недавање предност – Kurir.mk

МВР: За недавање првенство на минување казнети 52 возачи

Магдалена Андонова — Wed, 14 Sep 2022 11:40:56 +0000

Министерството за внатрешни работи информира дека во текот на вчерашниот ден во спроведена засилена акциска контрола на територијата на државата за санкционирање возачи кои не дале првенство на минување, биле санкционирани 52 возачи. -Од нив, 19 на територија на СВР Тетово, 11 на територија на СВР Битола. Засилените акциски контроли продолжуваат и во наредните денови, соопштуваат од МВР. Оттаму апелираат до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

СВР Битола: 18 санкции за недавање предност на пешаци

Магдалена Андонова — Mon, 07 Feb 2022 14:04:33 +0000

Денеска (07.02.2022) во периодот од 08.00 до 12 часот полициски службеници на СВР Битола спровеле акциска контрола за санкционирање на возачите кои не ги почитуваат обврските кон пешаците. При контролата, откриени и санкционирани се 18 возачи кои не им дале првенство, односно предност на пешаците. На сите прекршители изготвени им се соодветни поднесоци и ќе се соочат со законски предвидените глоби. Министерството за внатрешни работи продолжува со засилените акциски контроли во сообраќајот и во наредниот период. Апелираат до возачите секогаш да им даваат првенство на пешаците, а пешаците исто така да ги почитуваат сообраќајните правила и прописи.

СВР Тетово: За 4 часа казнети 14 возачи за недавање предност на пешаци

Магдалена Андонова — Tue, 28 Dec 2021 14:19:07 +0000

Денеска (28.12.2021) во периодот од 09.00 до 13.00 часот полициски службеници на СВР Тетово на тетовско-гостиварското подрачје спровеле акциска контрола за санкционирање на возачите кои не даваат предност на пешаците, во која вкупно биле преземени 14 мерки (ТЕ-10 и ГВ-4). Најголемиот број од мерките -11 (ТЕ-7 и ГВ-4) се однесувале на непропуштање на пешаци на пешачки премин, по што на сите возачи-прекршители изготвени им се соодветни поднесоци и ќе се соочат со парични глоби, кои за овој вид сообраќаен прекршок изнесуваат 250 евра во денарска противвредност, како и со времено одземање на возачките дозволи од три месеци до една година. При контролата, исто така, биле откриени и адекватно санкционирани и 25 други видови сообраќајни прекршоци (ТЕ-19 и ГВ-6).