Ненад Димитрјевиќ – Kurir.mk

Димитријевиќ: Одбив неколку понуди од НБА, не сакав да седам на клупа

Бошко Тасиќ — Wed, 28 Dec 2022 05:54:11 +0000

Македонскиот кошаркар Ненад Димитријевиќ во разговор со медиумите од Русија откри дека имал можност да се пресели во НБА но ја одбил можноста да биде дел од најсилната лига во светот бидејќи не сакал да седи на клупа. Ненад Димитријевиќ минатото лето започна нова авантура и потпиша за Уникс Казан, каде прикажува одлични партии. Македонецот во разговор со „Бизнис Спорт“ открива дека имал можност да се пресели во НБА, имал две-три понуди, но не сакал да седи на клупа и решил да остане во Европа. „Многу кошаркари сонуваат за настап во НБА, јас сонувам за настап во Евролига. Како дете гледав многу натпревари, ги паметам пресметките помеѓу Панатинаикос и Макаби. Немам голем интерес да гледам натпревари од НБА. Најчесто гледам неколку натпревари од плеј-офот. Евролигата е комплетно поинакво натпреварување, секој кој ја разбира кошарката, го разбира тоа“ - вели Ненад Димитријевиќ. „Бев избран на драфтот, ми беше понуден двегодишен договор, но го одбив предлогот. Не паметам кој клуб беше, пристигнаа две-три понуди.Искрено не паметам за кој клуб стануваше збор. Едноставно не сакав да се преселам во НБА и да седам на клупа или да играм во „Џи-Лига“ (развојната лига).Прво треба да се докажам во Евролига, па потоа да мислам на НБА“

Димитријевиќ: Сите веруваме во подобар исход од оној меч во Тбилиси

Бошко Тасиќ — Sun, 27 Feb 2022 09:22:06 +0000

Нашиот најдобар кошаркар Ненад Димитријевиќ е повторно дел од националниот тим. Не ги одигра првите три натпревари од овие квалификации за пласман на Светскиот Куп 2023 година. Но сега е подготвен да му помогне на тимот да дојдеме до првиот успех на мечот против Грузија. „Претходните два-три дена правев третмани, се чувствувам многу подобро и подготвен сум да ѝ помогнам на репрезентацијата на натпреварот со Грузија. Мислам дека ќе биде различен меч од оној во Тбилиси. Играме дома, еве и јас можам да помогнам и се надевам на тотално поинаков развој на настаните. Сите веруваме во подобар исход, а атмосферата во тимот е најважна во вакви ситуации. Познато е дека Мек Фејден и Шермадини, неколку години играат на сериозно високо ниво во шпанската лига. И јасно е дека тие се најсилна страна на грузиската репрезентација. Затоа и ќе се обидеме да ги запреме колку е тоа возможно. Верувам дека можеме “ - вели Димитријевиќ. foto: ekipa.mk

Ненад Димитријевиќ и официјално ја засили Валенсија

Бошко Тасиќ — Sat, 19 Jun 2021 13:32:46 +0000

Македонскиот кошаркарски репрезентативец Ненад Димитријевиќ официјално стана член на Валенсија во која треба да остане во следните четири години. Димитријевиќ оваа сезона во просек постигнуваше по 10,6 поени, 1,5 скокови и 3,6 асистенции за Хувентуд, а благодарение на одличните настапи тој си обезбеди трансфер во гигантот. Македонскиот кошаркар сезонава стигна до нокаут-фазата со Хувентуд, но испадна од Барселона во четвртфиналето на шпанската лига.