Немања Видиќ – Kurir.mk

Видиќ: Знам како би го чувал Халанд и јас би дал 30 гола кај Гвардиола

Бошко Тасиќ — Wed, 26 Apr 2023 05:00:37 +0000

Норвешкиот фудбалер Ерлинг Халанд во Премиер Лигата стана страв и трепет за противничките одбрани. Како што изјави Рио Фердинанд, веднаш ги соборил сите можни рекорди во Премиер лигата. Не се малку оние кои велат дека во денешниот фудбал нема дефанзивци од калибарот на Немања Видиќ и Рио Фердинанд и дека норвешкиот „робокап“ не би можел така лесно да постигнува голови против нив.

Поранешниот српски ас Немања Видиќ го знае рецептот за чување на Халанд.

„Не би му дозволил да оди зад мене. Не е толку опасен кога игра очи в очи со противникот, сака да трча позади. Сега тоа е полесно да се каже отколку да се направи, бидејќи кога играш против Сити, Гвардиола секогаш наоѓа начин“, изјави Немања Видиќ. И додаде коментар кој ги насмеа сите во студиото во Рио Фердинанд. „Мислам дека и јас ќе постигнев 30 гола да бев шпиц кај Гвардиола… Во денешниот фудбал веќе немаме вистински деветки како Дрогба и Ибрахимовиќ. Покрај Халанд, тука е и Влаховиќ, кој малку се мачи во Јувентус, но се уште е млад и се надевам дека брзо ќе закрепне“. Домаќините во студиото го прашаа Видиќ што мисли дали Манчестер Јунајтед треба да го донесе Влаховиќ. „Кога избирате играч за клуб, треба да одлучите и каков фудбал сакате да играте. Треба да купите играч кој е добар за вашиот тим, а не затоа што сега е во мода, што би им се допаднало на навивачите. Кога Алекс Фергусон реши да ме донесе од Спартак Москва, кој знаеше кој е Немања Видиќ“, изјави поранешниот српски ас.

Видиќ ја повлече кандидатурата за прв човек на српскиот фудбал

Катерина Бојаџиева — Mon, 13 Mar 2023 17:17:07 +0000

Поранешниот српски капитен Немања Видиќ соопшти денеска дека ја повлекол кандидатурата за претседател на Фудбалската федерација на Србија (ФСС). Одлуката на прославениот српски фудбалер и поранешен член на Манчестер јунајтед доаѓа ден пред утрешното изборно собрание на ФСС во Стара Пазова. „Пред нашиот фудбал се големи предизвици. Мојата идеја беше и остана да соберам тим од врвни професионалци кои се кадарни да ги решат тие предизвици можеби поквалитетно од кои и да е друг во Европа. За жал, на секој чекор од патот да станам претседател на ФСС јасно ми е ставено на знаење дека таа шанса нема да ни биде пружена. На овој начин сакам да ве известам дека ја повлекувам кандидатурата за претседател на ФСС“, објави поранешниот капитен на српската фудбалска репрезентација и на Манчестер јунајтед. По одлуката на Видиќ да се повлече од трката, единствен кандидат за претседател на ФСС останува легендарниот југословенски репрезентативец и почесен претседател на Црвена ѕвезда, Драган Џајиќ.

Немања Видиќ е кандидат за нов претседател на Фудбалската федерација на Србија, еве кој е неговиот противник

Ивана Ефремовски — Fri, 24 Feb 2023 14:36:32 +0000

Прославениот српски фудбалер Немања Видиќ официјално се вклучи во трката за претседател на Фудбалската федерација на Србија (ФСС) во која негов против кандидат ќе биде легендарниот Драган Џајиќ.

„Ја поднесов потребната документација, а в понеделник ќе го доставам и мојот предлог состав за членови на Извршниот одбор“, потврди попладнево во изјава за локалните медиуми 41-годишниот Видиќ, кој во својата кариера беше капитен на српската репрезентација и на Манчестер јунајтед.

Претходно оваа недела, Фудбалскиот сојуз на Белград соопшти дека официјално го кандидирал легендарниот југословенски репрезентативец и еден од најдобрите фудбалери во историјата на Црвена ѕвезда, Драган Џаиќ (76) за претседател на ФСС.

Изборите за прв човек на српскиот фудбал се закажани за 14 март, а рокот за поднесување кандидатури истекува в понеделник. (МИА)

Немања Видиќ се кандидира за прв човек на српскиот фудбал

Бошко Тасиќ — Sat, 11 Feb 2023 19:04:28 +0000

Легендата на Манчестер Јунајтед, Немања Видиќ дефинитивно ќе влезе во трката за прв човек на српската фудбалска федерација, Големиот борец кој своевремено важеше за еден од најдобрите светски стопери се решил да се кандидира за претседател на ФСС затоа што сака да го види српскиот фудбал на повисоко ниво во иднина. -Почитувани претставници на медиумите, сакам да ја известам српската јавност пред сè фудбалската дека откако дознав дека се распишани избори за претседателот на ФСС донесов одлука да се кандидирам со оглед на тоа што го исполнувам условот да бидам член на Собранието и имам поддршка од пет делегати, за кои се надевам дека нема да подлегнат на притисокот со кој се сооочуваат.Сакам да спречам какви било понатамошни приказни со мојот изглед и јасно ги преставувам моите планови. Со кандидатурата ќе им овозможам на фудбалските работници да се изјаснат. Верувам во исправноста на моите цели и тие се јасни, исклучиво патриотски. Сакам да обединувам, а не да раздвојувам. Верувам затоа што мислам дека мојата Србија може да ги понуди вредностите што ме украсија како фудбалер. Верувам и знам дека има слични луѓе во фудбалска Србија и дека заедно можеме да понудиме решенија. Се надевам дека ќе можам да успеам, -порача Видиќ во својата порака испратена до медиумите.

Немања Видиќ кандидат за претседател на Фудбалската федерација на Србија

Ивана Ефремовски — Sat, 14 Jan 2023 16:17:42 +0000

Прославениот српски дефанзивец Немања Видиќ влегува во трска за претседателското место во Фудбалската федерација на Србија (ФСС), јави телевизијата Спортклуб. Поранешниот српски репрезентативец и капитен на Манчестер јунајтед во октомври лани изрази желба да застане на чело на ФСС, а вчерашната посета на претседателот на УЕФА, Александар Чеферин на Белград, се толкува како еден од чекорите за реализација на идејата за кандидатура на Видиќ. Според Спортклуб, Видиќ има поддршка од Чеферин, како и од неговиот заменик Зоран Лаковиќ. Најавата за претседателската кандидатура на Видиќ ја поздрави и српскиот селектор Драган Стојковиќ, посакувајќи му успех со порака преку социјалните мрежи: „Со среќа легендо“. Изборите за претседател на ФСС треба да се одржат пред март оваа година. (МИА)