неготинско – Kurir.mk

Ставен е под контрола пожарот во неготинско

Катерина Бојаџиева — Fri, 03 Nov 2023 21:44:45 +0000

Ставен е под контрола пожарот во Неготинско, потврди вечерва за МИА, градоначалникот на Неготино, Горан Стојанов. - На терен делуваа неготински и кавадаречки пожарникари, а и дождливото време помогна. Има дежурни пожарникари на лице место и ќе се следи состојбата, додаде Стојанов. Станува збор за пожар што избувна попладнево во атарот на селото Дуброво, информираа претходно од ЦУК за МИА.

Се шири пожарот кај неготинско Дуброво, гаснат пожарникари од Неготино и Кавадарци

Катерина Бојаџиева — Fri, 03 Nov 2023 19:42:08 +0000

Се шири пожарот кај неготинско Дуброво, гаснат пожарникари од Неготино и Кавадарци, велат од ЦУК за МИА. Според вонредната информација од РЦУК – Велес, тие од ТППЕ Неготино во 17:25 часот биле известени за пожар на отворен простор во атарот на село Дуброво, каде горела сува трева и шума. – Заради засилен ветер пожарот се проширува со голема брзина. На терен интервенираат ТППЕ Неготино со 12 пожарникари и три ПП возила и ТППЕ Кавадарци со тројца пожарникари и едно возило џип, се вели во вонредната информација до МИА. Неготинци се надеваат дека дождот што почна да паѓа во градот пред некое време, ќе им помогне на пожарникарите да го изгаснат пожарот.

ЦУК: Отстранета опасноста по мостот на Вардар и од локално поплавување во Неготинско

Дарко Андоновски — Thu, 02 Feb 2023 12:26:04 +0000

Отстранета е опасноста по мостот на Вардар и од локално поплавување во Неготинско, информираат денеска од Центарот за управување со кризи. - Центарот за управување со кризи, по добиената информација на единствениот број за итни случаи 112 во ЦУК, презеде превентивни координативни активности за да се отстрани опасноста по мостот на Вардар кај Неготино, кај село Пепелиште и од поголемо локално поплавување. Практично, пријавената опасност беше резултат од нанесените гранки и дрва, што беа како своевидна брана, на столбовите од мостот од надојдената вода на реката, појаснија од Центарот. Регионалниот ЦУК Неготино известил дека од страна на водостопанство АД „Тиквеш“, подружница Кавадарци, вчера било извршено чистење и отстранување на дрвната маса и друга вегетација од бетонските столбови на мостот на реката Вардар, од патниот правец Неготино – Штип, близу село Пепелиште.

Приведен крадец од неготинско

Ивана Ефремовски — Thu, 24 Nov 2022 08:25:12 +0000

На 23.11.2022 во 23:50 часот во с.Пепелиште, неготинско, полициски службеници од ОВР Неготино го лишиле од слобода С.В.(46) од с.Пепелиште. Тој се сомничи дека со остар предмет скршил стакло од продажен објект во селото, сопственост на Р.З.(65) и се обидел да изврши „тешка кражба“. Остриот предмет бил пронајден и одземен, а С.В. бил задржан во полициска станица. По целосно документирање на случајот против него ќе биде поднесена соодветна пријава.

ВИСТИНСКА ДРАМА ВО НЕГОТИНСКО: Сопругот, свекорот и деверот си ја истепале снаата

Тале Кристо — Thu, 09 Jun 2022 15:08:48 +0000

На 08.06.2022 во 18.50 часот, полициски службеници од ОВР Неготино ги лишиле од слобода Е.С.(28), С.С.(32) и М.С.(57), сите од неготинско село, постапувајќи по пријава на 24-годишна жена според која во дворот од семејната куќа била физички нападната од сопругот, деверот и свекорот. По целосно документирање на случајот против нив ќе биде поднесена соодветна пријава.