Нефи Усеини – Kurir.mk

Нефи Усеини веќе не е советник во Советот на Охрид

Ивона Петрова — Mon, 30 Jan 2023 12:48:38 +0000

Советот на Општина Охрид на денешната седница ја прифати оставката на советникот Нефи Усеини, кој беше избран на последните локални избори од редовите на ДУИ. Претседателот на Советот Сашо Донев во изјава за МИА посочи дека Усеини поднел неотповиклива оставка од лични причини. – Денеска на седница на Совет беше констатирана неотповикливата оставка на советникот Усеини, истакна Донев. Советот чека официјален допис од Општинската изборна комисија кој ќе дојде на местото на Усеини. Охридскиот бизнисмен и досегашен советник Нефи Усеини е претседател на огранокот на ДУИ во Охрид.

Кадрите на ДУИ си ги покажуваат вистинските лица – Нефи Усеини пцуеше новинарка: Еи си мајката, пика ти матер (ВИДЕО)

Магдалена Андонова — Tue, 28 Jun 2022 19:21:35 +0000

Охридскиот бизнисмен Нефи Усеини, кој е советник од ДУИ во општинскиот Совет, не можеше да се воздржи и почна да пцуе новинарка на „Телма“. Новинарката од „Телма“ го праша дали постои судир на интереси затоа што фирмите во кои неговата сопруга е управител добиле три тендери, пишува „Телма“. - Не е фирмата на мое име, нема судир на интереси. Јас не гласам на тие тендери. Е*и си мајката, пи*ка ти матер. Немој повеќе да ми ѕвониш, што ти треба ќе барате во Општина, викаше Усеини.

Охридскиот суд пресуди ослободителна: Нефи Усеини и брат му не се виновни за тепањето на Спиро Топалоски

Магдалена Андонова — Mon, 27 Jun 2022 17:02:04 +0000

Судијката од охридскиот суд, Билјана Белевска–Пројковска, денеска ги ослободи од обвинение советникот од ДУИ во Советот на Општина Охрид, Нефи Усеини и неговиот брат Ибро, кои беа обвинети за напад врз нивниот сограѓанин Спиро Топалоски пред две години, објави „А1он“. Топалоски прво ги обвини браќата дека го нападнале, а потоа се премисли и даде спротивен исказ. Иако постојат видеоснимки на кои јасно се гледа како и од кого е тепан Топалоски, тој останал на исказот дека повредите не му ги нанел Усеини, туку непознато лице кое го удрило од зад грб, спротивно на она што првично го кажа во Обвинителството. Нефи Усеини е контроверзен охридски бизнисмен и прв човек на локалниот огранок на ДУИ, чие име беше поврзано со низа скандали и инциденти.

ПОВТОРНО ИСТЕПАЛ СОГРАЃАНИН СО БОКСОВИ – Нефи Усеини за три години претепал четири лица, во меѓувреме чека пресуда за насилство!

Дарко Андоновски — Fri, 24 Jun 2022 07:45:21 +0000

Советникот Нефи Усеини од ДУИ одново натепа сограѓанин во Охрид, додека ја чека пресудата за тепањето на сограѓанинот Спиро Топаловски. Во изминативе три години, ова е негова четврта физичка пресметка. Според информациите кои ги објави „А1он“, инцидентот се случил во просториите на Општина Охрид. Таму, советникот Усеини се пресретнал со 56-годишниот натепан охриѓанец. Откако ги земале бројчињата за во системот за наддавање за тезгите поставени на кејот, дошло до вербална расправија, а потоа и боксови. Дека Усеини го натепал 56-годишниот сограѓанин, се потврдува и од охридската полиција. „На 21.06.2022 година околу 15.30 часот на улицата ‚Димитар Влахов’ во Охрид нарушен е јавниот ред и мир со физички напад извршен од Н.У. врз Т.В.(56), двајцата од Охрид. Против напаѓачот, ќе биде поднесена соодветна пријава“, велат од охридската полиција. Новиот инцидент каде Усеини физички се пресметува доаѓа во исто време додека тој чека пресуда од охридскиот суд за насилство. Предметот за претепувањето на нивниот сограѓанин Спиро Топалоски, поради кое се гонат за насилство е во судска завршница.

„Пиунот Ковачевски рамо до рамо со Нефи, како фирмата на градителот на диво добила работа да изведува капитална инвестиција во енергетиката?“

Магдалена Андонова — Sat, 19 Feb 2022 08:33:33 +0000

Мафијата на власт ДУИ-СДСМ ја користи секоја прилика, секој народен денар, да ги богати фирмите на своите блиски и на своите функционери. Затоа осиромашува народот, а мафијата на власт се богати. Владата должи одговор како и според кој критериуми е ангажирана фирмата на Нефи Усеини ќе учествува во изградбата на 400 киловолтниот далновод од Битола до Албанија, стои во соопштението на ВМРО-ДПМНЕ. Од партијата прашуваат како од толку многу реномирани компании со искуство во овој тип на градежни активности, токму компанијата на контроверзниот функционер на ДУИ ја доби оваа работа? - Да потсетиме дека Нефи Усеини е познат по изградбата на дивоградбата во центарот на Охрид, по дивоградбата бетонска база непосредно до брегот на Охридското Езеро, познат по насилства и тепачки, познат по тоа добиваше тендери за рушење на дивоградби во Охрид иако самиот е градител на диво. Да биде срамот поголем пиунот Ковачевски, администратор на владата на ДУИ, рамо до рамо го промовираше овој проект заедно со Нефи, се додава во партиското соопштение. ВМРО-ДПМНЕ се децидни дека Ковачевски наголемо ја продолжува праксата на заевизмот за богатење на компании блиски до партиите на власт.

Филипче се фотографираше со Нефи, па замина на операција

Тале Кристо — Sat, 30 Oct 2021 11:17:14 +0000

Министерот за здравство, Венко Филипче, деновиве е максимално посветен на агитирање и собирање гласови за кандидатот за градоначалник за Охрид од СДСМ, Константин Георгиевски. Филипче бил забележан како оди од врата на врата, а бил забележан и во чајџилницата на Нефи Усеини, кој на македонската јавност и е познат по честите судири со законот. За Нефи Усеини беа покренати неколку постапки од страна на Антикорупциска, како и неколку обвиненија за напади. Тој е виновник за дивоградбите поради кои Охрид доби неколку опомени од Унеско и беше на работ да го изгуби статусот заштитен град. Усеини е познат и по неколкуте напади извршени врз сограѓани. Тој го нападна професорот Илјаз Илјази, а заедно со неговиот брат нападна уште едно лице. На Усеини му беше одредена мерка притвор откако тој, заедно со неговиот брат, нападнаа едно лице и му се закануваа нему и на неговиот малолетен син со пиштол. Двајцата браќа беа во бегство и за нив беше издадена потерница. Вечерва, пак, Усеини бил кај Филипче во штаб. За него во Охрид се зборува дека е градоначалник во сенка, кој на овие избори повторно ја предводи советничката листа на ДУИ во Охрид. Контроверзиниот бизнисмен Усеини беше советник и во претходниот состав на Советот, но си поднесе оставка во ноември 2020 година. Неговото име на охридската јавност ѝ е познато од поодамна, но на пошироката јавност и стана познато по дивоградбата кај Чинарот и бетонската база, но и по нападот врз колегата советник Џемал Мена, универзитетскиот професор Илјаз Илјази и охриѓанецот Спирко Топал. Откако се фотографираше со Усеини, министерот филипче са фати за операција. Имено, утрово на УК за Неврохирургија, воведовме нова метода во лекување на пациенти со мозочно крвавење. Операцијата ја направивме со новиот иновативен уред-дволуменски систем кој истовремено овозможува следење на интракранијалниот притисок, испирање на коморниот систем на мозокот и дренажа на цереброспиналната течност, објави на својата Фејсбук страница Филипче.

Донев: Охрид наместо индустриска зона ќе добие бетонска и асфалтна база за Нефи Усеини

Ивана Ефремовски — Fri, 03 Sep 2021 16:36:51 +0000

Георгиески и СДСМ ветуваа нови инвестиции и работни места кај Мауцкер, но за жал ништо не направија и ги згаснаа последните надежи дека таму некогаш ќе никне современа индустриска зона со стотици нови вработувања, обвинува Сашо Донев од ВМРО-ДПМНЕ. -Георгиески и СДСМ не само што депонираа илјадници метри кубни шут и ѓубре, туку деновиве исплатија и нова фактура за овој циклус дадени услуги на нивниот вечен доверител Нефи Усеини. Имено изминатата недела општина Охрид и Георгиески работеа само за еден човек, експресно за само неколку часа беше издадено одобрение за градба на бетонска и асфалтна база, се враќаа вработени од одмори, а некои работеа и од дома само да се задоволи барањето на Усеини додека граѓаните чекаат и по две години да добијат едно обично одобрение за градба. За потсетување градежната парцела кај Мауцкер Усеини ја откупи за багателна сума од 71 денар по метар квадратен според која намената на градежното земјиште беше лесна и незагадувачка индустрија и не предвидуваше изградба на бетонска и асфалтна база, истакна тој. Донев побара Антикорупциска комисија да испита како е можно да се откупи парцела за една намена, а веднаш потоа да се измени и правилникот кој сега дозволува изградба на бетонска и асфалтна база. -На каков начин е спроведена постапка за отуѓување на градежното земјиште свесно оштетувајќи ги буџетот на општина Охрид и буџетот на Република Македонија? Дали така свесно се тактизираше за да не пројават интереси други инвеститори за откуп што би значело и повисока продажна цена на земјиштето? На охриѓани им е доста од СДСМ и Георгиески. Време е за промени, за борба против корупцијата и криминалот и за силен развој на Охрид, порача Донев.

ВМРО-ДПМНЕ Охрид: Георгиески најде мнозинство за нови 17 вработувања на ДУИ во ЈП „Нискоградба“, но не најде за паркирањето

Дарко Андоновски — Thu, 29 Apr 2021 10:05:04 +0000

Вчерашната седница на Советот покажа уште една јавна сервилност на Георгиески кога е во прашање ДУИ, односно негова лична заложба како точките од интерес на ДУИ да бидат изгласани, велат од ВМРО-ДПМНЕ Охрид, во денешниот допис до медиумите. – За да опстои коалицијата со Усеини, Градоначалникот одобри нови 17 вработувања во ЈП „Нискоградба“ кое го раководи кадар на ДУИ, кои вработувања граѓаните ќе ги чинат близу 5 милиони денари годишно, а во исто време го повлече планот за вработување на ЈП „Билјанини извори“ кој предвидуваше 4 нови вработувања, посочуваат од ВМРО-ДПМНЕ Охрид. Според нив преголема е цената која Георгиески ја плаќа само да опстои коалицијата од интерес помеѓу него и Усеини. Понатака во соопштението од партијата додаваат: -Се поставува прашањето: Зошто Георгиески не го стори истото и не побара да се изгласа точката за паркирање, туку бараше начин со неговиот недемократски однос и одбивањето на точката за работењето на ЈП „Водовод“ предложена од опозицијата, за истата да ја примора да ја напушти седницата? Георгиески да одговори: Дали има забрана од коалицијата таа точка да биде изгласана? Доколку нема, го повикуваме да престане со неговите добро познати дворски игри и веднаш да побара седница на која ќе му помогнеме точката за паркирање да биде изгласана!, велат од партијата.

Полицијата кај Нефи Усеини открила три камиони-миксери за бетон нерегистрирани со месеци и години

Ивана Ефремовски — Thu, 14 Jan 2021 12:05:51 +0000

Сообраќајната полиција за две недели одзела над 25 возила на 90 дена, кои не биле регистрирани над 6 месеци, и покрај кампањата и предупредувањата на МВР дека на 26 декември стапија на сила ригорозни мерки за незаконските возачи. Тие со нерегистрирани коли, камиони, автобуси, миксерки за бетон, багери, не само што остануваат без возилата, туку плаќаат и високи казни од над 500 евра од случај. Неодамна полицијата фатила три големи камиони-миксери за бетон, сопственост на фирмата на поранешниот охридски советник од ДУИ Нефи Усеини, кои не биле регистрирани со месеци, години, пренесе СДК.МК. Рекордот на фатените возила е камион со истечена регистрација пред 6 години, сопственост на друга фирма. Целата вест прочитајте ја на СДК

Повторно е одложено судењето на Нефи Усени, позитивен е на Ковид 19

Дарко Андоновски — Fri, 27 Nov 2020 10:52:31 +0000

Во судот во Охиди денеска повторно не се одржа рочиште во кое обвинети се Нефи Усеини и неговиот брат Ибраим Усеини. Претседателот на судот, Васил Баткоски, во изјава за ИРЛ рече дека поради здравствени причини судењето е одложено. Освен денешното рочиште беше закажано уште едно за 3-ти декември, но поради позитивниот тест на Усеини ново судење е закажано во јануари. Рочиштата во кои е обвинет Усеини повеќе пати за одлагаат поради разни причини. Во октомври тој не се појави во судот бидејќи бил на операција на синуси во Турција. Претседателот на судот Баткоски вели дека по враќањето од Турција Усеини доставил медицинска документација како течело лекувањето. Нефи Усеини и неговиот брат се обвинети за насилство што се случи на 18 август пред хотел во Охрид, кога физички го нападнале охриѓанецот Спиро Топаловски. На браќата им беше одреден притвор од осум дена, но тие шест дена беа во бегство по што сами се пријавија во затворот во Охрид. Нефи и Ибраим Усеини понудија гаранција во висина од 30.000 евра во кеш за да им се укине мерката притвор или да им се замени затворскиот со домашен притвор или друга поблага мерка. Обвинителството не ја прифати првата понуда, па потоа браќата Усеини понудија гаранција од 850.000 евра во недвижен имот и беа пуштени да се бранат од слобода. Во притвор беа 16 денови. А, додека беше во притвор Нефи Усеини си отвори нова фирма во Битола за производство на градежни материјали – Бетон 2020 Н&О ДОО Битола. Освен гаранцијата во недвижен имот други мерки за обезбедување не му се одредени на Усеини. Пасошот не му е одземен, па така тој минатиот месец замина на операцијата на синуси во Турција. 45- годишниот Усеини е советник на ДУИ во општината Охрид и истовремено бизнисмен кој гради и поседува дивоградби во градот и околината и кои досега не се урнати, освен бетонската база на влезот во Охрид која ќе биде дислоцирана на друга локација. Нефи Усеини низ годините имал многу кривични пријави, но само една условна пресуда. Тој бил гонет за насилство, тешки кражби, предизвикување општа опасност, фалсификување патни исправи, загорзување на безбедност, но не одлежал ниту еден ден затвор.