Тројца приведени за нелегално организирање игри на среќа

Тале Кристо — Mon, 03 Apr 2023 10:08:14 +0000

Еден тетовец и двајца скопјани се приведени во Тетово откако полицајци ги затекнале во нелегално организирање игри на среќа. Тие биле приведени ноќеска околу 23 часот во угоситетелски објект на улица „Љуботенска“ во Тетово. -Полициски службеници на СВР Тетово ги лишиле од слобода Б.Х.(43) од Тетово, сопственик на објектот и Ф.Б.(53) од скопско Арачиново и А.Р.(56) од скопски Сингелиќ поради сомнение дека сториле кривично дело „комар“ казниво по член 398 од Кривичниот законик. Тројцата се задржани во Полициската станица Тетово и по целосно документирање на случајот ќе им бидат изготвени соодветни поднесоци. Во истиот објект, при извршен преглед над Б.А.(34) од скопски Чаир, бил пронајден нож и против него ќе следува поднесок по член 80 од Законот за оружје, информира Марјан Јосифоски, портпарол на СВР Тетово. Според став 1 од членот 398 од Кривичен законик за неовластено организирање на комар или друга игра на среќа има парична казна или затвор до една година.

Јанушев: Во програмата е предвидено да се донесе закон каде сите политичари ќе одговараат за својот нелегално стекнат имот

Тале Кристо — Tue, 07 Jul 2020 09:12:21 +0000

„Сите кои што се занимаваат со јавни функции особено политичарите ќе треба да докажат од каде и како го стекнале својот имот, а тоа го вклучува Игор Јанушев, тоа го вклучува Зоран Заев, тоа го вклучува Љупчо Николовски, тоа не вклучуваа сите кои што се занимаваме со политика“, појасни Генералниот секретар на ВМРО-ДПМНЕ и носител на изборна единица 3, Игор Јанушев при своето гостување во „Утрински Брифинг“. Јанушев додаде дека секој политичар треба да одговара пред народот но и пред законот ако се огрешил. „Ќе се донесе закон, каде што со законски решенија ќе биде пропишано, никој нема никого да игнорира, никој нема никого да бајпасира. Напротив она што го предвидуваме во програмата меѓудругото е зајакнување на соработката и создавање на еден кохезивен систем помеѓу јавното обвинителство и ДКСК. Бидејќи она што денес го имаме со ДКСК е освен што се утврдува фактичката состојба, не можат апсолутно ништо да направат“, потенцираше Јанушев. Јанушев посочи дека секој кој сака да се занимава со политика треба да биде чесен и отворен пред народот. И ако има направено нешто што не треба, се стекнал со незаконски имот има да одговара. „Ќе ги земеме добрите практики од модерните европски држави каде што функционира овој систем, ќе направиме еден добар закон, односно ќе дадеме експертите да направат добар закон. Истиот ќе се донесе во Собранието. И како законот ќе налага, така и ќе се постапува, без разлика дали е некој Чомовски, Камчев, Јанушев, или не знам кој, како налага законот така и ќе се постапува“, појасни Јанушев.

нелегално – Kurir.mk

Тројца приведени за нелегално организирање игри на среќа

Јанушев: Во програмата е предвидено да се донесе закон каде сите политичари ќе одговараат за својот нелегално стекнат имот