негувателка – Kurir.mk

Уште една негувателка позитивна на Ковид-19, во изолација 12 деца и двајца вработени во кавадаречка градинка

Магдалена Андонова — Thu, 10 Dec 2020 12:34:09 +0000

Уште една негувателка е позитивна на Ковид-19, во изолација се 12 деца, како и двајца вработени во кавадаречка градинка, за МИА потврди доктор Ристе Јовановски, специјалист епидемиолог при кавадаречкиот Центар за јавно здравје. Тој информирара дека позитивни на вирусот се и двајца здравствени работници од Кавадарци, а починало едно лице на 64 години. Во изминатите 24 часа биле регистрирани 36 позитивни случаи во регионот, на возраст од 19 до 83 години. Во Кавадарци 24, а 7 во Неготино, 3 во Демир Капија и 2 случаја во Росоман. Се утврдуваат нивните контакти, со цел да се изолираат.

Во изолација 13 деца: Негувателка во градинка во Кавадарци позитивна на Ковид-19

Дарко Андоновски — Thu, 03 Dec 2020 13:16:47 +0000

Негувателка во градинка во Кавадарци е позитивна на Ковид-19. Во изолација се 13 деца, една негувателка и една воспитувачка, за МИА потврди доктор Ристе Јовановски, специјалист епидемиолог при Центар за јавно здравје Кавадарци. – Изминатите 24 часа регистрирани се 44 случаи позитивни на коронавирус во Тиквешијата. Дваесет и четири од Кавадарци, по десет од Неготино и од Демир Капија. Најмладиот новозаболен има 13 години, истакна Јовановски. Тој додаде дека се утврдуваат нивните контакти, со цел да се изолираат.

Негувателка од кумановска градинка позитивна на Ковид-19

Магдалена Андонова — Mon, 21 Sep 2020 15:25:51 +0000

Од Центарот за јавно здравје во Куманово контактирале со родителите и врз основа на сознанијата донеле одлука дека во моментот нема потреба од затворање на групата, односно да не се стават во изолација децата и вработените од тој објект, затоа што се преземени сите безбедносни мерки за заштита од ковид-19 во градинката „Ангел Шајче“. (Фото: СДК.МК) Негувателка во градинка „Ангел Шајче“ во Куманово е позитивна на коронавирус. Директорката Марина Алексовска вели дека вработената во петокот не дошла на работа затоа што имала здравствени проблеми со симптоми кои не се типични за ковид-19, но откако се тестирала излегла позитивна. Ова е прв случај на коронавирус во кумановските градинки. „Веднаш постапивме по алгоритамот во вакви ситуации и го пријавивме случајот во Центарот за јавно здравје во Куманово. Тие телефонски стапиле во контакт со родителите и врз основа на сознанијата донеле одлука дека во моментот нема потреба од затворање на групата, односно да не се стават во изолација децата и вработените од тој објект, затоа што се преземени сите безбедносни мерки за заштита од ковид-19 во градинката“, изјави директорката Алексовска. Директорката вели дека вработените строго ги почитуваат протоколите за работа и носат заштитна опрема, маска и визири, држат физичка дистанца, немаат контакт меѓу вработените и родителите, ниту пак се мешаат децата и вработените во другите групи, а редовно се дезинфицираат занималните по заминување на децата. Алексовска вели дека тие ја следат состојбата и понатаму, а покрај Центарот за јавно здравје, за новонастаната состојба се известени Министерството за труд и социјална политика и локалната самоуправа Куманово.

Негувателка од битолска градинка позитивна на коронавирус

Магдалена Андонова — Fri, 11 Sep 2020 17:42:39 +0000

По спроведеното епидемиолошко истражување, за пет деца од градинката, три воспитувачки и две негувателки ќе бидат во домашна изолација. Денеска како позитивна на ковид-19 е регистрирана една негувателка во битолска детска градинка. По спроведеното епидемиолошко истражување, за пет деца од градинката, три воспитувачки и две негувателки е даден предлог до ДСЗИ за ставање под здравствен надзор и домашна изолација во траење од 14 дена од контактот со позитивното лице, објави Телма. Денеска во Битола се регистрирани 4 новозаболени, на возраст од 54 до 65 години, а само едно од нив дава податок за контакт со позитивно лице.

Отворена истрага против негувателка заради малтретирање дете

Дарко Андоновски — Fri, 22 Nov 2019 14:48:35 +0000

Основното јавно обвинителство Скопје отвори истражна постапка против едно лице за кривично дело – запуштање и малтретирање на дете од чл.201 ст.1 од Кривичниот законик. -Осомничената на 21 ноември, во игротека во еден угостителски објект, малтретирала двегодишно дете за кое била ангажирана како негувателка. Притоа таа повеќепати го удрила детето кое се здобило со телесни повреди. За ова кривично дело е предвидена казна затвор од една до десет години, соопшти попладнево Јавното обвинителство. Надлежниот јавен обвинител до судијата на претходна постапка при Основниот кривичен суд Скопје доставил и предлог за определување мерка притвор за осомничената.

ФОТО: Таа е негувателка на стари лица, а навечер се претвора во…

Ивана Ефремовски — Wed, 14 Mar 2018 11:35:27 +0000

Луција (20) доаѓа од Шведска и работи како негувателка на стари лица, додека во ноќните часови се трансформира во жива кукла. Како тинејџерка била заљубена во Тим Бартон, кој е познат по своите мрачни, готски и ескцентрични изгледи. Таа носи леќи поради кои очите ѝ се многу поголеми, а нејзиниот изглед предизвикува негативни коментари во јавноста. Кога на социјалните мрежи објавува фотографии, често е осудувана поради изгледот, но таа истакнува дека тоа што го работи ѝ помогнало да се пронајде. Кога имала 15 години таа започнала да ја следи јапонската улична мода и да чита јапонски магазини. -Луѓето веќе се навикнаа да ме гледаат чудно, "емо фаза", така што новата промена ме направи да изгледам помалку чудно, изјави Луција. Кога не работи, Луција се дотерува, се шминка и социјалните мрежи ги преплавува со нејзини фотографии. -Модниот стил го развивав сама и сега е сосема поразличен од стилот кога бев мала. На почетокот го следев јапонскиот стил под името "fairy kei", а потоа се пренасочив кон стиловите како "roma gyaru" и "himekaji". Исто така, носам и леќи за очи кои ми ги зголемуваат очите, но досега не сум направила ниту една операција, вели за Дејли Меил.