Ненад Периш – Kurir.mk

БОЛНИ ЗБОРОВИ НА СЕСТРАТА НА МАТЕЈ – таткото на исчезнатото момче раскажа што му кажала ќерка му за нејзиниот брат

Дарко Андоновски — Thu, 19 May 2022 08:29:21 +0000

Тело на непознато машко лице беше пронајдено вчера во Дунав кај Ада Хуја, а сомнежите се дека се работи за Матеј Периш од Сплит. -Ја чекавме веста, ја чекавме вистината и таа вистина испадна таква каква што е, болна, ништо, тешка“, изјави Ненад Периш за ХРТ откако српското МВР го информирало дека облеката на телото на мажот најдено во водите, одговара со облеката која ја носел неговиот син кој исчезна на 30 декември 2021 година. Резултатите од обдукцијата се очекуваат денеска. -Како што кажав, морам да бидам подготвен на сето ова. Можеби некому му е чудно, но колку и да е болно и тешко, а верувајте дека е страшно тешко, треба да имате надеж. Мојата вера ме учи дека таа надеж секогаш постои. Иако се случи разделбата, надежта дека повторно ќе се сретнеме никогаш нема да престане, рече Ненад Периш и им се заблагодари на сите што помогнаа да се открие вистината. Тој во интервју за РТЛ додаде дека „Матеј ја заврши својата приказна на оваа земја“. -Мораме да ги направиме тие формалности. Матеј е тука со мене и секогаш ќе биде. Да, пет месеци подоцна. Што ми кажа ќерка ми: „Тато оди земи го Матеј, донеси го дома. Ќе го направам тоа за овие два-три дена. Тој е со нас и секогаш ќе биде со нас, вели потресениот Ненад Периш во интервју за ХРТ.

Се чекаат резултатите од ДНК анализата, таткото на Матеј Периш ќе дојде во Белград по идентификација на телото

Ивона Петрова — Thu, 19 May 2022 07:11:46 +0000

ДНК материјалот потребен за идентификацијата е земен веднаш откако вчера од Дунав во Белград беше извлечено тело на младо машко лице. Денеска се очекува да бидат познатите резултатите и да се утврди дали пронајденото момче е исчезнатиот Матеј Периш од Сплит. Споредбата на земениот ДНК примерок ќе биде направена со материјал од таткото на Матеј, Ненад Периш. Дел од српските медиуми јавуваат дека Ненад, иако беше најавено, се уште не е дојден во Белград, а неговото пристигнување се очекува откако ќе биде утврден идентитетот на пронајденото тело. На Институтот за судска медицина направени се и токсиколошки анализи, чии резултати според најавите би можеле да се чекаат повеќе дена. За Матеј се трагаше од 31 декември минатата година.

Се огласи таткото на Матеј Периш: Многу ми е тешко

Ивона Петрова — Wed, 18 May 2022 10:03:11 +0000

Таткото на Матеј Периш, Ненад за Телеграф.рс потврдува дека српската полиција го информирала дека во водите на Дунав е пронајдено тело на млад маж кој по описот и гардеробата би можел да одговара на неговиот син кој исчезна на новогодишната ноќ. -Мора да се спореди ДНК, но по облеката пронајденото момче одговара на Матеј. Ете, тоа е она што можам да ви го кажам, немам засега ништо повеќе. Многу ми е тешко и очекувавме некоја посреќна информација, но секоја вистина е вистина и со неа ќе мора да се соочам, јас и моето семејство. Тоа е така, повеќе не можам ништо да кажам. Многу ми е тешко. Ќе дојдам во Белград, изјавил Ненад Периш. За потсетување српските медиуми објавија дека утринава е пронајдено тело на млад маж кој на себе имал имал фармерки, маица со апликација и една бела патика. Ваквиот опис првично одговара со описот на Матеј Периш. Полицијата го извлекла телото, а на терен се форензичари.

Таткото на исчезнатиот Матеј откри што разговарал со пријателите на синот

Ристе Здравков — Thu, 31 Mar 2022 18:45:03 +0000

Потрагата по Матеј Периш (28) од Сплит кој пред повеќе од три месеци исчезна во Белград, и натаму трае. Неговиот татко открил дека по враќањето во Сплит разговарал со неговите пријатели. „Се видов со другарите на мојот син. Разговаравме за сè, но никој од нив не знае зошто и каде Матеј исчезна. Можам само да ви кажам дека се потресени и сега, исто како и пред 90 дена. Мозаикот сè уште не сум го составил, ниту пак знам каде е мојот син. Верувам дека е добро и го чекам“, вели Периш кој силата ја наоѓа во верата. Ненад Периш пред неколку денови по речиси три месеци го напуштил Белград. Се вратил во Сплит каде што му е семејството. „Моето срце е во Белград каде што исчезна син ми. Во постојан контакт сум со белградската полиција. Засега нема нови информации. Потрагата продолжува, а јас и натаму чекам да го видам Матеј“, вели Ненад. По 90 дена тој е благодарен на сите луѓе кои се вклучени во потрагата по неговиот син. Матеј Периш исчезна ноќта меѓу 30-ти и 31-ви декември минатата година кога го напуштил белградскиот клуб „Готик“. Пред да излезе надвор тој му платил на келнерот шише со виски.

„Трага во бескрајот“: Таткото Ненад оваа песна му ја посвети на синот Матеј Периш

Ристе Здравков — Sat, 26 Mar 2022 09:42:49 +0000

Ненад Периш, таткото на исчезнатото момче Матеј, по неколкумесечен престој во Белград, се врати дома во Сплит и на социјалните мрежи се огласи по подолго време. Неговиот син Матеј Периш исчезна ноќта пред Нова година во Белград. Бил во друштво во ноќниот клуб „Готик“, а потоа од непознати причини го напуштил, за што постојат и снимки од безбедносните камери. По десетина минути од излегувањето, му се губи секаква трага на шеталиштето покрај Сава. Потрагата по момчето и натаму е отворена. Таткото Ненад на Фејсбук ја објави песната од Оливер Драгојевиќ „Траг у бескрају“, а посебно го издвои стихот „Сѐ би дал да си тука“.

Сега е повеќе од јасно зошто во медиумите се појавува само таткото на Матеј: Еве што се случува со мајката на исчезнатото момче

Ристе Здравков — Mon, 21 Mar 2022 12:39:16 +0000

Ненад Периш, таткото на исчезнатиот 27-годишен Матеј Периш, минатата недела се врати во Сплит после два и пол месеци поминати во Белград. Тој во меѓувреме се видел со мајката на Матеј, својата поранешна сопруга, која деновите ги поминува со молитви. „Нејзе ѝ е најтешко. Прво што ме праша е: Како си? Таа ѝ се посвети на верата и секојдневно се моли. Ѝ кажав се’ што знам. За жал, детето не си го најдовме“, вели Периш. Како крајно чувствителна ја опишува и средбата со ќерките кои го дочекале со истото прашање. „На сите им нагласувам дека јас не сум воопшто важен. Тоа што го правам би го направил секој родител на светот. Не ми е лесно што морав да се вратам, но едноставно немав друг избор. Морам да мислам и на работата и на семејството“, вели тој. Матеј Периш исчезна во Белград ноќта помеѓу 30 и 31 декември. По напуштањето на ноќниот клуб „Готик“ му се губи секаква трага.