нелегално преминување – Kurir.mk

Унгарската полиција приведе над 600 мигранти кои се обиделе илегално да ја преминат границата

Магдалена Андонова — Mon, 25 Jan 2021 10:28:02 +0000

Од петокот до вчера, унгарската полиција приведе или затекнаа 613 мигранти во обид илегално да ја преминат српско-унгарската граница, соопшти денеска унгарската полиција. Минатиот викенд, полициските и воените патроли затекнаа 240 лица на територијата кои не можеа да го докажат својот законски престој во Унгарија. Според унгарскиот закон, сите илегалци биле придружувани до оградата на унгарско-српската граница. Во изминатите три дена, полицијата и војниците спречија 373 мигранти илегално да ја преминат унгарската територија, да прескокнат или да ја пробијат оградата на границата, а против 11 лица поднесени се кривични пријави поради криумчарење луѓе, соопшти унгарската полиција, пренесува РТС. (МИА)

Приведени пет албански државјани кои илегално ја преминале границата

Магдалена Андонова — Thu, 24 Dec 2020 14:21:07 +0000

На 23.12.2020 од полициски службеници од Полициска станица „Богородица“ биле приведени Т.Л.(46), Ч.Е.(33), П.Е.(36), Ш.Е.(33) и Б.А.(40) сите од Р.Албанија, поради непочитување на чл.9 ст.1 од Закон за гранична контрола. Пријавените на 23.12.2020 во раните утрински часови, на место во близина на с.Ума ја преминале државната граница од Р.Грција во Р.Македонија надвор од граничен премин, а на место викано „Ѓубриште“, по претходен договор со лице од Гевгелија, пријавените Т.Л., Ч.Е. и П.Е. се качиле во патничко возило „опел вектра“, со гевгелиски регистарски ознаки, управувано од К.Ф. од Гевгелија, кој за сума од по 100 евра требало да ги однесе до Граничен премин „Ќафасан“, но при контрола од полициски службеници од Полициска станица „Богородица“, на место викано „Фарма“, во близина на Гевгелија, истите биле затекнати во возилото, додека пак, пријавените Ш.Е. и Б.А. се качиле во патничко возило „ауди“, со бугарски национални ознаки, управувано од З.К. од Гевгелија, кој за сума од по 60 евра требало да ги превезе до Гевгелија. Одделот за прекуграничен криминал, миграции, странци и реадмисија поднесе барање за поведување на постапка против пријавените, а од судијата во Основен Суд во Гевгелија на пријавените им се изречени глоби и санкција „протерување на странец од територијата на Р.Македонија“.

Приведени двајца албански државјани при обид за нелегално преминување на границата кон Албанија

Магдалена Андонова — Thu, 23 Jul 2020 10:24:42 +0000

На 22.07.2020 во 23.00 часот во близина на Граничен премин „Деве Баир – Граничен камен 94“, на место викано „Репетитори“, полициски службеници од Полициска станица „Деве Баир“ ги привеле Ф.В.(24) и К.Л.(29), двајцата од Р.Албанија, при обид за нелегално преминување на државната граница. Лицата се предадени на полициски службеници од Полициска станица Крива Паланка за понатамошна постапка.