немања матиќ – Kurir.mk

Немања Матиќ заминува од Рома?

Бошко Тасиќ — Sun, 06 Aug 2023 12:09:27 +0000

Српскиот фудбалер Немања Матиќ кариерата ќе ја продолжи во Рен, а според француските медуми до финализирање на трансферот, а клубовите треба да договорат уште некои ситини детали. Српскиот репрезентативец има договор со Рома до 2024 година, па римскиот клуб би заработил и од евентуална продажба.Немања Матиќ зад себе има богата и блескава кариера. Мина низ младинските категории на Партизан, играше за Колубара, а во 2007 година се пресели во Кошице, каде што започна неговата феноменална кариера. Тој од Кошице се пресели во Бенфика , потоа играше за Челзи, Манчестер јунајтед и Рома. За српската репрезентација одигра 48 натпревари и постигна два гола.

Матиќ ги запали навивачите на Рома: Сакаме вашиот сон за Скудетото да стане реалност

Ристе Здравков — Thu, 20 Oct 2022 11:09:58 +0000

Рома има добри резултати по првите 10. кола во Серија А каде со 22 бода се наоѓа на 4. место на табелата. Главната цел на „волчицата“ за оваа година е Топ 4 пласман и враќање во Лигата на шампионите што во моментов го имаат во рака. Сепак има уште многу да се игра и веќе за три дена Рома има вистински тест против лидерот Наполи. Немања Матиќ се надева на добро издание и резултат против наполитанците, а во исто време ја запали навивачката база на клубот со пораката дека ќе направат се што е во нивна моќ да го остварат големиот сон, односно да се освои Скудетото. -Ќе направиме се за да победиме против Наполи. Горд сум што сум дел од овој тим и се надевам дека ќе и помогнам на Рома да освои трофеи. Се надевам дека ќе бидеме добро во недела, но сакаме вашите соништа за Скудетото наскоро да станат реалност, -порача искусниот Србин кој минатово лето слета на „Олимпико“.

Се засакаа кога таа беше малолетна: Дознајте која е убавата Александра, сопругата на Немања Матиќ (ФОТО)

Ивана Ефремовски — Sat, 17 Sep 2022 11:23:32 +0000

Српскиот фудбалер Немања Матиќ во 2009-та година ја запозна жената на неговиот живот Александра Матиќ, која тогаш беше средношколка. Сосема случајно се запознале кога Александра, тогаш Павиќ, имала 17 години. -Секако, не се смувавме првиот пат кога излеговме. Тој мораше да се врати во Словачка, а јас останав таму. По неговото враќање, пак излеговме и потоа ме замоли да му бидам девојка... Тогаш почна нашата бајка, изјави своевремено денешната госпоѓа Матиќ.

View this post on Instagram

A post shared by AleksandraNFTA (@maticaleksandra)

Една година подоцна, имаше предлог што се случи на многу необичен начин. Во 2010 година, Матиќ преку дневен весник ја прашал својата девојка дали сака да го помине целиот свој живот со него. Неколку месеци подоцна, во летото 2010 година, во главниот град на Англија се одржа свадбена церемонија на која беа присутни најблиските членови на семејствата Матиќ и Павиќ, како и пријателите на младенците. Веднаш по венчавката, двојката заминала на меден месец на Малдиви, а набрзо по враќањето дознале дека за неколку месеци ќе бидат тројца. Александра го роди синот Филип, три години подоцна и ќерката Теа, двајцата во Србија, бидејќи тоа било нејзина желба и желба на Немања. Во меѓувреме поминаа една година заеднички живот во Холандија и три во Лисабон, каде Немања играше за Витесе и Бенфика.

View this post on Instagram

A post shared by AleksandraNFTA (@maticaleksandra)

За време додека неговата сопруга Александра мораше да остане во Лисабон поради професионалните обврски, таа откри дека има неверојатен талент за мода. Почна да дизајнира омилени женски парчиња, а на модната недела во Лисабон таа и Немања се појавија како модели и ја воодушевија публиката. Својот талент продолжила да го развива во Велика Британија, прво во Лондон, а потоа во Манчестер. -Понекогаш и завидувам на неа, на синот Филип и ќерката Теа за трпението и љубовта што ја имаат за сите мои обврски, патувања, победи и порази. До нив сум многу среќен човек, изјави Немања во едно интервју, а потоа Александра забележа: -Немања воопшто не е променет. Знам дека многумина ќе речат дека го идеализирам, но верувајте, тој останува стариот, цврсто стои на земја, вели Александра која многумина ја сметаат за најубава сопруга на фудбалер.

View this post on Instagram

A post shared by AleksandraNFTA (@maticaleksandra)

Од друга страна, Александра е посветена мајка и огромен поддржувач на нејзиниот сопруг. Во придружба на децата од трибините го следи секој фудбалски натпревар на кој игра Немања, а и двајцата се трудат секој слободен момент да го поминат со синот и ќерката. Фудбалерот Немања Матиќ моментално настапува за фудбалскиот клуб Рома во Италија.

View this post on Instagram

A post shared by Nemanja Matic (@nemanjamatic)

Матиќ призна, се преселил во Рома за да работи со Мурињо

Ивона Петрова — Tue, 05 Jul 2022 07:59:48 +0000

Новиот фудбалер на Рома, Немања Матиќ, призна дека се преселил во римскиот клуб поради тренерот Жозе Мурињо. Во јуни 2022 година, фудбалерот потпиша договор со тимот од Рим до 2023 година. – Добро се познаваме и среќен сум што повторно ќе работам со него. Тука сум поради Мурињо. Би сакал да бидам играчот кој има најмногу настапи под водство на Мурињо и да бидам пред Лампард. Ми се допаѓаат амбициите на Рома, го цитира Матиќ „ИТА Спорт прес. Во сезоната 2021/22, Матиќ одигра 32 настапи за Манчестер јунајтед и оствари четири асистенции. Матиќ е во Манчестер Јунајтед од јули 2017 година. Претходно играше под водство на Жозе Мурињо во Челзи и Манчестер јунајтед.

Немања Матиќ е нов фудбалер на Рома

Ристе Здравков — Tue, 14 Jun 2022 16:45:06 +0000

Немања Матиќ е нов фудбалер на Рома. Римскиот клуб го промовираше српскиот фудбалер кој доаѓа на барање на Жозе Мурињо. „Клубот со задоволство може да го потврди потпишувањето со Немања Матиќ. 33-годишниот фудбалер стави потпис на едногодишен договор со трајност до 30 јуни 2023 година“, стои во соопштението на Рома. Матиќ и Мурињо третпат ќе работат заедно. „Задоволство и чест ми е што доаѓам во овој клуб и не можам да дочекам да ја почнам сезоната со моите соиграчи. Рома е голем клуб со неверојатни фанови и тренер, Жозе Мурињо кој добро им е познат на сите. Се надевам дека со него ќе оствариме големи работи“. Матиќ ќе го носи дресот со број 21.

Матиќ веќе има нов клуб: Со задоволство го прифатив повикот

Ристе Здравков — Mon, 13 Jun 2022 16:27:42 +0000

Немања Матиќ и официјално деновиве ќе биде претставен како нов фудбалер на Рома. Како по традиција, каде е Жозе Мурињо, таму е и српскиот интернационалец Немања Матиќ. Тој прво беше доведен во Челси од Мурињо, а традицијата продолжи подоцна и во Манчестер Јунајтед, а сега и во Рома. Очигледно дека „специјалниот“ гледа нешто посебно во овој фудбалер, кој иако во поодминати години, се уште смета дека има добар фудбал во него. Матиќ ќе потпише договор на 1+1 сезона со „римската волчица“ и треба да заработува нешто повеќе од 60 000 евра неделно. „Со задоволство го прифатив предизвикот да го носам дресот на Рома!“, била првата порака на Матиќ при пристигнување на аеродромот.

🔴 ✈️ Nemanja #Matic è sbarcato a Ciampino! Il centrocampista è atterrato al terminal privato, adesso le visite mediche e la firma sul contratto a Trigoria. #ASRoma #Calciomercato pic.twitter.com/x1OYOFwEnh
— Jacopo Aliprandi (@AliprandiJacopo) June 13, 2022

Матиќ утре потпишува договор со Рома

Ивона Петрова — Sun, 12 Jun 2022 15:12:46 +0000

Доскорешниот фудбалер на Манчестер Јунајтед, Немања Матиќ би требало утре да потпише едногодишен договор со Рома, јавуваат италијанските медиуми. Познатиот италијански новинар Фабрицио Романо тврди дека Матиќ во понеделник ќе допатува во Рим, а по медицинските прегледи ќе следи потпишување на договорот. Српскиот фудбалер официјално ќе биде претставен како засилување на Рома, а во клубот пристигнува без обештетување. Матиќ по трет пат ќе соработува со Жозе Мурињо кој ја предводи Рома. Веќе заедно двајцата имаат соработувано во Челси и Манчестер Јунајтед.

Немања Матиќ на чекор до трансфер во Рома

Тале Кристо — Mon, 06 Jun 2022 18:22:36 +0000

Српскиот фудбалер Немања Матиќ е пред трансфер во Рома каде повторно ќе соработува со португалскиот стратег Жозе Мурињо, јавија денеска италијанските медиуми. Според истите извори, до реализација на трансферот преостанува да се договорат уште некои детали, а италијанскиот прволигаш за услугите на српскиот играч за врска нема да плати обесштетување. Најавите се дека Матиќ ќе го напушти Манчестер јунајтед за да потпише едногодишен договор со Рома со можност за продолжување на соработката за уште една сезона. Да се забрза трансферот на Матиќ помогна и тоа што ерменскиот репрезентативец Хенрик Мктаријан одби да го продолжи д оговорот со Рома и заминува во Интер без обесштетување.

Матиќ: Заминувам, беше привилегија да се игра за Манчестер Јунајтед

Бошко Тасиќ — Sat, 16 Apr 2022 04:29:41 +0000

Српскиот играч за врска и фудбалер на Манчестер Јунајтед, Немања Матиќ потврди дека на крајот на сезоната ќе го напушти „Олд Трафорд“. „По сериозно размислување одлучив оваа сезона да биде моја последна во Манчестер Јунајтед. За одлуката ги известив сите. Беше голема чест и привилегија да се игра за овој клуб. Голема благодарност за навивачите. Ќе дадам се од себе до крајот на сезоната да помогнам за подобри резултати“, изјави Матиќ. После пет години поминати „Олд Трафорд“, Матиќ го напушта клубот иако има договор до 2023 година. За „црвените ѓаволи“ има одиграно вкупно 183 настапи во сите конкуренции

Прво Буфон, па сега и Матиќ го „нокаутира“ Роналдо

Ристе Здравков — Fri, 24 Dec 2021 09:58:27 +0000

Голманската легенда Џанлуиџи Буфон имаше можност две сезони да игра во Јувентус заедно со Кристијано Роналдо. Во тој период Буфон го запозна Роналдо подобро како играч, а голманот вели дека и покрај тоа што Португалецот е одличен фудбалер, поради неговото доаѓање, Јувентус ја загубил препознатливата ДНК. „Не можев да си ја објаснам елиминацијата од Ајакс во четвртфиналето на ЛШ. Со Роналдо играв две години и имавме многу добар однос, меѓутоа мислам дека со неговото доаѓање, се уништи препознатливата ДНК на Јувентус што ја имавме во претходните години“, вели Буфон. Роналдо три сезони беше дел од Јувентус, но не успеа да го одведе тимот ниту до финалето на ЛШ, што беше главна цел на клубот. Дури во последната година од играњето на Роналдо во Јувентус, Старата дама остана и без титулата во Серија А, со што беше прекината деветгодишна доминација. Буфон не е единствен што му нанесе удар на Роналдо. Немања Матиќ вчера упати провокација за Кристијано откако на тренинг-мечот на Манчестер јунајтед победи тимот на Србинот, а тој на Роналдо загуби. „Ова е победнички тим, Роналдо дали си добро?“, беше пораката од Матиќ упатена кон Кристијано.

View this post on Instagram

A post shared by Nemanja Matic (@nemanjamatic)