хоризонтот, под услов условите за набљудување да бидат добри, сите четири планети треба да се видат наредени по небесен ред, иако, како што некои истакнаа, близината на Јупитер до хоризонтот може да го отежне набљудувањето. Како што веројатно веќе знаат страсните набљудувачи на ѕвездите, Сатурн, Марс и Венера всушност се „собираат“ од крајот на март, но Јупитер и се приклучи на забавата дури во средината на април. Околу 23 април – порамнувањето треба да стане уште поспектакуларно, бидејќи од десната страна ќе им се придружи Месечината, која неодамна беше полна и сега е во опаѓање. Овој распоред на небесни тела, се разбира, може да се види само кога се гледа од Земјата. Гледано од друга локација во вселената, позицијата на секоја планета би била сосема различна.

САД: Го затвораме американското небо за сите руски летови

Ристе Здравков — Wed, 02 Mar 2022 08:28:16 +0000

САД воведуваат забрана за летање на руски авиони во американскиот воздушен простор, како одмазда за руската акција во Украина, изјави американскиот претседател Џозеф Бајден. „Објавувам дека ќе им се придружиме на нашите сојузници во затворањето на воздушниот простор на САД за сите руски летови, дополнително изолирајќи ја Русија и вршејќи дополнителен притисок врз нивната економија“, рече Бајден, цитиран од Ројтерс. Бајден ја објави забраната за летови откако сличен потег беше направен од Канада и Европската унија претходно оваа недела, пренесува АП. Наредбата на американската Федерална управа за авијација, агенција на американското Министерство за транспорт, ќе стапи на сила до крајот на денот денеска по локално време.