ненад лазаров – Kurir.mk

Лазаров: Пациент да добие ПЦР тест државно е игра на брзи прсти за матичните лекари

Катерина Бојаџиева — Tue, 11 Jan 2022 20:19:54 +0000

Видете зборуваме за некоја сега груба бројка од 1.800 – 2.000 тестови преку сила што се прават на ниво на цела држава, кои што број на тестови треба да ги определите на 1.500 матични лекари без никаков систем на фер дисперзија на таа бројка на тестови. И буквално тоа е игра на брзи прсти, кој колега во моментов ќе биде пред компјутер кога ќе се појават некои термини за тестирање нешто ќе фати, а во спротивно 7-10 дена е реално време за чекање во кое што ние ако можеме ако има простор да закажеме ПЦР. Што е апсурд, истакна Ненад Лазаров во емисијата „Топ тема“ на Телма телевизија. Лазаров додаде дека тоа значи дека пациент да се тестира државно најверојатно е да добие термин на крај од неговата клиничка слика. „Се повеќе затајува и епидемиолошката служба по однос на изолации, луѓето се преоптоварени со работа. Ние вакво нешто во изминативе две години ваков наплив на пациенти не видовме“, нагласи Лазаров.

Лазаров: Матичните лекари се пред колапс ситуација, ФЗО масовно казнува ретроградно за 2019 година

Катерина Бојаџиева — Tue, 11 Jan 2022 19:34:59 +0000

Она што сакам да го потенцирам е дека денеска веќе и изминативе денови кулминира овој револт што е кај колегите бидејќи од пред Нова година и претходно, но меѓутоа посебно сега е нешто интензивирано да колеги масовно добиваат казни ретроградно за 2019-та година, 2020-та година па дури и за 2021 година. Иако имаше формален договор со Фондот за здравство да се стават во мораториум такви казни односно административни пропусти бидејќи ние се соочивме со една страшна ситуација каде што да речеме пациент ако има хронична терапија со хипертензија и согласно важечките правила на шест месеци треба да оди на контрола кај својот интернист или кардиолог сеедно. И врз база на тие извештаи ние работиме со нив и ја ординираме хроничната терапија, меѓутоа во овие сите услови беше и се уште тотално невозможно ние на редовна база да ги обавуваме тие работи, па колеги се казнети заради тоа што извештај бил 7-8 месеци поминат веќе да речеме и сега се казнуваат лекарите по две години, истакна Ненад Лазаров во емисијата „Топ тема“ на Телма телевизија. Лазаров додаде дека има многу казни и тоа насекаде низ државата. „Огромен револт се створи бидејќи ние за цело време само нешто ни се наложува како обврска што треба да го одработиме, без да бидеме прашани што можеме, а што не можеме, колку можеме од тоа да поднесеме. Бидејќи видете освен овие административни обврски што ги имаме на секојдневна база кои што се огромни, кои што се зголемуваат од ден на ден буквално ние мораме да работиме и медицина со КОВИД пациенти и со не КОВИД пациенти, и хронична популација“, рече Лазаров. Лазаров посочи дека сега се пред колапс ситуација. Па дури одредени ординации на матични лекари се во колапс ситуација.

Лазаров: Затворена модуларната „болница“ до Инфективна, прокиснала и стигнала вода до струјата

Катерина Бојаџиева — Tue, 19 Oct 2021 15:59:21 +0000

Доктор Ненад Лазаров на Фејсбук напиша статус во кој вели дека модуларната болница во Скопје е затворена. Тој додава дека истата прокиснала, а водата стигнала до струјата. -Затворена модуларната „болница“ до Инфективна, прокиснала и стигнала вода до струја, стои во неговата објава.

Доктор Лазаров: Идиотски е да нема термини за тестирање за ковид, 3 од 5 дена не ви функционира здравствен електронски ситем!

Ивана Ефремовски — Wed, 22 Sep 2021 15:51:26 +0000

„Недозволиво е да нема мамографии и ехо, недозволиво е да се суспендираат сите превенции зошто терциерни клиники се направени лежални за болни од ковид каде скоро ништо освен кислород не добиваат. Апсурдно е да се суспендира оперативен програм, кој Q онда правите ковид тестови за било каков прием? Лудачки е да барате извештаи од контролни специјалистички прегледи на 6 месеци за да земе терапија хроничен пациент а термини нема со месеци никаде, буквално“! Ова го истакнува доктор Ненад Лазаров, на својто Фејсбук профил. -Идиотски е да нема термини за тестирање за ковид, или кога има тоа да биде по неколку дена, малоумно да не можам да препишам лек кој му треба на пациент! И врв на неспособност е што во последниов период, 3 од 5 дена не ви функционира здравствен електронски ситем! Што праите бе вие по цел ден по фотељи??? Ова е веќе хорор од 2 години, истакнува тој.

Доктор Лазаров: Сега е вистински момент да си направите залиха на заштитни маски

Ивана Ефремовски — Thu, 22 Jul 2021 09:19:37 +0000

Доктор Ненад Лазаров преку Фејсбук им препорача на граѓаните дека сега е вистинскиот момент да си направат мала залиха на маски бидејќи откако не е задолжително нивно носење на отворено, цените на истите се намалија. -Со оглед на цените на заштитните маски и останата опрема (и колку нè пљачкаа есеноска, а верувам и нареднава есен) сега е вистински момент за правење на мала залиха, напиша Лазаров.

Доктор Лазаров: Мора строго да ги чуваме границите, не ни треба индискиот сој во земјава

Ивана Ефремовски — Fri, 04 Jun 2021 07:18:19 +0000

Доктор Ненад Лазаров преку Фејсбук упати апел до надлежните дека мора строго да се чуваат границите со цел да не дојде до појава на индискиот сој во земјава. -Мора строго и многу сериозно да ги чуваме границите за влез во Македонија, верувајте дека не ни треба индискиот сој во земјава во моментов, напиша докторот.

Во Македонија се собираат донации за витамини, Србија на домашна адреса ќе им доставува на граѓаните

Ивона Петрова — Tue, 13 Apr 2021 09:40:10 +0000

Нова акција со која се повикуваат пред се компаниите да донираат витамини се шири на Фејсбук. Оставени сами на себе граѓаните се обидуваат да си помогнат во оваа состојба на корона-криза и да се заштитат колку можат повеќе. Матичниот лекар, Ненад Лазаров кој лани беше дел од акцијата за достава на заштитни маски и визири за медицинските лица, овој пат ги повика фармацевтски компании да донираат суплементи и витамини. -Јавно ги повикувам сите фармацевтски компании присутни на пазарот кај нас со витамини, додатоци во исхрана и сл, да излезат во пресрет и донираат дел од своите производи има потреба да помогнеме на болни на терен, има доста луѓе кои не можат да си дозволат. Од сите по нешто ќе покриеме многу луѓе, секако се изнапродававте, дајте фидбек малку. Ќе ве рапортираме за секое едно апче донирано каде ќе заврши, напиша Лазаров на Фејсбук. На неговиот повик се одзваа дел од компаниите, голем број граѓани со желба да помогнат, но и граѓани на кои им е потреба помош. Акцијата, која е за почит, продолжува и понатаму. Сепак, ова на површина ја исфрла повторно неспособноста на властите да ги заштитат граѓаните и да покажат дека се тука за нив. За споредба, во Србија сите пензионери до 5-ти јуни на домашна адреса ќе добијат витамини обезбедени од државата. Ова денеска го најави директорката на Републичкиот фонд за здравствено осигурување на Србија, Сања Шкодриќ која посочи дека испораката на првите 300.000 пакети со цинк и витамини Ц и Дз почнала вчера. -До 5-ти јуни сите пензионери во Србија ќе добијат витамини на домашна адреса, изјавила Шкодриќ во телевизиско гостување, пренесуваат српските медиуми.

Доктор Лазаров: Единствен соодветен избор за вакцина е првата достапна вакцина, не се откажувајте ве молам!

Ивана Ефремовски — Sat, 03 Apr 2021 13:04:50 +0000

Докторот Ненад Лазаров на Фејсбук испрати порака до сите лица кои се двоумат дали да се вакцинираат против коронавирус. -Единствен соодветен избор за вакцина е: првата достапна вакцина! Ниедна вакцина нема да ви направи ковид и се што носи ковид. Не се откажувајте ве молам, пишува Лазаров.

Др. Лазаров: Наместо ден и ноќ да работи на снабдување вакцини, Филипче троши енергија на партиски настани и партиски агенди

Катерина Бојаџиева — Thu, 11 Feb 2021 18:08:21 +0000

Во вечерашното издание на дебатната емисија „24 анализа“ гостуваше матичниот лекар Ненад Лазаров, кој се осврна на моменталната здравствена состојба во земјата, како и на набавката на вакцини која се очекува веќе долг период да пристигне во државата. Лазаров потенцираше дека Владата на Република Македонија имала долг период од речиси една година за да го испланира набавувањето на вакцините, односно министерот Венко Филипче да ги земе работите во свои раце многу порано. -Во овој момент, Македонија е далеку од вакцините, иако се најавуваат дека штотуку не стигнале. Пример за тоа е денешниот скандал или трагикомичен настан со вакцините кои власта ги вети како помош од Србија, а сепак не ги доби, подвлече Лазаров. Според него, министерот за здравство Филипче наместо да води партиски кампањи и да троши енергија на партиски агенди, енергијата мора да ја насочи кон она што нему му е примарна обврска, а тоа е здравството во државата. -Не може да се трошат часови и часови на партиски прес конференции, партиски настани, а да не се обрне внимание на набавката на вакцините, за сега граѓаните да бидат во исчекување и да молат за вакцина плус, за да се заштитат од овој вирус... Во тимот на министерот има огромен број советници и какви се уште не соработници, а тие наместо да бидат во служба на нивните работни места, единствено добро водат ПР. Не може за новиот вид на вирус кој е забележан во Британија, а сега и кај нас, да алармираме јас и моите колеги како матични лекари кои секојдневно водиме борба со оваа пандемија. Има стручни лица кои тоа треба да го соопштат на јавноста и прецизно да објаснат со што се соочува здравството и целата земја, а не да се релативизираат работите, истакна Лазаров и додаде: „Граѓаните заслужуваат заштита и државата е должна да им ја овозможи, но доколку се продолжи со ваков однос при набавката на вакцините, граѓаните попрво ќе стекнат колективен имунитет, отколку што некому ќе биде потребна вакцина. Но, факт е дека вакцините мора да стигнат што е можно побрзо и вакцинацијата да отпочне, бидејќи така ќе се спасат многу животи, кои без вакцина можеби и нема да завршат добро“.

Доктор Лазаров: Ако се вакцинира како што се вакцинираше со сеознскиот грип, тогаш не очекува дебакл

Дарко Андоновски — Tue, 09 Feb 2021 20:49:28 +0000

Согласно искуството од претходно и од оние стандардни вакцинални процедури што секоја година ги имаме, конкретно ако зборуваме што се случи со процесот на вакцинација за сезонски грип, ако се водиме од тоа и истиот метод и начин ако се примени не очекува апсолутно ист завршеток а тоа ќе биде дебакл, вели матичниот доктор Ненад Лазаров во вечерашното вклучување во емисијата „топ тема“ на ваша страна на телевизија Телма. -Ние како матични лекари во овој момент со последни сили успеваме да ги изреализираме сите активности и обврски кои што константно ни се надополнуваат и наметнуваат нови и нови. Во овој случај, околу закажувањето на претстојниот процес на вакцинација, навистина едно прашање нас ни се отвора а тоа е која е потребата додатно да бидеме обременети со административна работа кога навистина може преку еден Кол центар да се организира. Верувајте дека едвај постигнуваме со секојдневните обврски, бидејќи се она што го правеа комисии и други служби сега оди преку нас. Ние не можеме со хартија само да постигнеме на дневна база на работа, од аспект на тоа дека одат боледувањата комисиски, потреба од ортопедски помагала, мислења за потреба од нега од трето лице, сите оние останати социјални бенефити сите поминуваат преку нас, редовната работа, работа со КОВИД пациенти на дневна основа, рачунајте дека имаме огромна една популација со други болести, не е само КОВИДОТ што го лекуваме, така што јас мислам дека не е соодветно решение да оди процесот на закажување преку нас бидејќи де факто ќе има проблеми, додаде доктор Лазаров. На прашањето каде запна работата со претходното закажување на сезонскиот грип, што всушност беа проблемите со кои се соочивме Лазаров рече: Тоа е резултат на еден проблем што се вика некомуникација, не постоење на директен канал меѓу матичните лекари како примарно здравство и здравствените власти. Доколку работиме ги правиме заедно и во соработка во консултација со нас, бидејќи ние сме на терен и ние најдобро знаеме како тоа може да се направи нема да имаме вакви проблеми. Лазаров вели дека бројот на набавени вакцини за сезонски грип била многу мала. -Прво беше мала бројката обезбедени вакцини, а многу поголема бројката на пациенти кои што сакаат да бидат вакцинирани и тоа во оние групи што државата вети дека ќе бидат вакцинирани бесплатно. Втора работа беше што консеквентно да речеме на неколку дена или еднаш неделно, конкретно за Град Скопје се пуштаа по малку термини, по 200, 300, 400 а тоа на територија само на Град Скопје е банална бројка, рече тој и додаде дека доколку се оди со ист шаблон со вакцинирање од КОВИД 19, тогаш ќе ни бидат потребни години за да ја завршиме вакцинацијата. Ако одиме по истиот шаблон нас ќе ни требаат неколку години да ја завршиме вакцинацијата за КОВИД. Немаме извештај од властите за околу процесот на вакцинација за сезонски грип колку всушност вакцини беа реализирани од таа бројка од околу 40.000 како што беше најавена и сето ова ни буди сомнежи дека ако тешко ни одеше и не успеавме да го завршиме еден процес каде што 40.000 вакцини беа во прашање што се случува со овие бројки и една ваква масовна имунизација на цело население, додаде тој.