неготинец – Kurir.mk

Кривична пријава за „демнење“ за неготинец кој ја вознемирувал поранешната вереница

Тале Кристо — Tue, 27 Jun 2023 16:18:02 +0000

Полицијата од Неготино поднесе кривична пријава против 35 годишен жител на Неготино, поради постоење основи на сомневање за сторено кривично дело „демнење“. Како што информира Министерството за внатрешни работи, пријавениот се сомничи дека ја демнел жртвата во периодот од февруари 2023 до мај 2023 година. - Во периодот од февруари 2023 до мај 2023 година, пријавениот неовластено ја следел неговата поранешна вереница и ја вознемирувал со пораки преку вибер и со испраќање писма до домот во кој што таа живее, стои во соопштението од МВР.

Неготинец ја истепал својата мајка

Тале Кристо — Wed, 08 Jun 2022 16:16:36 +0000

На 07.06.2022 во 08.35 часот во ОВР Неготино било пријавено дека на ул.„Маршал Тито“ во Неготино, по претходна вербална расправија, А.А. од Неготино физички ја нападнал неговата мајка. Се преземаат мерки за расчистување на случајот.

Кавадарчанец и жител на неготинско село физички нападнале полицајци па биле лишени од слобода

Тале Кристо — Sat, 21 Nov 2020 14:11:07 +0000

Кавадарчанец и жител на неготинско село синоќа на две различни места физички нападнале полицајци па биле лишени од слобода, информираше денеска Верољуб Додевски, портпарол на СВР Велес. -Синоќа во 18.45 часот во Богданци, полициски службеници лишиле од слобода 48-годишник од село Прждево, неготинско, бидејки при полициска интервенција, по пријавена поплака од лице од Богданци, физички нападнал полициски службеник кој вршел службени дејства, појасни Додевски. Претходно, во 17.30 часот во Кавадарци бил лишен од слобода О.К.(41) од Кавадарци, бидејки се однесувал агресивно и физички нападнал полициски службеник кој извршувал работни задачи. Се преземаат мерки за расчистување на случаите.

Шеесет и шестгодишен неготинец каснат од змија во лозјето

Дарко Андоновски — Fri, 04 May 2018 07:04:02 +0000

Шеесет и шестгодишен неготинец бил каснат од змија утрово додека работел во лозјето. Од Здравствен дом Неготино потврдија за МИА дека во установата бил донесен пациент роден 1952 година, кој имал змиско каснување. Лицето примило серум и со службено возило било пренесено во кавадаречката болница, каде било задржано. Пред неколку дена, неготинка исто така беше касната од змија додека работела во лозовиот насад. Познавачите на состојбите велат дека во овој период од годината змискиот отров е најсилен. Според хирургот Дано Кулев, по околу седум каснувања од змии има годишно во Тиквешко. Тој апелираше на внимателност, нагласувајќи исто така дека змиите не напаѓаат сами од себе, туку само ако се почувствуваат загрозени.