нејмар – Kurir.mk

Нејмар по операцијата во Бразил: „Сè ќе биде во ред“!

Ивана Ефремовски — Fri, 03 Nov 2023 08:47:27 +0000

Бразилскиот напаѓач Нејмар (31) е опериран во Бело Хоризонте, две недели по тешката повреда на натпреварот против Уругвај во квалификациите за Светското првенство 2024, јавија синоќа локалните медиуми. Операцијата на вкрстените лигаменти, како и на менискусот на левото колено, траеше четири часа, а ја изврши докторот на бразилската репрезентација Родриго Ласмар, објави „Глобо Еспорте“. Саудискиот клуб Ал Хилал, во чиј редови настапува Нејмар, планираше операцијата да биде извршена во Париз, меѓутоа бразилскиот репрезентативец се одлучи за докторот Ламар, кој веќе го оперираше во истата болница во 2018 година по тешката повреда на стапалото додека беше член на ПСЖ. Нејмар по хируршката интервенција објави фотографија на социјалните мрежи на која се гледа додека спие со своите две деца и порача: „Сè ќе биде во ред“. Се очекува играчот на Ал Хилал да се врати на теренот до крајот на првата половина на 2024 година. (МИА)

Нејмар денеска на операција на коленото

Тале Кристо — Thu, 02 Nov 2023 15:46:30 +0000

Бразилската фудбалска ѕвезда Нејмар денеска ќе биде опериран во болница во Бело Хоризонте, две недели по тешката повреда на коленото, објави Фудбалската федерација на Бразил (ЦБФ). „Екипа предводена од Родриго Ласмар, главниот доктор на машката репрезентација на Бразил, ќе биде одговорен за операцијата во болницата „Матер Деи“ во Бело Хоризонте, се прецизира во соопштението на ЦБФ. Бразилскиот напаѓач на 17 октомври претрпе руптура на предните вкрстени лигаменти и менискусот на левото колено на дуелот против +6Уругвај (0-2) во Монтевидео во јужноамериканските квалификации за Мундијалот 2024. Теренот го напушти во солзи на носилки. Според најавите, Нејмар ќе отсуствува од теренот околу десет месеци.

Заздравувањето на Нејмар ќе трае околу 10 месеци

Ивона Петрова — Wed, 01 Nov 2023 11:33:04 +0000

Фудбалерот на Ал Хилал и репрезентацијата на Бразил, Нејмар, ќе закрепнува од повредата околу 10 месеци, пренесува бразилската телевизија „Глобо“. Триесет и едногодишниот напаѓач ќе биде опериран утре, 2 ноември. На барање на фудбалерот третманот ќе биде извршен во Бразил. Тој ќе биде опериран од докторот на бразилскиот национален тим Родриго Ласмар. На 18 октомври, Нејмар беше тешко повреден на натпреварот на репрезентацијата на Бразил против Уругвај (0:2) на квалификациски натпревар за Светското првенство 2026 година. На напаѓачот му беше дијагностициран скинат вкрстен лигамент и менискус на левото колено. Ова лето Нејмар се пресели во Саудиска Арабија, во Ал-Хилал од Пари Сен-Жермен. Успеа да одигра пет натпревари за тимот, постигна еден гол и три асистенции.

Ал Хилал со поддршка до Нејмар: Врати се посилен

Ивона Петрова — Thu, 19 Oct 2023 07:54:00 +0000

Ал Хилал објави порака со поддршка до Нејмар по повредата што ја заработи бразилскиот фудбалер на натпревар националниот тим против Уругвај. На Нејмар констатирани му се скинати вкрстени лигаменти и оштетен менискус на левото колено. - Лекарскиот преглед покажа дека Нејмар се здобил со скинати вкрстени лигаменти и ’рскавица. Подоцна ќе биде опериран, по што ќе биде одредена програма за лекување и период на закрепнување. Врати се посилен, се вели во соопштението. Триесет и едногодишниот Бразилец беше заменет со Ричарлисон на крајот од првото полувреме од квалификацискиот натпревар за Светското првенство 2026 против Уругвај (0:2) одигран вчера. Тој на носилка беше изнесен од теренот.

Нејмар за тешката повреда: Ова е најлошиот момент во мојата кариера

Ивона Петрова — Thu, 19 Oct 2023 06:04:40 +0000

Напаѓачот на бразилската репрезентација и Ал-Хилал, Нејмар ја коментираше повредата добиена на вчерашниот натпревар со Уругвај (0:2) во мундијалските квалификации. На 31-годишниот Бразилец му беа дијагностицирани скинати вкрстени лигаменти и менискус на левото колено. - Ова е многу тажен момент, најлош. Знам дека сум силен, но овој пат уште повеќе ќе ми требаат моите пријатели (семејството и пријателите). Не е лесно да се помине низ повреди и операции. Замислете дека треба да поминете низ сето тоа повторно по четири месеци закрепнување. Ви благодарам на сите за зборовите за поддршка, напиша Нејмар на социјалните мрежи. Нејмар беше заменет со Ричарлисон на крајот од првото полувреме од натпревар одигран во Монтевидео. Тој на носилка го напушти теренот.

Нејмар ќе оди на операција, познати деталите околу неговата повреда

Бошко Тасиќ — Thu, 19 Oct 2023 04:00:51 +0000

Бразилскиот фудбалер Нејмар се здоби со тешка повреда на натпреварот Уругвај – Бразил (2:0) во рамките на јужноамериканските квалификации за СП 2026. Бразилската ѕвезда се повреди во судиското надополнување во првото полувреме, по дуелот со Уругвајски репрезентативец. Нејмар веднаш паднал на земја и побарал помош. Тој беше изнесен од теренот на носилки. Ал Хилал, саудискиот клуб во кој дојде ова лето, објави детали за повредата. „Медицинските тестови кои ги направи Нејмар потврдија повреда на предните вкрстени лигаменти и менискусот на коленото. Ќе биде опериран. Програмата за лекување ќе биде одредена подоцна“, објави Ал Хилал на социјалните мрежи со порака до Нејмар: „Врати се посилен.

ФОТО: Нејмар изнесен со носилки од теренот

Ивона Петрова — Wed, 18 Oct 2023 07:19:08 +0000

Напаѓачот на Бразил, Нејмар, не можеше да го заврши првото полувреме од квалификацискиот натпревар за Светското првенство 2026 против Уругвај. Триесет и едногодишниот Бразилец беше заменет во 4. минута од дополнителното време со Ричарлисон. Фудбалерот на Ал Ахли се здоби со повреда на коленото и мораше да носи носилка за да го напушти теренот. Нејмар не можеше да ги задржи солзите. Натпреварот заврши со победа на Уругвај со 2:0.

ФОТО: Девојката на Нејмар објави фотографии од породувањето, еден детаљ ја изненади јавноста

Ивона Петрова — Mon, 16 Oct 2023 09:00:22 +0000

Нејмар и неговата девојка Бруна Бјанкарди минатата недела станаа родители, а сега партнерката на фудбалерот сподели фотографии од породувањето. Девојката на познатиот фудбалер на Инстаграм објави серија фотографии од породилиштето, а сите беа изненадени што фудбалерот не присуствувал на породувањето. Нејмар не присуствувал на самиот чин на породување бидејќи не бил во Бразил, но како што пишуваат светските медиуми, штом дознал дека неговата девојка се породува, со приватен лет набргу ги видел партнерката и новороденото дете.

View this post on Instagram

A post shared by BRUNA BIANCARDI (@brunabiancardi)

-Да бидам мајка отсекогаш бил мојот сон, а оние кои ме познаваат знаат... но никогаш не замислував дека тоа ќе биде толку интензивна и необјаснива љубов. Како сега сè да има смисла. Месеци на многу промени, физички и емоционални помина... таа почувствува се што чувствував јас, и беше неверојатно да се види колку луѓе навистина се грижат за нас. Бог, пријателите, семејството... Ви благодарам многу, изјавила таа. Бруна била емотивна и искрено напишала како се чувствувала за време и по бременоста и породувањето. „При нејзиното раѓање можев да го доживеам чувството на нормално породување и царски рез и не би менувала ништо! Беше совршено! Ми недостигаат снимките, кремата за стомак и да ја гледам како напредува, но сега е бескрајно подобра. Ова го пишувам со Меви во раце, со најубаво лице. Со нетрпение очекувам да доживееме прекрасни работи заедно, ќерко! Јас секогаш ќе бидам со тебе. Ти благодарам што ме спаси. Те сакам повеќе од се, додаде таа.

View this post on Instagram

A post shared by BRUNA BIANCARDI (@brunabiancardi)

СКАНДАЛ: Нејмар, Винициус и Ришарлисон имале оргии со инфлуенсерки ноќта пред мечот со Венецуела!

Бошко Тасиќ — Sun, 15 Oct 2023 14:50:09 +0000

Скандал ја тресе репрезентацијата на Бразил по ремито со Венецуела од 1:1. Не толку поради тоа реми, туку поради нешто се случило ноќта пред самиот меч.

Имено според тамошните медиуми, Нејмар, Винициус и Ришарлисон имале оргии со убави инфлуенсерки. Ова го тврдат поедини новинира, а полека но сигурно го преземаат и водечките медиуми во Бразил.

Инаку по тој меч јавноста во Бразил беше гневна на изданието на своите фудбалери, посебено на Нејмар.

ФОТО: Нејмар стана татко – „Добредојде ќерко“

Ивона Петрова — Sat, 07 Oct 2023 14:24:36 +0000

Нејмар и неговата девојка Бруна Бјанкарди станаа родители на девојче и објавија серија фотографии со бебето на Инстаграм. Парот откри дека нивната ќерка се вика Мави. -Нашата Мави пристигна да ни ги пополни животите. Добредојде ќерко! Те сакаме многу. Ти благодариме што не’ избра, напишале среќните родители. На сликите се гледаат Нејмар и Бруна како позираат со бебето, а на една од фотографиите Нејмар ја бања својата новородена ќерка. Нејмар го има дванаесетгодишниот син Дави Лука од претходната врска со девојката Каролина Дантас.

View this post on Instagram

A post shared by BRUNA BIANCARDI (@brunabiancardi)