негувателки – Kurir.mk

Општина Кисела Вода упати јавен повик за времено ангажирање на негуватели во јавните детски градинки

Катерина Бојаџиева — Wed, 12 Jan 2022 17:33:51 +0000

Врз основа на Договорот за соработка помеѓу Програмата за развој на Обединетите нации (УНДП) и општина Кисела Вода, заедно со Агенцијата за вработување, општината упати јавен повик за времено ангажирање на негуватели за јавните детски градинки на оваа територија. Евидентираните невработени лица кои сакаат да се вклучат во Програмата Општинско - корисна работа треба да поседуваат лиценца. Вкупниот период на вклученост на невработените лица преку Програмата изнесува пет месеци. Ќе бидат работно ангажирани со скратено работно време со дваесет работни часови неделно. За време на работниот ангажман од пет месеци, статусот на невработените лица останува непроменет, а на невработените лица, корисници на паричен надоместок и на корисници на право на гарантирана минимална помош за времетраење на работно ангажирање ќе им биде активно претходно остварено право. Право на учество во Програмата „Општинско-корисна работа“ имаат сите невработени лица, при што предност ќе имаат лицата кои за прв пат се јавуваат за учество во Програмата. За кандидатите кои ќе бидат избрани, се предвидува паричен надоместок во висина од 9.000,00 денари бруто износ за работното ангажирање, со вклучени данок на личен доход и осигурување за инвалидност и телесно оштетување причинето со повреда на работа и професионална болест. Целиот јавен повик, заедно со преостнатите критериуми е достапен на општинскaта веб страница на следниот линк: https://www.kiselavoda.gov.mk/content-data/Broshuri/%D0%88%D0%B0%D0%B2%D0%B5%D0%BD%20%D0%9F%D0%BE%D0%B2%D0%B8%D0%BA%20%D0%9E%D0%9A%D0%A0%20%D0%9E%D0%9F%202021.pdf Сите дополнителни информации, можете да ги добиете и на телефонскиот број 072/314-945.

Две негувателки од прилепските градинки позитивни на коронавирус – 30 деца во изолација

Магдалена Андонова — Mon, 13 Sep 2021 13:41:13 +0000

Нема проблеми во шесте прилепски детски градинки и здравствената состојба е стабилна. Нема ниту едно дете заболено. Според Орце Тодороски, директор на прилепските детски градинки „Наша иднина“, иако две негувателки се позитивни на корона-вирусот и поради тоа две групи со вкупно 30 деца остануваат во изолација, нема позитивни случаи меѓу децата. – Имаме позитивна негователка на група од две до три години. Групата со 21 дете се во изолација. Позитивна на корона вирусот е уште една негувателка, во група од 3 до 6 години со девет деца во групата. Што е најважно – нема ниту едно дете заболено. Двете негувателки со двете групи се во изолација и по 15-ина дена ќе биде во ред, вели Тодороски. Солидни 88 отсто од 186-те вработени се вакцинирани. Во шесте градинки, според протоколите се сместени 618 деца, но интересот кај родителите е голем. Дури 370 деца се на листата за сместување во градинките. – Во шесте детски градинки се згрижени 618 деца: Тоа е задоволителна бројка и е според протоколот и препораките на Министерството за труд и социјална политика. Групите се зголемени со бројот на децата на 25, освен во јаслите каде бројот останува 15 деца во група. Во шесте градинки има 50 воспитни групи. Има огромен интерес кај родителите да ги носат децата во градинка. Околу 370 деца се на листата на чекање. Ова ќе настојуваме да го решиме со изградбата на новата детска градинка во населбата Точила која треба да биде готова до крајот на годинава. Капацитетот е за 250 деца, констатира директорот на приелпските градинки Орце Тодороски.

Oсум негувателки од Тетово позитивни на коронавирус

Магдалена Андонова — Tue, 17 Nov 2020 13:56:24 +0000

Осум негувателки во Тетово позитивни на коронавирус, додека други седум се во домашна изолација. Како резултат на сомневања за ширење на вирусот, три групи на деца исто така се во изолација. - Од големиот број на заразени, имаме и вработени кои резултираат позитивни. Имаме осум негувателки во сите објекти, но во споредба со бројот на вработени и оние кои се позитивни, излегува мал. Тие се мала бројка за да ја попречуват работа во градинките, рече Рамије Даути, директорка на градинката „Риниа“ во Тетово, пренесува Алмакос. - Последниот случај беше зараза беа позитивните тестови на воспитувачки во селото Џепчиште во општина Тетово, каде како резултат на тоа, градинката е затворена и не работи со денови, додека двете групи на деца се во изолација. Состојбата, исто така, е влошена и со бројот на наставници и професори во основните и средните училишта кои се заразени. Општина Тетово известуваат дека во училиштата има 22 позитивни наставници и осум одделенија кои се во изолација, додека во средните училишта има регстрирано 20 наставници кои се заразени со коронавирус. Од почетокот на пандемијата, во Тетово со корона вирусот се заразени 3159 лица.

Две негувателки од кавадаречка градинка позитивни на коронавирус – во изолација 28 деца и три колешки

Магдалена Андонова — Fri, 13 Nov 2020 13:47:20 +0000

Две негувателки од две групи во кавадаречка градинка се позитивни на коронавирус. Со нив во изолација се уште три негувателки, како и 28 деца од двете групи. Информацијата за МИА ја потврди доктор Ристе Јовановски специјалист епидемиолог при Центар за јавно здравје Кавадарци. Јовановски информираше дека во изминатите 24 часа евидентирани се нови 34 случаи позитивни на Ковид-19 во Тиквешијата. Новозаболените се на возраст од 12 до 83 години. Тринаесет лица се од Кавадарци, четири од Росоман, 14 од Неготино и три од Демир Капија. Се утврдуваат нивните контакти со цел да се изолираат.

Мицкоски: Бараме ослобободување од работа на хронично болните, бесплатни тестови за здравствените работници, наставничките и негователките

Тале Кристо — Sun, 01 Nov 2020 17:09:07 +0000

Поради влошената и состојба со коронавирусот ВМРО-ДПМНЕ и лидерот Христијан Мицкоски излегоа со неколку барања до власта се со цел да се заштитат животите на најзагрозената категорија на граѓани и на овие кои што секојдневно се наоѓаат во првите борбени линии со невидливиот непријател. Барањата се ослобободување од работа на хронично болните, бесплатни тестови за здравствените работници, наставничките и негователките. БАРАМЕ: -Ослободување од работа на болните од хронични болести. -Бесплатни тестови за здравствените работници. -Бесплатни тестови за наставничките и негователките, стои во објавата на Мицкоски.