Кривична пријава за новинар на Танјуг – го негирал извршениот геноцид во Сребреница

Магдалена Андонова — Wed, 10 Nov 2021 13:48:03 +0000

Новинарот на српската новинска агенција Танјуг, Марко Трошиќ доби кривична пријава затоа што за време на интервју со претседателот на претседателството на БиХ, Жељко Комшиќ, негираше дека во Сребреница бил извршен геноцид.

Predsjedavajući Predsjedništva BiH Željko Komšić prekinuo je intervju za srbijansku novinsku agenciju Tanjug nakon što je novinar rekao da ne priznaje presude za genocid u Srebrenici pic.twitter.com/Lc5by8PFIh
— Istraga.ba (@IstragaB) November 9, 2021

Кривична пријава против Трошиќ беше поднесена од страна на Бошњачкото лоби здружение Институт за истражување на геноцид со седиште во Канада, врз основа на измените во државниот кривичен закон, наметнати од поранешниот висок претставник за БиХ, Валентин Инцко. Од почетокот на август, секое негирање на воените злосторства, вклучително и злосторството геноцид извршено во Сребреница, кој е утврден со пресудите на меѓународниот кривичен трибунал за поранешна Југославија и Меѓународниот суд на правдата, стана кривично дело за кое е превидена затворска казна од шест месеци до пет години.

Професорот Стојков од Бугарија: Клучно за Бугарија е да се оспори македонскиот јазик, затоа што тоа го негира самото постоење на македонската нација

Тале Кристо — Sat, 21 Nov 2020 13:06:14 +0000

Професорот Стојко Стојков, копретседател на организацијата ОМИ Илинден Пирин во Република Бугарија во своето интервју за Македонско радио истакна дека не е изненаден од ставот на Бугарија за поставување на вето на отпочнувањето на преговорите. Клучно за Бугарија е да се оспори македонскиот јазик, затоа што тоа го негира самото постоење на македонската нација, а од друга страна ќе се одземе секоја можност во иднина да се бара признавање на македонско малцинство во Бугарија, кое што е клучен проблем за Бугарија. Ако македонскиот јазик е посебен јазик и уште повеќе што во минатото се изучувал во Бугарија, тогаш јасно е дека бугарската позиција не може да се заштити- рече Стојков. Според него целта на ваквата стратегија е македонскиот народ и јазик да се сведе на територијата на Република Македонија и тоа само во периодот после 1944 година Македонија игра многу пасивна позиција, не бара ништо од Бугарија, а Бугарија постојано наметнува свои барања. Како и секоја нација , така македонската, треба да си ги знае своите национални интереси и да ги брани. Принципот на солидарност помеѓу припадниците на една нација, треба да се почитува. Ние исто така сме Македонци и очекуваме дека другите наши браќа Македонци се загрижени за нашата положба и од солидарност ќе не поддржат- дополни Стојков. Стојков посочи дека овие позиции на официјална Софија се стари 50 години и не верува дека без меѓународоен притисок тие ќе променат и после изборите. Во Бугарија говор на омраза се смета тоа што Македонците зборуваат за себе. Значи ние ако се сметаме за Македонци, тоа се смета за говор на омраза против Бугарија , затоа што мораме да бидеме Бугари- смета професорот Стојков, додавајќи дека тоа е ниско ниво на изживување со Македонија и Македонија треба да превземе мерки против тоа. Тој ја советуваше македонската влада дека не смеат да се прават повеќе отстапки, затоа што веќе се направени огромни отстапки према Грција и ако се направат отстапки и кон Бугарија тогаш едноставно македонската нација може да се прогласи за уништена.

негирање – Kurir.mk

Кривична пријава за новинар на Танјуг – го негирал извршениот геноцид во Сребреница

Професорот Стојков од Бугарија: Клучно за Бугарија е да се оспори македонскиот јазик, затоа што тоа го негира самото постоење на македонската нација