Небојша Глоговац – Kurir.mk

На гробот на Небојша Глоговац не стои крст: Неговиот татко свештеник објаснува која е причината (ФОТО)

Ивана Ефремовски — Fri, 10 Feb 2023 10:30:25 +0000

Небојша Глоговац почина пред пет години по тешка форма на рак на белите дробови. Милован Глоговац рече дека го теши тоа што неговиот син никогаш не го посрамотил. -Тоа е болка. Штета. Тоа е болка што не може да се надмине... Но, и денес, кога од секаде доаѓаат зборовите: „Небојша никаде не се посрамотил“, тоа ти дава сила да ги победиш личните страдања во молитвата и верата што и тој ја живееше. Молитвата е најдобриот лек, утеха и надеж. Пред сè, верата дека сега е со живиот, вистински Бог. Дека е во подобар свет од оној што го остави зад себе. Утеха е и во тоа што се оствари во овој световен живот, изјави еднаш тој за „Вечерње новости“. Оствари голем број успешни улоги, а беше и постојан член на Југословенскиот драмски театар. -Ги сакав неговите улоги, го следев, внимателно слушав што зборуваат колегите и експертите за него. И никој немаше лош збор да каже. Добродушноста и наклонетоста кон неговата добрина, ако можам така да кажам, продолжува до ден-денес. Го гледам и го чувствувам тоа, бидејќи нема ден некој да запали свеќа и да остави цвет на неговиот гроб, дури и пред јас да стигнам таму да запалам свеќа. Тоа не е момент. Тоа трае и тоа е односот кон него и неговиот световен живот, истакнува таткото на актерот. Неговиот татко е свештеник, а актерот детството го поминал во црковниот хор. -Порасна во црква. Неговите први чекори се во олтарот. И сега во црковната пеачка група се сеќаваат на кадравото момче кое носеше нафора во хорот, во галеријата. Тој беше обликуван од нашата вера. И тој зборуваше за тоа неколку пати. Мислам дека сите вредности, сите доблести, како и маани се занесени од куќата. Семејството е основата. На тој темел е изградено сè што подоцна изградил Небојша. Тој во своите синови ги всадил сите вистински вредности, истакна Милован Глоговац. На надгробната плоча нема дрвен крст. Има изгравиран крст на самиот гроб. Иако пораснал во свештеничка фамилија, неговиот погреб не бил во согласност со православните обичаи. Имено, не можеше да се постави крст бидејќи тоа не се почитува во Алејата на заслужните граѓани поради архитектонското решение. FOTO: PINK.RS/N. VUJČIĆ

Пет тешки години без Небојша Глоговац: Болеста го уништи за миг, а еве што вели сопругата за нивната љубовна бајка

Ивана Ефремовски — Thu, 09 Feb 2023 09:18:25 +0000

На денешен ден пред точно пет години почина Небојша Глоговац (49). Зад причината за смртта стои дека тој доцна ги почувствувал симптомите на рак на белите дробови. Актерот болеста го зафати за само два месеци. Агресивниот рак кој му се „родил“ во белите дробови, брзо метастазирал и му го нападнал црниот дроб, поради што и покрај сите напори на лекарите не можел да биде опериран. Покојниот актер прерано си замина, а зад себе ги остави неутешната сопруга Милица и ќерката Сунчица, како и синовите Гаврило и Милош. Сопругата на Небојша Глоговац, Милица, еднаш на социјалните мрежи објави фотографија која е направена на денот на нивната венчавка. Во нивното сеќавање се покажува силна емоција, која живее и денес, а беа во тесна прегратка, полна со љубов. Милица блесна во бел фустан, а на тој ден и најблиските посведочија колку нивната љубовна приказна била како од бајка. Сопругата на Небојша Глоговац гостувајќи во една емисија откри што би сакала да и каже на својата ќерка за нејзиниот татко. -Сакам да го одвојам неговиот лик и дело од она што бевме, но секако со задоволство би и рекла на ќерка ми: „Ова е улицата што го носи името на татко ти“. Тоа би било убаво. Тој го заслужува тоа и сигурнa сум дека сите мислиме дека го заслужува тоа. Треба да негуваме подобри и потрајни вредности. Тој е херој и легенда, важен пример за младите. Тој беше и останува таков. Верувам дека добрите дела живеат, рече Милица Глоговац.

Солзите ќе ви надојдат како река – на поменот на легендарниот српски актер се појави неговата вдовица која не можеше да се одвој од споменикот

Дарко Андоновски — Wed, 09 Feb 2022 16:18:09 +0000

На денеш ден пред четири години почина еден од најталентираните српски актери, Небојша Глоговац. Речиси немаше човек што не го познаваше него во регионот, преку големите улоги во познатите филмови и серии. Тој почива во алејата на великаните, а кога се прошири веста за неговата смрт немаше човек што не заплака пред четири години. Денес, неговиот татко кој е свештеник беше на поменот на својот син, а таму беше и вдовицата на актерот која не се одвојуваше од неговиот споменик. Глоговац почина на 48 години по тешката борба со која се бореше долг период. FOTO: Sonja Spasić

Се разболе од тага за починатиот син: Почина и мајката на Небојша Глоговац

Ивона Петрова — Mon, 11 Nov 2019 10:36:52 +0000

Милена Глоговац, мајката на починатиот српски актер Небојша Глоговац, починала во петокот на 74 години. Според објавата на семејството погребот ќе биде одржан денес во 14 часот. За потсетување, Небојша Глоговац почина на Институтот за онкологија и радиологија во Белград во февруари 2018 година, по тешко боледување. Познаниците на семејството велат дека неговата мајка од болка по него, набрзо се разболела и починала од тага.

Големите ѕвезди почиваат еден до друг: Солзи и лелек за Глоговац, на гробот на Шаулиќ за задушница не дојде никој

Ивана Ефремовски — Sat, 02 Mar 2019 13:01:06 +0000

Во согласност со православните обичаи на денешната Задушница, денес, на 2 март 2019, на Новите гробишата во Белград на местото каде што еден до друг се погребани прерано починатиот актер Небојша Глоговац, кој пред нешто повеќе од една година почина од канцер и неодамна трагично загинатиот крал на фолк музиката, Шабан Шаулиќ беше на моменти потресно, на моменти чудно. На гробот на својот син, прв пристигна таткото на Небојша Глоговац, свештеникот Милован Глоговац. Таткото на незаборавниот актер кој е погребан во Алејата на заслужни граѓани, отец Милован положи цвеќе и запали свеќа на вечниот дом на неговиот прерано заминат, никогаш непрежален син. Тој беше видно потресен и не можеше да ги задржи солзите додека бдееше над гробот на своето чедо. Потресната сцена ги погоди сите оние што се најдоа во тој миг на местото, како и почитувачите на делото на починатиот актер, кои сочувствуваа со свештеникот во солзи. Неодамна трагично загинатиот Шабан Шаулиќ пак, почива веднаш до актерот Небојша Глоговац. Иако на 22 февруари, на неговиот погреб дојдоа да го испратат за последен пат над пет илјади луѓе, на на големата зимска Задушница, семејството Шаулиќ го немаше на гробиштата.

Но, членовите на семејството на починатиот пејач, ќерките Илда и Санела, сопругата Гордана и синот Михаило одлучиле да го почитуваат православниот верски обичај, да не се појавуваат на гробиштата за Задушница, бидејќи од денот погребот се’ уште не поминале 40 дена.

Во филмовите беше со многу жени, во реалноста сакаше само две: Ова се сопругите на прерано починатиот актер (ФОТО)

Ивана Ефремовски — Sat, 09 Feb 2019 11:02:58 +0000

Небојша Глоговац ја загуби битката со животот на 48-мата години по тешко и кратко боледување. Ќе биде запаметен по бројните легендарни улоги. Точно пред една година регионот го скрши веста за неговото прерано заминување. На филмското платно беше со многу жени, а во реалноста сакаше само две за цел свој живот. Тој ја чуваше интимата и приватниот живот далеку од очите на јавноста. Тој ги сакаше сопругата Мина Глоговац, а потоа и Милица Стјепановиќ. Со уметникот Мина се ожени во 1996. година, а кум му беше актерот Воин Четковиќ. Парот помина падови и подеми, а круна на нивната љубов која траеше 18. години се нивните синови, Гаврило и Милош, кои сега имаат 20 и 17 години. По разводот останаа пријатели. По разводот, тој се зљуби во 13. години помладата Милица Стјепановиќ, со која беше во врска, па се земаа. Според неговите пријатели таа го натерала да води поинаков, поздрав живот, а размислувале да живеат на село. Со неа доби ќеркичка. Во салата во која се одржа комеморацијата прво влезе Мина Глоговац, поранешната сопруга и мајка на неговите два сина Милош и Гаврило, со децата, а потоа се појави и Милица Шќепановиќ, неговата втора сопруга и мајка на Сунчица.

Проштално писмо на Жарко Лаушевиќ: Глоги, чекам да се чуеме… за викенд

Катерина Бојаџиева — Thu, 22 Feb 2018 09:59:52 +0000

Болката по смртта на блиските луѓе на Небојша Глоговац, но и на неговите обожаватели не стивнива. Сега со емотивно писмо од својот пријател Глоговац се прости и актерот Жарко Лаушевиќ. Ова е неговото писмо: Драги Глоги! Ја читам твојата порака од пред некој ден: -Знам дека ќе биде добро… Ќе разговараме… Само малку да мине ова лудило… Што велат, Србите паметат до четврток, така што се слушаме за викенд, а до тогаш еве ти неколку вицови. Есеноска чекајќи превоз на аеродром во Бостон, правевме планови нешто да работиме заедно. Ми рече: Ќе работиме сигурно или овде или таму. Тогаш ти стигна порака и скокна како мало дете: -Добив награда во Лондон! Тоа беше награда за најдобар актер на престижен европски фестивал. Сите ние понесени од чувството на голема гордост, ја одигравме последната изведба на „Хадерсфилд“. И таа ноќ како и на целата канадско-американска турнеја, гледав на сцената, од страна, нем од среќа што присуствувам на едно чудесно предавање и давање себе на глумата, какво што порано немав видено. Мојата најстара ќерка со години имаше омилен и најдобар актер. Тогаш еден ден бојажливо ми рече: Тато, ти повеќе не си мојот најдобар актер! -Ах, кој е тој што на моето чедо му го помати разумот – тивко процедив. -Небојша Глоговац – ми рече тивко. Ја прегрнав. -Па тој и за мене е најдобар актер – и признав јас. Глоги, откако чув за твојата болка, тргнав да пишувам за нас. Па да одиграме… Или овде или таму. И чекам да се слушнеме… за викенд. Твој Жарко.

ФОТО: Вака изгледал Небојша Глоговац 9 дена пред смртта, соседите раскажуваат за последните средби со него

Ивона Петрова — Wed, 14 Feb 2018 11:08:31 +0000

Српскиот актер Небојша Глоговац, кој почина од рак на 48 години, беше погребан во понеделникот. Тагата во Србија во великанот уште не стивнува. Тој во вечното почивалиште беше испратен достоинствено, а покрај семејството и пријателите последна почит му оддадоа голем број од колегите и почитувачите на неговиот лик и дело. Српските медиуми објавија фотографии на кои актерот е фотографиран на 31 јануари, само 9 дена пред неговата смрт. Соседите кои го познавале за српските медиуми опишале како изгледал последен пат кога го виделе. -Го видов пред зградата, а од медиумите дознав дека е болен. По него никогаш не би заклучила дека е во таква состојба, изјавила тогаш вработената во кафулето кое се наоѓа во близина на зградата каде живееше Глоговац. -Во понеделник го сретнав, еден маж го донесе до влезот. Се држеше за стомакот и едвај се движеше. Помислив дека го совладал уморот или дека се напил. Денес слушнав дека се разболел, вели сосед на актерот.

Најтрогателната фотографија од комеморацијата за Глоговац: Си беа утеха една на друга

Катерина Бојаџиева — Mon, 12 Feb 2018 16:32:32 +0000

Мина Глоговац, поранешната сопруга на српскиот актер Небојша Глоговац и Милица Шќепановиќ, сопруга на починатиот актер денеска, на комеморацијата која се одржа во „Југословенско драмско позориште“ си беа утеха една на друга. Во салата во која се одржа комеморацијата прво влезе Мина Глоговац, поранешната сопруга и мајка на неговите два сина Милош и Гаврило, со децата, а потоа се појави и Милица Шќепановиќ, неговата втора сопруга и мајка на Сунчица. Двете, скршени од болка, одеа една зад друга и тогаш Мина силно ја прегрнала и бакнала Милица. Сета љубов кон Небојша, сета тага поради неговото прерано заминување од овој свет, меѓусебното разбирање и почитување и љубовта во голема мерка го одбележаа животот на Глоговац и тоа е забележано на овие фотографии. На комеморацијата присустуваа многу колеги, пријатели и роднини. Сите српски актери со собраа во ЈДП да му оддадт почит на најголемиот меѓу нив, од Аница Добра, Ана Сореновиќ, Никола Којо, Војин Четковиќ и Сергеј Трифуновиќ кои одржаа и говори.

И Моника Белучи се прости од Небојша Глоговац

Курир — Sun, 11 Feb 2018 09:23:58 +0000

Ненадејната загуба на српскиот актерски великан, не ја изненади само нацијата, туку и светот... Откако српското глумиште изгуби уште еден великан засекогаш, многубројните колеги, пријатели како и сите кои го сакаа, преку социјалните мрежи се простуваат од Небојша Глоговац. Една од првите која се огласи по повод загубата на колегата, пријателот и кумот беше актерката Слобода Мичаловиќ која на својот Инстаграм профил закачи фотографија со емотивна порака. Непосредно потоа на профилот на Слобода осамна и краток коментар од убавата Моника Белучи. Имено, таа во коментарот остави четири срциња кои имаат јасна порака на жалост и поддршка за својата пријателка Слобода.