негорци – Kurir.mk

Мицкоски во посета на Негорци

Ивона Петрова — Thu, 05 May 2022 07:59:21 +0000

Претседателот на ВМРО-ДПМНЕ Христијан Мицкоски денеска заедно со градоначалникот на општина Гевгелија, Андон Сарамандов ќе извршат увид на градежни активности во населеното место Негорци, општина Гевгелија. Посетата е во рамките на активноста „Промените се случуваат, секогаш со народот“ која ја спроведува ВМРО-ДПМНЕ.

Пациентите од психјатриската болница во Негорци примија бустер доза

Ивона Петрова — Thu, 10 Feb 2022 13:32:37 +0000

Изминативе два дена, вакциналната екипа од гевгелиската Општа болница ја заврши акцијата за вакцинирање со бустер доза против Ковид-19 во психијатриската болница „Негорци“, каде третата анти ковид вакцина ја примиле 152 хоспитализирани пациенти, како и дел од вработениот персонал во здравствената установа. Од болницата денеска потврдија дека вакциналната екипата ќе продолжи со работа на терен, овој пат во гевгелискиот затвор, каде ќе бидат вакцинирани 12 граѓани кои се наоѓаат на издржување затворска казна и оти позитивно ќе биде одговорено на барањето на текстилната компанија „Меркјури“ за вакцинирање со „бустер“ доза на 60 вработени.

Обид за силување во Негорци, сторителот уапсен

Тале Кристо — Sun, 12 Jan 2020 21:13:10 +0000

Во текот на денeшниот ден, меѓу 14 и 14.30 часот, во село Негорци во семејната куќа непознат сторител се обидел да ја силува врз Ј.Т., информираат од СВР Струмица. – По пријавувањето на настанот веднаш се преземени итни службени мерки и активности со координирање на сите служби на теренот, при што по еден час е пронајден сторителот и е лишен од слобода – стои во соопштението на струмичката полиција, од каде додаваат дека станува збор за лицето И.Н. од село Мелница, Велешко. Лицето е задржано во просториите на ОВР Гевгелија и во координација со Основното јавно обвинителство ќе следува понатамошно постапување по пријавениот настан.

Државниот секретар за здравство Милошев ја посети болницата „Негорци“

Матеја Петровски — Thu, 07 Jun 2018 15:30:16 +0000

Националната стратегија чија што оновна цел е превенција и унапредување на условите за лекување на ментално и душевно растројство на сите пациенти без разлика на нивниот пол, вера и национална припадност, за периодот 2018-2025 што ја изработи Министертвото за здравство и деновиве ќе влезе во владина процедура, беше повод државниот секретар за здравство Владимир Милошев денеска да ја посети Невропсихијатриската болница „Негорци“. - За имплементирање и реализација на оваа стратегија веќе се предвидени човечки ресурси како и отворање на нови центри за ментално здравје за кои се обезбедени стабилни финансиски средства со цел да создадеме достоинтвени услови за третман на овие пациенти, нагласи Милошев. Покрај ова Милошев посочи дека Министерството за здравство дало согласност на НПБ „Негорци“ за вработување на тројца психијатри и два лекари по општа медицина кои веднаш ќе бидат упатени на специјализација. На средбата со вработените, Милошев беше информиран за актуелната состојба во оваа јавна здравствена установа, а имаше можност да ги види и условите за престој на пациентите како и нивниот третман од страна на вработените. (Миа)