неготино-градско – Kurir.mk

Осумнаесет мигранти од Бангладеш пронајдени во возило на патот Неготино-Градско

Магдалена Андонова — Fri, 17 Jul 2020 08:53:27 +0000

Осумнаесет мигранти од Бангладеш биле пронајдени вчера во возило на патот Неготино-Градско, информираше денеска Верољуб Додевски, портпарол на СВР Велес. – Околу 14:30 часот на патот Неготино – Градско, во близина на локалитетот Стоби, при контрола на товарно возило „форд“ со скопски регистарски ознаки, управувано од В.Т. (33) од Скопје, во товарниот дел на возилото полициски службеници пронашле 18 мигранти од Бангладеш (сите полнолетни). Возачот бил лишен од слобода и приведен во полициска станица за понатамошна постапка, појасни Додевски. Извршен бил увид на местото на настанот од увидна екипа од Полициската станица Неготино. Известен бил јавен обвинител, а мигрантите се сместени во Прифатниот тразнитен центар „Винојуг“-Гевгелија. (МИА)

Карамбол на патот Неготино – Градско: Повредени 3 лица, во несреќата учествувале четири возила

Ивона Петрова — Fri, 29 Nov 2019 09:20:18 +0000

Три лица се повредени во сообраќајна несреќа која вчера во 14.50 часот се случила на автопатот Неготино - Градско. „Фолксваген пасат“, со битолски регистарски ознаки, управувано од Г.Д.(36) од Битола, удрил во заштитна ограда и се превртело на коловозот. Во незгодата возачот и сопатникот С.С.(34) се здобиле со тешки телесни повреди. -Потоа, во паркираното возило на ЈЗУ Здравствен дом Неготино, кое дошло на местото на незгодата, удрило возило „Фиат фиорино“, со скопски регистарски ознаки, управувано од И.М.(26) од Скопје, а потоа во него удрило возило „киа рио“, со струшки регистарски ознаки, управувано од Р.Ј.(39) од Скопје, информираат од МВР. Притоа со повреди се здобил И.М. Извршен бил увид на местото на настанот од екипа на Полициската станица Неготино.