Ненад Димитријевиќ – Kurir.mk

Димитријевиќ: Се подготвуваме преку Талин да играме на главниот турнир во Полска

Ивона Петрова — Tue, 01 Aug 2023 16:36:09 +0000

Откако ги пропушти претквалификациите за Евробаскетот 2025, кошаркарот на руски Уникс, Ненад Димитријевиќ, се врати во составот на македонската кошаркарска репрезентација и ќе биде подготвен за претстојниот турнир во Талин во рамки на првата фаза од квалификациите за пласман на Олимписките игри 2024 во Париз. Македонските кошаркари од 12 до 15 август во естонската престолнина ги очекува претквалификацискиот олимписки турнир против домаќинот Естонија, Израел и Чешка, а првопласираната репрезентација ќе обезбеди пласман на главниот турнир во Полска од 16 до 20 август во Гљивице. „Ги знаеме нивните квалитети, знаеме дека ќе играме против сериозни репрезентации … Целта е да запишеме две победи и да одиме во Полска. За тоа и се подготвуваме. Но ќе одиме од натпревар до натпревар. Мислам дека така е најпаметно да гледаме на работите. Потоа ќе се сконцентрираме на она што следува“, изјави попладнево Димитријевиќ за официјалниот сајт на КФСМ. Македонската репрезентација во рамки на подготовките за турнирот во Естонија овој викенд во Белград ќе одигра два пријателски натпревари против Полска. „Натпреварите со Полска се предвидени токму за тоа, да се подготвиме за тоа што следува, за турнирот во Талин. И се надевам дека ќе бидеме подготвени за оној прв натпревар таму во Естонија“, додаде Димитријевиќ.

Ненад Димитријевиќ го продолжи договорот со Уникс Казан

Бошко Тасиќ — Sat, 08 Jul 2023 15:40:23 +0000

Рускиот клуб Уникс Казан и нашиот кошаркарски репрезентативец Ненад Димитријевиќ се договорија за продолжување на соработката и Македонецот ќе остане уште една сезона во рускиот клуб, со можност новиот договор да биде продолжен за уште една дополнителна година. 25-годишниот Димитријевиќ беше еден од клучните играчи на Уникс во сезоната која беше крунисана со титулата во единствената ВТБ-лига. Ненад Димитријевиќ воедно беше прогласен и за МВП на финалната серија, а сите овие успеси беа доволна причина за управата на Уникс Казан да ја продолжи соработката со нашиот репрезентативец. Минатата сезона популарниот Нено настапи на 47 натпревари и бележеше солиден просек од 12,8 поени, 5,6 асистенци, 2,5 скока и 0,9 украдени топки по натпревар. Неодамна Димитријевиќ го најави и своето учество во претквалификациите за Олимписките игри и најверојатно заедно со Американецот Ти-Џеј Шортс ќе му се стават на располагање на селекторот Александар Јончевски.

Валенсија го раскина договорот со Димитријевиќ

Бошко Тасиќ — Sun, 04 Jun 2023 15:33:49 +0000

Македонскиот кошаркарски репрезентативец Ненад Димитријевиќ ја напушта Валенсија, шпанскиот клуб пренесе дека спогодбено е раскинат договорот кој беше со трајност до 2025 година. Плејмејкерот се пресели во Валенсија летото во 2021 година, и во сезоната 2021/22 одигра 33 натпревари, при што во просек постигнуваше по 8,4 поени, 1,5 скокови и 3,9 асистенции. Во сезоната 2022/23 играше како позајмен кошаркар во руски Уникс Казан, клуб со кој ја освои ВТБ лигата, а беше прогласен и за најкорисен играч (МВП) на финалната серија. За услугите на Ненад Димитријевиќ постои интерес од многу европски гиганти, во последно време се шпекулира дека Македонецот е најблиску до потпис со Партизан.

Македонскиот кошаркар Ненад Димитријевиќ МВП на плејофот во ВТБ-лигата

Бошко Тасиќ — Wed, 17 May 2023 04:20:48 +0000

Ненад Димитријевиќ одигра извонредно во дресот на Уникс во последниот месец, предводејќи го тимот од Казањ до фантастична титула во ВТБ-лигата. Тој го крена првиот пехар во сениорската кариера, предводејќи го Уникс до големиот трофеј, а веднаш потоа стигна и големото индивидуално признание каде Димитријевиќ беше избран за МВП на плејофот во оваа силна лига. Тој одигра вкупно 15 натпревари за Уникс во доигрувањето, при што имаше просек од 15,8 поени, 5,3 скокови, 3,2 асистенции и 1,2 украдени топки по натпревар. Најдоброто го сочува за самиот крај, откако токму Димитријевиќ блесна во мајсторката во полуфиналето против Зенит, носејќи пресврт и победа на својот тим, за вечерва да одигра уште еден маестрален меч во кој постигна 34 поени против Локомотив Кубан, за конечни 4-1 во финалната серија.

Ненад Димитријевиќ ќе игра на „ол-стар“ мечот во ВТБ-лигата

Бошко Тасиќ — Wed, 25 Jan 2023 07:12:21 +0000

Македонскиот кошаркарски репрезентативец Ненад Димитријевиќ доби големо признание за настапите во Русија и ќе биде дел од „ол-старот“ во тамошната ВТБ-лига. Плејмејкерот имаше одлични партии за Уникс Казан и ќе биде еден од 24-те кошаркари кои ќе играат на настанот. Димитријевиќ е дел од „Њу Скул“ екипата каде играат новајлиите. За Димитријевиќ ова е прва сезона во ВТБ-лигата и затоа признанието добива на тежина. Кошаркарскиот спектакл е закажан на 16 февруари. Се чекаат и имињата на тренерите, еден од можните е Емил Рајковиќ од ЦСКА Москва, македонскиот стратег кој урива рекорди со великанот во кошаркарскиот свет.

Димитријевиќ: Секој почеток е важен, подготвени сме за Данска

Ивона Петрова — Wed, 24 Aug 2022 08:27:56 +0000

Ненад Димитријевиќ ги заврши сите формалности околу преселбата од Валенсија во Казан, и иако со мало задоцнување, му се стави на располагање на новиот стручен штаб на македонската ререзентација, предводен од Александар Јончевски. Според македонскиот плејмејкер, многу е важно нашите кошаркари да остварат победа над Данска во првиот натпревар од вториот круг на претквалификациите за Евробаскетот 2025. – Важен е почетокот и многу ни е важно да почнеме добро. Знаеме дека Данска е сериозен противник, одиме на гости, но мислам дека ќе бидеме подготвени за предизвикот. Имаме една добра група, тренираме заедно и верувам дека ќе се подготвиме добро за предизвиците. Добро сме подготвени за првиот натпревар, и мора да продолжиме по истиот пат. Тоа е, напорно да работиме и треба да имаме целосен фокус на Данска, а дури потоа на сите останати, изјави Димитријевиќ за сајтот на КФСМ. Дуелот со Данска е закажан за утревечер од 19 часот, во Нествед.

Ненад Димитријевиќ потпиша за Уникс Казан

Бошко Тасиќ — Wed, 03 Aug 2022 21:01:50 +0000

Македонскиот репрезентативец, Ненад Димитијевиќ, е нов играч на рускиот Уникс Казан. Трансферот го потврди неговиот досегашен клуб Валенсија, тој оди како позајмен играч. Рускиот тим откри колку ќе заработи Димитријевиќ, за една година како позјамен играч ќе инкасира 500.000 евра.

Димитријевиќ: Тука сум, да го дадам својот максимум

Ивона Петрова — Wed, 23 Feb 2022 10:42:13 +0000

Македонскиот кошаркарски репрезентативец, Ненад Димитријевиќ посакува добар настап на дуелот со Грузија во Скопје. – Сезонава имам повеќе проблеми со повредите и затоа одиграв помал број натпревари и за Валенсија. Но, кога веќе дојдов тука ќе го дадам максимумот за да бидам подготвен за вториот натпревар со Грузија. Овие два натпревара се многу важни за нас, особено тој во Скопје. Треба да го одбраниме домашниот терен и да продолжиме да работиме за следните натпревари со Украина. Во професионалната кошарка нема млади и стари играчи, има само добри и лоши. Не чувствувам никаков притисок кога го носам националниот дрес, среќен сум што ме сметаат за лидер на оваа генерација, вели Димитријевиќ. Македонските кошаркари се во Тбилиси, каде утре попладне против Грузија ќе го игра натпреварот од третото коло групата „Г“ од квалификациите за Светскиот Куп 2023 година. Хендикеп за „црвено-жолтите“ е отсуството на селекторот Драган Бајиќ, кој е „позитивен“ на коронавирусот. Дваесет и четиригодишниот Димитријевиќ н еотпатува во Тбилиси, овие неколку дена ќе биде во Скопје и се надева на добра подготовка за натпреварот против Грузијците на 27 февруари.

Ненад Димитријевиќ нема да настапи за Македонија поради повреда

Бошко Тасиќ — Sat, 30 Oct 2021 07:52:26 +0000

Македонскиот кошаркарски репрезентативец Ненад Димитријевиќ речиси сигурно ќе го пропушти ноемврискиот квалификациски циклус за пласман на СП 2023 во кој ќе ја пречекаме Шпанија, а ќе и гостуваме на Украина. Причина за ова, сепак, нема да биде негова лична одлука да не го прифати повикот на селекторот Драган Бајиќ, каков што беше случајот во претквалификациите играни во август, туку неговото отсуство овој пат ќе биде поради повреда. Денешните информации од неговиот тим Валенсија велат дека Димитријевиќ има повреда на задниот дел од бутниот мускул, добиена на неодамнешниот меч против Будуќност од Еврокупот, поради која најмалку шест недели ќе биде надвор од теренот. Македонската селекција на првиот дел од патот кон Мундобаскетот покрај Шпанија и Украина, против кои играме во првиот циклус, е во група и со селекцијата на Грузија.

Нено херој на Валенсија (ВИДЕО)

Бошко Тасиќ — Sun, 24 Oct 2021 07:06:11 +0000

Валенсија ја забележа четвртата победа оваа сезона во првнеството на Шпанија откако славеше на гостувањето кај Андора со 75-76. Во натпревар со возбудлив финиш, херој на мечот беше Ненад Димитријевиќ каде македонскиот кошаркар превзеде одговорност и реализираше за два поени на пет секунди до крајот. Тој мечот го завшри со 14 поени, шест скокови и две асистенции за 27 минути поминати на теренот. https://twitter.com/i/status/1452019629451145217