Три возила што вршат јавен превоз имале неисправни сопирачки, акциска контрола на СВР Битола

Ивана Ефремовски — Wed, 16 Feb 2022 18:07:40 +0000

Полициски службеници од СВР Битола денеска (16.02.2022) од 13:00 до 17:00 часот, спровеле акциска контрола на возила кои вршат јавен превоз на патници. При контролата, биле откриени и санкционирани три возила со неисправни сопирачки, кои веднаш се исклучени од сообраќајот, а изготвени се и соодветни поднесоци. Од нив две возила на територија на Битола и едно возило на територија на Прилеп. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Откриени автобуси со неисправни сопирачки по сообраќајниците низ Полог

Катерина Бојаџиева — Wed, 09 Oct 2019 14:47:18 +0000

Во акциска контрола за техничка исправност на возила кои вршат јавен превоз на патници, полицијата открила 37 прекршоци, најмногу кај автобуси и такси-комбиња. Во вчерашната акција вкупно биле контролирани 95 возила (во Тетово 65 и Гостивар 30), кај кои откриени се вкупно 37 прекршоци (Тетово-16 и Гостивар-21). – Шеснаест од контролираните возила имале неисправни сопирачки (Тетово-11 и Гостивар-пет), три неисправни други уреди (Тетово-1 и Гостивар-2), четири со истечена регистрација во Гостивар, кај 12 со неизвршен технички преглед (Тетово-четири и Гостивар-осум), а на две возила им недостигала опрема, изјави Марјан Јосифоски, портпарол на СВР – Тетово. Откриените прекршоци заокружени се со 37 прекршочни платни налози и четири барања за поведување на прекршочна постапка, додека 22 возила веднаш се исклучени од сообраќај. При вчерашната контрола, исто така, констатирани се и четири други видови прекршоци.

неисправни сопирачки – Kurir.mk

Три возила што вршат јавен превоз имале неисправни сопирачки, акциска контрола на СВР Битола

Откриени автобуси со неисправни сопирачки по сообраќајниците низ Полог