Нелсон Семедо – Kurir.mk

Барса ќе ја прифати понудата на Вулверхемптон за Нелсон Семедо

Ивона Петрова — Sun, 20 Sep 2020 12:58:46 +0000

Екипата на Вулверхемптон е многу близу до привлекување на десниот бек на Барселона, Нелсон Семедо, пренесува новинарот Фабрицио Романо. Во саботата „волците“ дадоа понуда што Каталонците се подготвени да ја прифатат. Според неофицијални информации, таа е во рамките на околу 30 милиони фунти. Останува само да се разјаснат личните услови на Семедо пред да се финализира зделката. Според Романо, трансферот ќе биде затворен во следниве часови, а во меѓувреме Барселона ќе се раздели и со играчот за врска Артуро Видал, кој оди во италијански Интер.

Барселона е подготвена да го продолжи договорот со Семедо

Магдалена Андонова — Mon, 03 Aug 2020 08:32:27 +0000

Дефанзивецот на Барселона, Нелсон Семедо може да го обнови договорот со каталонскиот клуб. Според „Мундо Депортиво“ раководството на Барселона е во преговори со агентот на 26-годишниот фудбалер за можно продолжување на договорот до 2025 година. Новиот договор ќе значи и поставување на износ на обесштетување во висина од 100 милиони евра. Тековниот договор на Семедо е со важност до 2022 година. Во сезоната 2019/20, Семедо одигра 40 натпревари на сите турнири, во кои постигна еден гол, направи три асистенции и заработи пет жолти картони. (MИА)