нелегален влез – Kurir.mk

Приведени Индијци поради нелегален влез во Македонија

Катерина Бојаџиева — Thu, 16 Dec 2021 10:25:03 +0000

Полицајци вчера во Тетово привеле тројца жители на Индија кои во Македонија влегле нелегално. Тие биле откриени не булеварот „Видое Смилевски-Бато“. -Околу 13 часот и 30 минути во Тетово, полициски службеници на МВР ги привеле П.В.(26), Б.Е.(37) и Т.В.(22) од Индија, поради илегален влез во нашата земја. Тројцата Индијци биле спроведени во Полициска станица за граничен премин Табановце, информира портпаролот Марјан Јосифоски. За тројцата странски државјани ќе има понатамошна постапка за реадмисија во нивната држава.

Полицијата протера двајца малолетни Срби кои нелегално влегле во Македонија

Дарко Андоновски — Sun, 10 Oct 2021 10:18:19 +0000

Полициски службеници синоќа половина час по полноќ ги привеле И.Е.(19) и 17-годишник, двајцата од Србија, кај наплатната рампа Градско, на автопатот Гевгелија-Скопје. Министерството за внатрешни работи денеска информираше дека при проверка на возило „Ауди“, со велешки регистарски ознаки, во кое биле двајцата патници, констатирано е дека тие нелегално влегле во државата. -Поднесен е соодветен поднесок од страна на Регионалниот центар за Гранични работи Југ-Кавадарци, а од Основен суд Велес изречена им е глоба и мерка „протерување на странец од територијата на Република Северна Македонија“, по што полициските службеници ги спровеле до Граничниот премин Табановце, се вели во соопштението од МВР.

Полицијата спречи нелегален влез на 252 мигранти

Магдалена Андонова — Fri, 16 Oct 2020 09:31:16 +0000

Во рамки на оперативната акција „Рефлекс“, полициски службеници од повеќе организациски единици на Министерството за внатрешни работи во текот на вчерашниот ден спречија влез на 252 лица-мигранти долж граничната линија со Грција, Бугарија и Србија и внатре, на територија на Република Македонија. Во денешното соопштение од МВР се потсетува и на вчерашниот ден кога беше сузбиена 12-члена организирана криминална група за криумчарење мигранти. МВР, се подвлекува, и во наредниот период продолжува со мерки и активности за спречување на илегален влез на териоторијата на Република Македонија.

За 12 часа спречени над 1.800 обиди за нелегален влез во Грција

Тале Кристо — Thu, 05 Mar 2020 18:03:41 +0000

Од шест часот утрово, заклучно со 18 часот, според грчки владини извори, во регионот на Еврос биле спречени 1.871 обид за нелегален влез во Грција, а биле уапсени осум лица, од кои седум од Авганистан и еден од Сирија, јави дописничката на МИА од Атина. Од саботата наутро заклучно со попладнево, нелегален влез во Грција од Турција бил спречен во 36.649 случаи, а уапсени се вкупно 252 лица. Според истите информации, повеќето уапсени лица од саботата наутро до денеска во шест часот се од Авганистан (64 отсто), 19 проценти се од Пакистан, пет отсто од Турција, од Сирија се четири проценти, 2,6 отсто од Сомалија, а останатите 5,4 отсто од Ирак, Иран, Мароко, Етиопија, Бангладеш и Египет.

Албанец приведен откако нелегално влегол во Македонија

Ивана Ефремовски — Sun, 10 Feb 2019 09:01:31 +0000

На 09.02.2019 година во 11:50 часот во с.Ранковце-Крива Паланка, од страна на полицисни службеници бил затекнат, а потоа и приведен во Полициското одделение Ранковце, А.М.(52) од Корча-Р.Албанија. Приведен бил поради сторен прекршок по чл.9 ст.1 од Законот за гранична контрола (илегален влез во Р.Македонија). Во 12:30 часот лицето е предадено на полициски службеници од Полициската станица Крива Паланка за понатамошна постапка.