негативни луѓе – Kurir.mk

И од негативните луѓе можете нешто позитивно да научите

Ивана Ефремовски — Fri, 12 Mar 2021 17:02:39 +0000

Дружењето со негативни луѓе или врската со нив е тешко искуство кое лесно може да ве повреди на некој начин. Важно е да знаете дека истовремено тоа може да ве направи посилни и да ви помогне кога следниот пат ќе се најдете во слично друштво, подобро да се снајдете. Негативците се категорија на луѓе кои знаат дека се такви и уживаат во тоа. Тие озборуваат, прават драма и уживаат да им напакостат на другите. Делуваат лошо на самодовербата и се хранат со негативни емоции, затоа треба да ги избегнувате. Тие ќе ве натераат да сфатите што вам ви е навистина важно во животот, дека не вреди да трошите време и нерви на нив. Со нив не може да се објасните. Во близина на негативни луѓе човек сфаќа колку му се важни семејството и вистинските пријатели. Кога некој лошо се однесува кон вас, дури тогаш ќе сфатите на кого сте му важни. Вистинските пријатели со вас ги слават вашите успеси и плачат поради вашите проблеми, но не ги предизвикуваат.

Чиле ќе издаде „светски пасош“ за лицата негативни на Ковид-19

Дарко Андоновски — Tue, 21 Apr 2020 08:50:41 +0000

Чиле планира да стане прва држава која ќе издаде „светски пасош“ на лицата кои по заздравуваањето од новиот коронавирус стекнале имунитет, а благодарение на пасошот за нив нема да има ограничување на движењето. Специјалниот пасош би им овозможил на сите лица во светот кои заздравеле или се тестирани на антитела да можат да се вратат на работа. Според претставничката на чилеанското Министерство за здравство, Паула Даза, повеќе од 4.600 луѓе во земјата веќе имаат право на специјален пасош. Всушност тие луѓе можат најмногу да и помогнат на заедницата, бидејќи не претставуваат ризик, изјави министерсот за здравтсво на Чиле, Џеиме Мањалич. Во Чиле досега се тестирани најголем број на луѓе од другите држави во Јуќна Америка, при што се потврдени 10.507 позитивни случаи на Ковид-19, од кои 139 починале.

Со кого си- таков си: Не дозволувајте негативните луѓе да ве озрачуваат

Катерина Бојаџиева — Sun, 16 Dec 2018 11:24:47 +0000

Не залудно рекле: „кого си-таков си“… Секој човек почнува да наликува на луѓето со кои поминува највеќе време. Навистина е едноставно да се разбере, опкружувањето во коешто се движите и во кое живеете се одразува на сите делови од твојот живот. Тоа значи дека ако сте опкружени со негативни луѓе, нивниот поглед на светот ќе се одрази и на вашиот поглед. Многу навистина мислат дека е подобро да бидат во какво било друштво, макар и негативно, отколку да бидат сами. Но, тоа навистина не е вистина. Менталитетот на ваквите луѓе ќе се одрази на сите ваши вредности кои во потполност ќе се променат. Тие ќе влијаат врз вашите потреби и желби и ќе ги променат вашите вистински цели. Ако друштвото ви е поважно од се останато, вие ќе се жртвувате себе само за да не бидете сами. Но, тоа на крајот води кон пропаст. Ако сакате да бидете среќни и успешни, опкружете се токму со такви луѓе. Тоа значи дека ќе треба да се менувате и себе, но целиот тој напор не е ништо во споредба со она што можете да го добиете. Винс Ломбарди еднаш рекол: „Самодовербата е заразна, исто како и недостатокот од истата“. Ако вашиот проблем се наоѓа во малата самодоверба, самоуверените луѓе ќе ви помогнат да ја зголемите. Ако вашиот проблем лежи во плашливоста, храбрите луѓе ќе внесат малку повеќе храброст во вашиот живот. Ако вашиот проблем лежи во недостаток од иницијативи, проактивните луѓе ќе го променат вашиот пристап кон стварноста. Вие се претворате во луѓето со кои највеќе поминувате време. Затоа многу треба да работите на себе за бидете пожелни во секое друштво. Тоа пред се значи да го задржите позитивниот поглед на животот, да верувате во себе и во своите цели, да развивате способност за подлабоко слушање, да делувате од поразлична перспектива, да ги развивате посакуваните потенцијали и квалитети и да станете прилагодливи. Сликарот Вајланд рекол: „Постојат два вида луѓе: Сидра и мотори. Време е да се ослободите од сидрото и да им се придружите на моторите, затоа што моторите одат некаде и повеќе се забавуваат. Сидрото едноставно ќе ве повлече со себе. Ако веќе сте опкружени со многу негативни луѓе, променете ги вашите животни навики. Излезете од своето секојдневно опкружување и вклучете се во некоја добротворна заедница. Станете член на некоја заедница која негува хумани вредности. Посетувајте театри, музеи, спортски настани. Понудете ја својата способност на луѓето на кои им е потребна. Постојано барајте прилики кои можат да го подигнат вашиот животен стандард. И на крајот сфатете дека секоја промена бара своевидна жртва. Во зависност од тоа колку сте подготвени да се откажете од стариот живот, толку ќе добиете и нов живот.