Веќе 7 дена нема нови случаи на коронавирус на Малта

Магдалена Андонова — Thu, 16 Jul 2020 13:38:08 +0000

Нов случај на инфекција не е регистриран на Малта веќе една недела, за прв пат од 7 март кога коронавирусот беше откриен во таа островска земја. Министерот за здравство Крис Фирна потврди на Твитер дека нема нови случаи веќе една недела. Последното новозаболено лице е регистрирано на 9 јули, пренесува „Ројтерс“. „Сè уште мора да бидеме внимателни за да го одржиме овој успех“, рече министерот. Во Малта се пријавени 674 заразени со Ковид-19. Девет лица починаа во текот на четирите месеци од пандемијата, а останатите заболени оздравеа. Овој медитерански остров успеа успешно да се справи со пандемијата благодарение на фактот дека е мал, а многу луѓе се тестираат и внимателно се следат контактите на заразените. Сепак, економијата на Малта е силно погодена, па беа принудени да го затворат аеродромот, а приходите од туризам учествуваат со третина од БДП на земјата. Авионскиот сообраќај е повторно воспоставен од 1 јули, а од вчера е проширен списокот на линии кон 50 земји.

Нема новозаболени од коронавирус во Прилеп

Тале Кристо — Mon, 18 May 2020 11:44:06 +0000

Во Прилеп денеска нема регистрирано новозаболени од коронавирусот, а од заразната болест оздравело едно лице. На инфективното одделение во прилепската болница се хоспитализирани 19 лица. Од нив, 16 се позитивни на коронавирус, а во делот за изолација се наоѓаат тројца пациенти, сите негативни на Ковид-19. Во самоизолација се 158 лица. Во деновите од викендот се забележани 3 нарушувања на полицискиот час.

нема новозаразени – Kurir.mk

Веќе 7 дена нема нови случаи на коронавирус на Малта

Нема новозаболени од коронавирус во Прилеп