неисправни возила – Kurir.mk

МВР: Полицијата со засилена акција казнила 79 возила поради техничка неисправност

Магдалена Андонова — Wed, 16 Mar 2022 11:10:30 +0000

Во текот на вчерашниот ден (15.03.2022) во периодот од 09.00 до 13.00 часот Министерството за внатрешни работи спроведе засилена контрола во делот на сообраќајот на територијата на Република Македонија. При контролата биле упатени во станица за технички преглед 202 возила, при што кај 79 возила биле констатирани технички неисправности, а санкционирани се 253 возачи поради непочитување на сообраќајните правила и прописи. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

За една година СВР Тетово има откриено 59 технички неисправни возила за превоз на патници

Тале Кристо — Thu, 25 Nov 2021 14:02:30 +0000

Во период од ноември 2020 година досега СВР Тетово на поширокото тетовско подрачје има вкупно поднесено санкции за 59 технички неисправни возила кои вршеле превоз на патници. Најмногу мерки (12) биле изречени во текот на овој месец, потоа девет санкции во март, седум во мај и така натаму. Според евиденцијата на полицијата, најчеста неисправност констатирана кај санкционираните возила биле неисправни сопирачки, како и неисправни уреди за управување, додека кај неколку од нив недостигала и потребната опрема што требале да ја поседуваат. – Секторот за внатрешни работи Тетово во континуитет врши контроли на возилата кои вршат јавен превоз на патници, пред сé, на автобуси и комбиња кои секојдневно или транзитно сообраќаат на подрачјето. Упатуваме апел до возачите на автобуси и комбиња редовно да ја проверуваат техничката исправност, со што ќе придонесат за сопствената и за безбедноста на патниците кои ги превезуваат и за што се најодговорни. Истото се однесува и на фирмите-превозници, чија законска обврска е да обезбедат максимални услови за нормално и безбедно превезување на патниците, без разлика дали организираат локални, национални или меѓународни дестинации, вели Марјан Јосифоски, портпарол на СВР Тетово. Законски предвидените поднесоци и парични глоби согласно Законот за возила за физички лица изнесуваат 400 евра во денарска противвредност, a за правните лица 2000 евра во денарска противвредност и дополнително 500 евра за одговорното лице.

Неисправни сопирачки најчест проблем, за една година во тетовско казнети 59 возила за превоз на патници

Ивона Петрова — Thu, 25 Nov 2021 13:02:48 +0000

Секторот за внатрешни работи Тетово во континуитет врши контроли на возилата кои вршат јавен превоз на патници, пред сé, на автобуси и комбиња кои секојдневно или транзитно сообраќаат на подрачјето. -Во тие рамки, од минатиот до ноември годинава, на поширокото тетовско подрачје вкупно биле санкционирани 59 технички неисправни возила кои вршеле превоз на патници. Најмногу мерки (12) биле изречени во текот на овој месец, потоа во март (9), мај (7) и така натаму. Најчеста неисправност констатирана кај санкционираните возила биле неисправни сопирачки, како и неисправни уреди за управување, додека кај неколку од нив недостигала и потребната опрема што требале да ја поседуваат, информираат од СВР Тетово. Секторот за внатрешни работи Тетово упатува апел до возачите на автобуси и комбиња редовно да ја проверуваат техничката исправност, со што ќе придонесат за сопствената и за безбедноста на патниците кои ги превезуваат и за што се најодговорни. Истото се однесува и на фирмите-превозници, чија законска обврска е да обезбедат максимални услови за нормално и безбедно превезување на патниците, без разлика дали организираат локални, национални или меѓународни дестинации. Во спротивно, тие ќе се соочат со законски предвидените поднесоци и со парични глоби, кои согласно Законот за возила за физички лица изнесуваат 400 евра во денарска противвредност, a за правните лица 2000 евра во денарска противвредност и дополнително 500 евра за одговорното лице.