ненад коциќ – Kurir.mk

Пратеник во полиција пријавил граѓани кои го нарекуваат предавник

Ристе Здравков — Fri, 22 Jul 2022 09:03:16 +0000

Пратеникот Ненад Коциќ во велешката полиција пријавил граѓани кои поради прифаќањето на бугарскиот протокол го нарекуваат предавник, открива советникот на Левица во советот на Велес, Игор Смилев. Коциќ на последните локални избори убедливо загуби во трката за градоначалник на Велес. ,,Предавникот Ненад Коциќ пријавил во полиција неколумина членови од Локалниот огранок на Левица Велес за наводно ширење говор на омраза. Ах бре Ненад, ако зборот предавник е говор на омраза, Ти СИ ПРЕДАВНИК , бидејќи тој збор се содржи во твоето име и презиме … ти си поднел пријава против самиот себе бе, ама тешко е да удриш по сопствениот самар, и против предавникот во себе, а уште потешко да се пријавиш себе си во полиција ………ОК, ќе не пријавиш 5 , 7, 15 луѓе, цел огранок на Левица Велес, 74 % македонци…..но, против историјата не можеш да поднесеш пријава, оти таа со ЗАДЕБЕЛЕНИ БУКВИ тебе и твоите 67 колеги ќе ви даде место во вечноста како предавници, се разбира ако Бугарските администратори дозволат да се учи оваа историска лекција”, објави Смилев. Смилев на Коциќ му порачува дека и покрај тоа што пратеникот од позиција на моќ објавува лаги за граѓаните членови на Левица тој нема да биде тужен. ,,Патем, убаво е нели од позиција на пратеник со имунитет комотно и комформистички да пишуваш гнасни невистини за секој од нас, вклучително и за мене , ама знаеш што е разликаа меѓу мене и тебе…..ТИ ДОЗВОЛУВАМ ДА ПИШУВАШ СЕКАКВИ ПОДЛИ ЛАГИ ПРОТИВ МЕНЕ, и никогаш нема да те пријавам за говор на омраза ..НО, НЕМА ДА ДОЗВОЛАМ да ги МАЛТРЕТИРАШ нашите чесни членови, чиј единствен грев е што кренале силно глава и што јавно напишале дека си ПРЕДАВНИК што ќе остане забележано како несоборлив историски факт !!!”, е пораката до пратеникот на СДСМ кој од својот народ бара спас кај полицијата.

Нојков: На Коциќ најголема занимација и приоритет му биле партиските и роднинските вработувања а не интересите на граѓаните

Магдалена Андонова — Tue, 12 Oct 2021 14:59:27 +0000

Ненад Коциќ и СДСМ единствено се залагаат за 0 проценти невработеност кај своите партиски активисти. Тие, освен партизација на институциите, преку вработување на своите најблиски и своите партиски активисти, не направија ништо друго за градот! Поминуваат 4 години од арогантното владеење со општината од страна на СДСМ, Аце Коцевски и Ненад Коциќ. Оваа ненародна власт, која е во заминување, и тоа како работи професионално кога се во прашање партиските или роднинските вработувања. Редно време е да ја извадиме вистината на виделина господа од власта, изјави денеска за медиумите, Коста Нојков - кандидат на советник на ВМРО - ДПМНЕ и коалицијата. Тој истакна дека Коциќ е должен да им одговори на велешани: Зошто заедно со градоначалникот Коцевски ги лажеа велешани дека Општина Велес е превработена? Ако Општина Велес била превработена зошто за четиригодишното владеење вработиле преку 40 нови вработени и тоа претежно партиски активисти и блиски роднини? Дали е точно дека Аце Коцевски си вработил свои блиски роднини и пријатели во ТППЕ но и во ЈКП Дервен? Исто така дали е точно дека на последнииот ден од рокот за распишување на изборите Аце Коцевски потпишал решенија за вработување на 1 шофер и двајца даватели на услуги? Дали е точно дека Коциќ додека бил Претседател на Совет, си имате вработено свој близок роднина во одделението за животна средина во Општина Велес? Дали е точно дека сегашниот Претседател на Совет Гајдов си има вработено својата блиска роднина во одделението за Локален Економски Развој? Дали е точно дека поранешниот Претседател на Совет на Општина Велес Душко Петров, си ја вработи својата сопруга во Центарот за јавно здравје - Велес? Дали е точно дека советничката Пандорка Прличкова бирала повеќе работни позиции за својот сопруг и тоа еднаш на патарините на Македонија пат, за сега да биде вработен во Територијалната Противпожарна Единица во Велес? - Патем, за истата советничка има покренато случај во антикорупциска поради гласање на седница на Совет на Општина Велес, на точка Буџет на ТППЕ а во исто време таму работи нејзиниот сопруг. Очигледно, за нив терминот изземање е непознат, па затоа и секој кој мисли дека е недопирлив ќе сноси одговорност! Дали е точно дека екс советникот Милан Нацев штом си дал оставка од функцијата советник во советот, по многу брзо време бил вработен во Општина Велес? Дали е точно дека советникот од СДСМ, Менсур Бачевац си го вработи својот син во Територијална Противпожарна Единица, а советничката Маја Стојановска ја вработивте во ООУ Стојан Бурчевски Буридан во с.Иванковци? Но секако, сомнежи за партиски наредби за вработувања не се случуваат само во надлежностите на општината туку и во државните институции. Таков пример имаме во Општата болница Велес. Затоа прашуваме како е возможно на огласот за лекари од општа пракса објавен од Општата болница - Велес да биде вработена сестрата на екс лидерот на младите на СДСМ во Велес, Велимир Арсов кога истата била помеѓу последно рангираните? Односно од 10 кандидати истата била седмо рангирана а сепак е примена на огласот за општи лекари. Потоа, дали советникот Зоран Ѓуровски е вработен по партиска линија во Агенцијата за млади и спорт? На оваа тема можеме да поставиме уште многу прашања но одговорот на истите сите добро го знаеме, појасни Нојков. Кандидатот за советник посочи дека за сите овие сомнителни вработувања мора да се понесе одговорност! - Очигледно е и зошто немате сработено ниту еден капитален проект од вашата програма. Главна занимација и приоритет ви биле партиските и роднинските вработувања а не интересите на граѓаните и нивните потреби. Време да се стави крај на оваа крајно партизирана и ненародна власт! Како што кажавме и претходно, Ненад Коциќ и СДСМ единствено се залагаат за 0 проценти невработеност кај своите партиски активисти. За вашите постапки, најпрво ќе ве казнат Велешани, а потоа по законски процедури ќе одговарате за сите сомнителни работи кои ги имате направено за овие 4 изминати години. Во тоа не треба да се сомневате. Бидете сигурни дека вистината ќе излезе на виделина, а правдата ќе ве стигне за многу брзо време. Прв чекор од правдата е во недела на 17-ти октомври. Датум на кој Велес и велешани ќе ве казнат за сите погубни политики. Велес и велешани, на 17-ти ќе дадат поддршка за просперитет и проекти, за бројот 7, за Марко Колев и советничката листа предводена од Зоран Љутков, заврши Нојков.

„Со која цел и кој му дозволил на Коциќ во работно време да го посети одделот за инфективни болести при Општата болница Велес“

Магдалена Андонова — Wed, 06 Oct 2021 13:40:23 +0000

Крајно неодговорно и надвор од сите норми беше денешната посета на кандидатот за градоначалник на Општина Велес Ненад Коциќ. За оваа постапка мора да се понесе одговорност! Имено во текот на денешниот ден, кандидатот за градоначалник Коциќ направи посета на лекарите и медицинските лица во одделот за инфективни болести додека тие се на своите работни места, стои во реакцијата на ВМРО-ДПМНЕ ОК Велес во однос на посетата на кандидатот за градоначалник на Општина Велес од редовите на СДСМ Ненад Коциќ на одделот за инфективни болести при Општа болница Велес. Од општинскиот комитет прашуваат со која цел и кој му дозволил денес на Коциќ да ја изврши оваа посета? - Очигледно, по фотографиите кои ги објави тој самиот се забележува дека лекарите и медицинските лица, додека се на своите работни места се појавуваат на средба со кандидатот на СДСМ. Ова е злоупотреба на медицинските лица! Ова е крајно неодговорно и недозволиво во ек на изборната кампања! Додека граѓани се борат за здив во болничките соби, додека граѓани чекаат ред за да бидат прегледани (кое може да се види и на сликите) Коциќ позира и се слика! И без нималку осет за граѓаните кои се во тешка состојба и очекуваат да им се даде помош во скеој момент, тој се обидува да зграби политички поени. Каква неодговорност! Каква неразумна постапка! Зар Г-динот Коциќ нема ниту трошка жал за тие луѓе, прашуваат ВМРО-ДПМНЕ ОК Велес. ВМРО-ДПМНЕ го осудува ваквиот начин на злоупотреба на институциите за партиски цели! - Очајни и свесни за нискиот рејтинг кој го има Коциќ, СДСМ се обидуваат со притисоци да извадат глава од калта во која се наоѓаат. За оваа крајно неодговорна постапка на Ненад Коциќ, бараме сите институции да реагираат, да покренат истрага и да ја осудат постапката. Воедно, се прашуваме како директорот на Велешката болница го има ова дозволено? Затоа бараме тој да реагира и понесе одговорност! Ние како ВМРО-ДПМНЕ за оваа ситуација ќе ги информираме сите надлежни институции како OSCE, ODIHR, Антикорупциска и сл, додаваат.

ВМРО-ДПМНЕ: Економски неписмената Влада на чело со Заев ја втурна државата во политичка, здравствена и економска јама

Тале Кристо — Tue, 08 Dec 2020 13:17:11 +0000

Македонската економија блескаво влезе во рецесија, со пад во сите параметри по вина на СДСМ, реагираат од ВМРО-ДПМНЕ на прес-конференцијата на СДСМ. Пад од 5,9% на економијата, буџетска дупка од 920 милиони евра, раст на јавниот долг за 10%, катастрофална реализација од 39% на капиталните трошења од првиот буџет, нето одлив на инвестициите од 32 милиони евра, а над 50 илјади граѓани се невработени само во последните десет месеци. Сега СДСМ може комотно да се преименува во партија за економска рецесија, затоа што кога и да е на власт им носи на граѓаните само поголема мизерија. Кога се зборува за неодговорно однесување на штета на граѓаните, министерот за зараза Венко Филипче и неговото министерување не само што го срози здравствениот систем, туку на недостатокот од неговата моралност се припишуваат 1949 смртни случаи од пандемијата. Илјадниците домови и семејства со починати од КОВИД19 и коментарите во јавноста од граѓаните се прилика да се увиди како оваа власт се однесува „одговорно“ со максималната негрижа која им се приредува секојдневно во здравството. Имаме најголем број на умрени и заразени во регионот по вина на СДСМ. Заев и оваа економски неписмена Влада ги однесе граѓаните во политичка, здравствена и економска јама, во која како давеник за сламка наместо реални и суштински политики, лиферува дневно политиканство се тоа на штета на народот. Предизборните ветувања на СДСМ останаа да висат во загадениот воздух, за кој четири години ништо не е направено. Граѓаните дишат и живеат смрт, се тоа по вина на СДСМ и Заев, се вели во реакцијата на ВМРО-ДПМНЕ.

Советничката група на ВМРО-ДПМНЕ бара разрешување на претседателот на Совет на општина Велес

Ивана Ефремовски — Fri, 06 Dec 2019 19:38:45 +0000

Советничката група на ВМРО-ДПМНЕ и Коалиција за подобра Македонијa во Велес денес одржа прес-конференција. -Сакаме да ја информираме велешката јавност за уште едно скандалозно водење на седницата на Советот на општина Велес од страна на Претседателот, Ненад Коциќ. Седницата која беше закажана за денес со почеток во 11:00 часот, повторно почна 2 часа подоцна, без никаква најава, без никакво образложение од страна на Претседателот. И повторно по кратка работа дадена е пауза од 15 минути, која повторно без никаква најава и образложение трааеше околу 3 часа. Период во кој Претседателот по којзнае кој пат не успеа да обезбеди кворум и мнозинство за работа. За жал, ваквиот начин на работа стана пракса после назначување на др. Ненад Коциќ за Претседател на Совет на Општина Велес. Нецелосни материјали за седница, доцнење на седниците, одложување, прекинување без никаква најава и образложение се неминлив дел и веќе воспоставена пракса на работа на Коциќ. Така и денес без никаква најава и образложение одненадеш ја прекина седницата и ја напушти салата на СОВ, глув на нашите прашања и предлози за продолжување. Ова мора да престане. Советот мора да работи редовно, ефикасно и транспарентно, решавајќи ги проблемите на граѓаните на Велес. За жал, после само неколку седници јасно е дека со Ненад Коциќ како Претседател тоа не е можно. Затоа, согласно Законот за Локална Самоуправа, Статутот и Деловникот за работата на Советот, денес како Советничка група поднесуваме иницијатива за вонредна седница, со една точна на дневен ред - Разрешување на Претседател на Совет, посочи Нада Трајкова.