негување – Kurir.mk

7 совети за убави и негувани усни во текот на зимата: Почнете на време!

Ристе Здравков — Mon, 05 Dec 2022 13:37:14 +0000

Во текот на зимата, поради ниските температури, ветерот и снегот, нашата кожа има тенденција да пука и да се исуши. Повеќето жени во овој период повеќе се грижат за лицето и рацете, но не треба да заборавиме и на нашите усни. Грубите и суви усни, освен што се естетски непривлечни, често се иритирани и може да болат. За да го зачувате убавиот и негуван изглед на усните и нивната мекост во зимскиот период, следете ги овие седум совети: 1. Избегнувајте мокрење на усните Иако можеби чувствувате дека усните ви се сушат, избегнувајте да ги навлажнувате и лижете. Ензимите во плунката се користат за варење на храната и за иритација на усните. 2. Внимавајте кој мелем го користите Избегнувајте мелеми кои содржат камфор, еукалиптус и ментол во текот на зимската сезона. Овие состојки можат да предизвикаат суви усни, што значи дека овие балсами само ќе ги омекнат вашите усни за кратко време, а штом престанете да ги користите, тие ќе бидат суви и испукани, пишува Lofficielusa. 3. Лупење на усните Со нежна ексфолијација ќе ги отстраните мртвите клетки и убавата и негувана кожа на усните ќе дојде до израз. Кожата на усните можете да ја негувате со пилинг од вашите омилени брендови или да ги направите сами дома. 4. Користете мелеми со масла Изберете мелем за усни во кој има растителни масла или глицерин. Овие супстанции ќе ги заштитат вашите усни долго време и ќе го спречат нивното сушење. 5. Ставајте заштитен фактор Иако многумина мислат дека треба да применуваат заштитен фактор само за време на летото, вистината е всушност поинаква. Во текот на целата година треба да се нанесува крема со заштитен фактор, а не треба да ги прескокнувате ниту усните. 6. Останете хидрирани Пиењето доволно вода ќе ги хидрира вашите усни однатре. Покрај тоа, целото тело ќе ви биде поздраво. Не заборавајте да носите шише вода со себе каде и да одите. 7. Земајте витамини За да ги одржите вашите усни меки и нахранети, збогатете ја вашата исхрана со витамини и минерали. Витаминот А е особено важен за усните. Го има во рибиното масло, морковите, млечните производи, жолчките, спанаќот и зелката.

Не го занемарувајте овој дел од телото: Неколку чекори за совршено негувани стапала

Ристе Здравков — Mon, 31 Oct 2022 12:15:51 +0000

На нашите стапала им е навистина тешко со секојдневното брзање и притисок од модерниот живот и неудобните чевли. Затоа е важно да посветите повеќе внимание за нивна грижа. Погледнете ги овие 6 едноставни совети кои ќе ви помогнат во тоа. Одржувајте ги стапалата суви Еден од основните принципи за хигиена е стапалата постојано да ви бидат суви. Влажноста создава совршена средина за развивање габи и инфекции. Во ова ќе ви помогнат следниве работи: Носете чевли кои се направени од природен материјал и кои ѝ дозволуваат на кожата да дише. Избегнувајте да ги носите истите чевли неколку денови по ред. Темелно избришете ги стапалата после бањање. Правилно сечете ги ноктите Неправилно исечените нокти резултираат со сраснување кое може да биде навистина болно. Еве неколку совети да го спречите тоа: Сечете ги ноктите по права линија. Немојте премногу да ги кратите. Ова може да предизвика сраснување и инфекции. Немојте да ги сечете кутикулите! Може нежно да ги потиснете назад кон коренот на нокотот. Одржувајте го здравјето на вашите нокти Оваа постапка ќе ви помогне да се ослободите од болката од сраснатите нокти: Накиснете ги стапалата во топла вода околу 20 минути. Додајте 1 лажица сол во 1 литар вода. Ставете конец за заби под работ на вашиот нокот и нежно подигнете. Ставете антисептик на третираното место и заштитете го со завој. Повторувајте го овој процес додека нокотот не заздрави целосно. Ако не гледате подобрување и ако забележите некој знак на инфекција, веднаш одете на доктор. Накиснете ги стапалата во топла вода За вашите стапала да изгледаат прекрасно, а петите да ви бидат мазни, накиснете ги во топла вода околу 20 минути, барем еднаш неделно. Можете да додадете сол, есенцијални масла и слично. Користете камен за пета за да ја отстраните сувата кожа од петите. Навлажнувајте ги стапалата Најдобро е да користите мрсни креми, како на пример, вазелин. Само запомнете, никогаш не ги нанесувајте кремите помеѓу прстите бидејќи може да се создадат габи. Масирајте ги стапалата Масажата на стапалата е одличен начин да се ослободите од заморот, да ја подобрите циркулацијата на крвта и да го одржите здравјето на стапалата. Можете да купите масажер за стапала, или пак можете да користите каков било кружен предмет, како на пример топче за тенис. Ставете го топчето под стапалото и почнете да го движите напред-назад.

Како да си ја зачувате кожата млада?

Магдалена Андонова — Sun, 11 Apr 2021 21:00:48 +0000

И покрај строгиот режим на нега, сепак постои можност вашата кожа да започне да ја губи еластичноста и да стане многу сува. Следните седум навики може да го забрзаат процесот на стареење. Вежбање на отворено без заштитен фактор Иако најверојатно избегнувате да нанесувате крема пред тренингот за да избегнете прекумерно потење, треба да имате на ум дека дури и половина час вежбање на отворено е доволно за сончевите зраци да остават трага на вашата кожа. Често пиење алкохол Покрај тоа што предизвикува мамурлаци, алкохолот е главен виновник за дехидратацијата на организмот и лошата апсорпција на витамини неопходни за лечење колаген. Колагенот е протеин што ја прави кожата но и други видови ткива – поцврсти и поеластични. Премногу слатко Високата количина шеќер ја намалува количината на колагенот во вашата кожа, ја суши и ги поттикнува брчките. Не носите очила за сонце Носењето очила за сонце ги штитат очите, но и спречуваат појава на брчки. Слушање гласна музика Гласната музика ги иритира тенките влакна во увото, коишто потоа ги иритираат нервите во мозокот, што доведува до постепено слабеење на слухот. Премногу време пред компјутер Покрај тоа што предизвикува главоболки, предолгото време минато пред компјутер поттикнува и подочници и – брчки околу очите. Претерана хигиена и триење на лицето со средстваПрекумерната употреба на пилинг и средства за чистење на лицето може да ја исуши кожата и да ги исцрпи природните масти што таа ги произведува.

Како да си ја зачувате кожата млада?

Ивона Петрова — Mon, 14 Oct 2019 11:30:04 +0000

И покрај строгиот режим на нега, сепак постои можност вашата кожа да започне да ја губи еластичноста и да стане многу сува. Следните седум навики може да го забрзаат процесот на стареење. Вежбање на отворено без заштитен фактор Иако најверојатно избегнувате да нанесувате крема пред тренингот за да избегнете прекумерно потење, треба да имате на ум дека дури и половина час вежбање на отворено е доволно за сончевите зраци да остават трага на вашата кожа. Често пиење алкохол Покрај тоа што предизвикува мамурлаци, алкохолот е главен виновник за дехидратацијата на организмот и лошата апсорпција на витамини неопходни за лечење колаген. Колагенот е протеин што ја прави кожата но и други видови ткива – поцврсти и поеластични. Премногу слатко Високата количина шеќер ја намалува количината на колагенот во вашата кожа, ја суши и ги поттикнува брчките. Не носите очила за сонце Носењето очила за сонце ги штитат очите, но и спречуваат појава на брчки. Слушање гласна музика Гласната музика ги иритира тенките влакна во увото, коишто потоа ги иритираат нервите во мозокот, што доведува до постепено слабеење на слухот. Премногу време пред компјутер Покрај тоа што предизвикува главоболки, предолгото време минато пред компјутер поттикнува и подочници и – брчки околу очите. Претерана хигиена и триење на лицето со средства Прекумерната употреба на пилинг и средства за чистење на лицето може да ја исуши кожата и да ги исцрпи природните масти што таа ги произведува.

Како се негува Божиќното цвеќе?

Дарко Андоновски — Tue, 08 Jan 2019 17:37:30 +0000

Кога Божиќното цвеќе ќе прецвета, треба да го преместите во малку постудена просторија и да престанете да го налевате. Сепак, по периодот на мирување, ова цвеќе ќе биде подготвено за новата сезона ако го негувате правилно. Додека цвета, растението треба да го чувате во малку постудена просторија на температура од 12 до 14 степени целзиусови, затоа што во потопла просторија брзо ќе прецвета. Растението го бара најсветлото место (на прозорецот) и влажен воздух, а тоа се однесува на централното греење каде температурата е повисока. Кога ќе прецвета, односно кога ќе и отпадне цветот, растението можете да го префрлите во малку постудена просторија. Најпогодната температура е од 10 до 12 степени. Тогаш престанувате да ја налевате, па растението ќе ги отфрли лисјата, што значи ќе настапи мирување. Во април растението треба да се пресади во свежа, хранлива земја со 15 отсто чист речен песок. Кога ќе го пресадувате цвеќето, добро е гранчињата да ги скратите на должина од околу 10 сантиметри. Местото каде што сте го исекле цвеќето запрашете го со дрвен јаглен или запечатете го со восок од запалена свеќа, за да не истече млекото. Ако истече млекото од растението, тешко дека тоа повторно ќе цвета. На пресаденото растение обезбедете му светлина и топло место, во близина на прозорец или на прозорецот, а на почетокот налевајте ја внимателно. Кога ќе почне да пушта нови гранчиња залевајте ја обилно и тоа секогаш со млака вода. Кон крајот на јуни можете да ја изнесете надвор на сончево место. Со оглед на тоа дека растението е во полн раст, секои 15 дена треба да го потхранувате. До есен таа ќе пушти цврсти гранчиња. Кога ќе натсапат постудените денови, растението треба да го внесете во потопла просторија, на полна светлина на прозорецот. Еуфорбија е растение со краток ден, што значи дека цвета кога денот е пократок од 12 часа. Ако просторијата каде што е сместено растението се осветлува подолго од 12 часа нема да процвета. Поради тоа, цвеќето мора да го чувате во соба во која „денот е пократок“ се додека не се развијат цветовите.