ненад мирчевски – Kurir.mk

Мирчевски: Заев е дно, но зошто би сопрел лудакот кога знае дека нема кој да го сопре?

Ивона Петрова — Thu, 26 Nov 2020 10:27:03 +0000

Не разбирам што е со возбудава околу изјавите на Заев? Покажувате изненаденост од неговите зборови, ставови, дела? Дајте ви се молам не се бламирајте јавно дека дури сега сфативте за каков лик станува збор, пишува Ненад Мирчевски. -Тој е спремен да признае дека го родила тетка му за личен интерес. Нема ни жица ни влакно чувство за било каква припадност, одговорност, морал, етика, вредности... Да човекот е дно од секој аспект. Но дајте ве молам, да не го преценуваме... За ова што ни се случува не е крив само Заев. Зарем може еден човек колку и да е луд сам по себе да е толку моќен да прави злодела без да сноси одговорност? Нема драги мои. Има влада, има Собрание, има опозиција, има судови, обвинителства, институциии... има народ на крај на краиштата ... а всушност се правиме самите луди дека нема никој друг виновен освен Заев. Па Заев не е сам во владата. Не крева два прста во Собрание да носи закони, не се гласа сам на избори... не може сам да си поднесе обвинение, сам да се суди... ама и не може да опстои на власт ако опозицијата не се бојкотира со народот... Сите сме кабаетлии ... Заев е луд да се коцка со државата, ама доволно паметен да сфати дека му се може во моментот да прави што сака!!! Зошто би сопрел лудакот кога знае дека нема кој да го сопре? Зошто би сопрел кога не им се плаши? Нит на опозиција нит на народ! Толку му е гајле за нив што може со се партали да ги продаде сите без око да му трепне. А тои што ќе претнат ќе завршат во затвор. Опозицијата и народот пак нека се бојкотираат меѓу себе... Нека чекаат да се измори од крадење и распродавање. До таму сме стигнале. Срам да ни е на сите, пишува Мирчевски.

Мирчевски: Како по наредба, излезе целото „партиско ѓубре“ од времето на Груевски

Ивана Ефремовски — Thu, 23 Jul 2020 17:57:21 +0000

Гледам како поранешни високи партиски и државни функционери од ВМРО ДПМНЕ, се појавуваат по провладините медиуми во наивно синхронизиран напад против лидерот на ВМРО ДПМНЕ Христијан Мицкоски и си велам – што е тоа што би можело да ги натера овие несреќници така, еден по еден, како печурки после дожд, да се брукаат јавно во обид да создадат раздор во својата партија, истовремено правејќи им услуга на оние кои ги урнаа од власт и кои направија еден куп афери и предавства во последните три години? - пишува Ненад Мирчевски. Неговиот Фејсбук статус го пренесуваме во продолжение: „Но ако подразмислам уште еднаш, меѓу овие ликови не фалат уште многу од поранешните најблиски соработници на Груевски, за кои веќе подолго време се збори дека не само што го предале лидерот, туку и партијата и државата. Колку е вистина тоа не знам, но гледајќи ги како се самопонижуваат јавно по провладини медиуми гласно се прашувам: Имаат ли овие луѓе малку самопочит, или се до толку во лајна за да прифатат вакво јавно резилење? Како по наредба излезе целото „партиско ѓубре“ од времето на Груевски, обвинувајќи го, внимавајте ве молам, затоа што ја загубил довербата кај гласачите! Да не е трагично би било навистина смешно. Дури ни тие самите, сироти, онака, овенати пред камерите, не веруваат во тоа што го зборат. А кој луд би поверувал? Па замислете, колку е малоумно, токму оние кои беа директни виновници за уривањето на рејтингот на ВМРО ДПМНЕ и за симнувањето од власт, (поради нивните афери, сериозни обвинувања за криминал, обвиненија во повеќе предмети од страна на СЈО) да бараат одговорност од Мицкоски затоа што не успеал да ја врати довербата на гласачите? Да се разбереме, разочараноста е поради тоа што ВМРО ДПМНЕ падна од власт затоа што една шака криминалци не сакаа да понесат одговорност за своите грешки. Наместо да поднесат одговорност и да поднесат оставки, тие ја втурнаа цела држава во криза, од која излеговме со променето име, продадени национални интереси, прогон и затвор за патриотите, грабеж на граѓаните од страна на криминалната власт... Разочарани се оние што ги оставија осиромашени и понижени. Како и да е, со секое појавување, овие политички губитници само му ја зацврстуваат позицијата на Мицкоски јасно одделувајќи го од вмровското канцерогено ткиво, што е одлична вест за оние кои се уште имаат дилема дали новото раководство на ВМРО ДПМНЕ расчисти со оние криминални структури од времето на Груевски. Она што ќе мора да стори Мицкоски е да го задржи вистинскиот пат, а тоа значи бескомпромисна борба со сите криминалци и мафијаши без разлика на која партија и припаѓаат. Во таа насока најдобронамерно му порачувам да не дозволи да ја направи грешката на Груевски – да се опкружи со неморални, криминогени, опортунисти за да не се доведе во ситуација да плаќа за туѓите гревови“ - пишува тој.

Мирчевски: Не може никаков глас да допре до Вилма освен гласот од бајката на видео спотот на ВМРО ДПМНЕ

Тале Кристо — Sat, 04 Jul 2020 19:34:09 +0000

Ако некој си Тушник може да се фали дека со пас на Вице пали автомобили и да вади од притвор луѓе за часовник од 30.000€ Ако некој си Кичеец може да зима 300.000€ од бизнисмени за работи што требало да ги заврши Зоки Ако Дончев може да пушта полиција кај сака со пас на Зоки Ако може некој си Боки да рекетира бизнисмени за милионски суми и да тврди дека парите треба да се бараат кај Зоки Тогаш овие ликови или имаат ист газда и работат за иста мафија или имаат иста опсесија - да вршат криминал и да се идентификуваат со Заеви. Во меѓувреме не може никаков глас да допре до Вилма освен гласот од бајката на видео спотот на ВМРО ДПМНЕ, пишува во својата објава Ненад Мирчевски.

Мирчевски: Од вистината која СДС ни ја сервира изминативе денови и недели ова се најблескавите лаги

Тале Кристо — Fri, 03 Jul 2020 06:30:08 +0000

Дали се важи како лажна вест ако е нарачана после 2 часа и 17 минути во кафана? (Освен ако се извини Заев и стави рака на срце фер е да се прости) Од вистината која СДС ни ја сервира изминативе денови и недели можеме да ги издвоиме најблескавите лаги: * Македонија има датум за преговори * Македонскиот јазик е официјален во ЕУ * За 3 години изградиле повеќе отколку за 30 години * Ситуацијата со КОВИДОТ е под контрола * Нема заболен што ги почитувал мерките на Филипче, освен Шилегов и пола СДС кои ги почитуваа строго мееките ама сепак се заразија. * Границите ги отворија по препорака на лекарите дека тоа е добро за нашето здравје, не за да гласаат иселениците Албанци * Анкетите покажуваат дека народот им дава им веерува и им дава поддршка иако им фалат 6% од анкетираните ** А Антонио, ти извини, ама таа покана од април ти е за одложените избори. Сигурен си дека не ти пратиле нова?? #ЛажетеБлескате, пишува во својата Фејсбук објава Ненад Мирчевски.

Мирчевски: Дали ќе лета само Зибери, дали курбан ќе оди и Караџоски или ќе си продолжат да лажат без уво да ги боли?

Ивона Петрова — Fri, 26 Jun 2020 10:02:53 +0000

И сега не разбрав, Филипче синоќа го разреши или не го разреши Зибери? Антикорупциска вели правни пречки нема, а Филипче тврди дека нема да му прости. Кај закочи работава сега? До душа малку во незгодна позиција се најде министерот. Кого попрво да покаже со прст дека лаже? Дали само Зибери кој тврди одлуката за отварање на границите е политичка и дека комисијата донела политичка одлука, дали Караџовски кој тврди дека комисијата не донела таква одлука? Се заплеткаа во лаги, не знаат како да се извадат! Ако го смени Зибери затоа што, како што рече Филипче лажел дека одлуката била политичка, тогаш треба да го смени и Караџовски кој тврдеше дека комисијата не дала таква препорака. Зошто Филипче не зуцна ни збор за контрадикторните изјави на Спасовски и Караџовски? Или кпга лажат нивните е во ред. Кога ќе се вмеша трет тогаш Филипче не простува? Ај нека седнат денеска и нека се договорат па нека кажат по чија препорака и за чии интереси ги отворија границите? Овој пат ако лажат барем да бидат координирани... Да не не прават мутави. Значи кога ќе ја спремаат новата вистина нека се договорат кој лажел: Дали Спасовски лаже дека комисијата препорачала такво нешто? Дали Караџовски лаже дека комисијата не дала препорака? Дали Зибери лаже дека границите се отворени за да дојдат иселениците Албанци да гласаат на избори за премиер Албанец? Ќе почекаме и денеска да видиме дали Филипче простувал или не простувал и кому простува, а кому не простува! Дали ќе лета само Зибери, дали курбан ќе оди и Караџоски или ќе си продолжат да лажат без уво да ги боли?

Мирчевски: Во кој есап влегуваат луѓево што секој ден умираат од корона?

Тале Кристо — Fri, 19 Jun 2020 15:14:38 +0000

Слушам како министерот Филипче објаснува дека не сме биле многу полоши од соседите во справување со КОВИД 19. Демек ситуацијата во земјите во регионот била слична, разликата била во тоа што ние сме имале најмногу тестирања и затоа бројките биле такви. Во одбрана на министерот и владината политика за справување со епидемијата гледам се вклучиле и „професионалниве новинари“ кои ни солат памет како тоа сме грешеле кога сме споредувале бројките на заболени кај нас со бројките од други земји, па демек различни параметри, начини, што ја знам… па во насока да прикажат дека црното е бело кажуваат дека споредбата на заболени кај нас со заболените во соседството било како да споредуваш јаболка со портокали… А бре зелки едни зелкосани, а да ве прашам, во колку категории ги броите луѓево што ви умираат секој ден? Овие кај нас се крушки, а нивните мандарини? Ќе направите ли споредба на починатите и ќе каже ли некој зошто е тоа така? На чија душа ќе одат луѓево што ви умираат секој ден? Директорката на инфективна клиника признава дека ниту еден пациент што бил на респиратор не бил спасен! Ќе објасни некој на јавноста зошто и како? Поради неисправни респиратори, нестручност во ракувањето со апаратите или и за тоа не треба да се бара одговорност од никој и затоа треба да молчиме и да не прашуваме? Ако е точна една од првите две претпоставки некој ќе мора да одговара кривично, но еве, во случајов ќе ја земам предвид последната претпоставка- дека многу е тешко да преживеат пациентите кои се приклучени на респиратор, особено повозрасните. Тоа би значело дека респираторите до сега помогнале само да се одложи смртта на болните (а со тоа власта да ги „пегла“ дневните бројки на починати), но не и да спасат нечиј живот. Де, да чуеме од министерот како се бројките во соседството по ова прашање? Министерот Филипче за зголемениот број заразени во интервју вели тоа се должи на попуштањето на рестриктивните мерки (како што правеле и други држави во регионот). Вообичаено било да се зголеми бројот со попуштање на мерките, а со тоа се јакнел колективниот имунитет на граѓаните! Епа министре, ако добро ве разбирам, со попуштањето на мерките свесни сте биле дека ќе се зголеми бројот на заразени? Ако сте биле свесни за ризикот, тогаш зошто во исто време инсистиравте на брзи избори? Ви одговараат избори кога луѓето се плашат да излезат од дома? Ако мерката била дел од некоја стратегија, како што велите, да се зајакне колективниот имунитет на граѓаните, зошто тогаш тоа не го кажавте јавно во истиот момент кога донесовте одлуки за попуштање на мерките? Зошто во исто време за бројките ги обвинувавте Наќе и недисциплинираните граѓаните? И што е уште поважно, да министре, легитимно е планирано да ги попуштите мерките за контролирано зголемување на заразените, со цел колективен имунитет, НО, тоа никако не смеете да го правите скришно, уште помалку да го протнувате на мала врата. За таква стратегија од морални и етички причини сте морале навремено да ги известите граѓаните. Па граѓаните во тој случај сами ќе можеле да одлучат како ќе се однесуваат. Но одлука ќе можат да донесат само кога ќе им биде дадена точна и навремена информација, а не кога некој ќе им каже после недела, две или месец. Можеби на некои им е сеедно за вашата одлука за колективна имунизација, но како би реагирале оние кои живеат со стари лица или со деца? На чија душа ќе одат тие жртви? Пак Наќе ќе биде крив? Или виновни ќе си бидат самите жртви што не го преживеале вашето „ново нормално“? пишува: Ненад Мирчевски