небојша симиќ – Kurir.mk

Симиќ го продолжи договорот со Мелсунген до 2026

Бошко Тасиќ — Thu, 08 Sep 2022 05:42:08 +0000

Репрезентативецот на Црна Гора, Небојша Симиќ, кој од 2017 година настапува за Мелсунген во оваа екипа ќе остане до 2026 година. Екипата на Мелсунген, која е предводена од екс тренерот на ЖРК и РК Вардар, Роберто Гарсија Парондо, преку клупската страна ја објави новата соработка со искусниот голман. Црногорецот за неговиот актуелен клуб имаше пофални зборови и изјави дека му годи престојот во Мелсунген.

Симиќ: Македонија заслужи повеќе, но за нас треба да се направи филм!

Ристе Здравков — Sat, 15 Jan 2022 20:11:01 +0000

Небојша Симиќ се претвори во непремостлива пречка за нашите ракометари во второто полувреме од мечот против Црна Гора, бидејќи чуварот на мрежата правеше чуда на голот и буквално ги откажа нашите млади ракометари кои и онака имаа проблеми со самодовербата. Голманот на Црна Гора сосема заслужено беше избран за играч на мечот во Дебрецин и ја понесе титулата МВП, а со оглед на тоа што беше вистински херој во победата од 28:24, имаше свој збор и на прес-конференцијата на која им честиташе на македонските играчи и македонските фанови, поединечно за фер-плеј играта и извонредното навивање. – Пред се, сакам да и честитам на Македонија за фер-плеј играта и одличниот меч. Сметам дека Македонија заслужи повеќе од овие два меча на Европското првенство од тоа што добија. Тешко е да се направи транзиција кога го немате Лазаров во тимот. – Цела нивна игра се базира на него, а сега се направи транзиција и одговорноста се префрли на млади играчи. Покажаа потенцијал и талент, но потребно им е време. Исто така, честитики до сите фанови на Македонија, особено за атмосферата која ја направија. – Што се однесува до нашиот тим, ова е неверојатна победа. Во еден ден од најлошо искуство до најдобро искуство. Секој ден не знаеме кој тренира и кој ќе игра. Кога гледам како сите играчи се борат, добивам дополнителна мотивација и сигурен сум дека цела Црна Гора е горда на нас. Реалноста е дека ќе имаме тешка задача за следниот меч со Словенија, бидејќи тројцата физиотерапевти се позитивни на Ковид-19. Треба да се направи филм за нас за ова Европско првенство, немавме физиотерапија до овој меч со Македонија, само вчера вечер добивме прва масажа. Се надеваме дека ќе добиеме некој играч плус назад за мечот со Словенија и ако се случи тоа, верувам дека можеме да ги изненадиме, – изјави Симиќ на пресот.

ЕП ракомет 2018: Црна Гора без голманот Симиќ

Дарко Андоновски — Thu, 11 Jan 2018 08:54:58 +0000

По најдобриот играч Вуко Борозан, Црна Гора на Европското првенство во Хрватска остана и без голманот Небојша Симиќ. Тој се повреди на последниот тренинг. Има пукнат лист на десната нога па нема да може да им помогне на своите соиграчи од репрезентацијата на еврошампионатот. Селекторот Драган Ѓукиќ ќе ги има на располагање на голот Мијатовиќ и Мијушковиќ. Црна Гора на ЕП е во Ц-групата заедно со Македонија, Германија и Словенија. Првиот дуел Црногорците ќе го имаат на 13 јануари против Германија.