неплодност – Kurir.mk

НЕ ПРОПУШТАЈТЕ – Доаѓа водечкиот специјалист д-р Башту, кој има високи стапки на успех во лечењето на неплодноста

Super Admin — Wed, 11 Jan 2023 11:55:58 +0000

За сите пациенти со репродуктивни проблеми - бесплатна консултација со специјалистот проф. д-р Еркан Башту на 14. јануари 2023 година во Велес, Македонија. На 14. јануари 2023 г. Здравствениот информативен центар „Медикал Караџи“ за првпат го пречекува еден од најискусните специјалисти проф. д-р Еркан Башту. Паровите со проблематична бременост од нашата земја ќе имаат можност за прв пат бесплатно да се консултираат со еден од најводечките специјалисти од Република Турција. Проф. д-р Еркан Башту има големо меѓународно искуство и применува иновативни методи кој даваат висока стапка на успех во ин-витро постапка со неплодност. Специјалистот има златен медал за лапароскопски техники од Европската академија за гинеколошка хирургија. Тој за прв пат ќе биде гостин на покана на тимот на ЗИЦ „Медикал Караџи“ од Македонија и во рамките на иницијативата на Здравствениот информативен центар да обезбеди пристап до најиновативните и најсовремените технологии во медицината. Сите оние кои сакаат да ја искористат можноста за бесплатна консултација со проф. д-р Еркан Башту на 14. јануари 2023 година во Велес, треба однапред да закажат термин на следниве телефонски броеви на ЗИЦ „Медикал Караџи“ 071.314.005 или 043.220.904 или да го закажат својот посакуван онлајн термин на https://www.medikara.bg/ На лице место, пациентите ќе мора да ги обезбедат медицинските документи и тестовите за сликање кои се направени до денес. Ве молиме да имате во предвид дека за време на консултациите нема да се вршат физички прегледи. Бесплатните консултации се спроведуваат врз основа на вашата медицинска документација која ќе ја приложите.

Народен рецепт: Две состојки кои прават ЧУДА со неплодноста

Ивана Ефремовски — Fri, 02 Dec 2022 08:18:23 +0000

Oвој народен лек за неплодност навистина помага. Во последните неколку години се повеќе млади двојки имаат репродуктивни проблеми и поради нив морале да бараат ефикасен лек за неплодност. Изгледа дека природната аптека располага со одлична светлина за неплодност, која освен што е многу ефикасна, се подготвува и многу лесно. Комбинацијата од маслиново масло со смокви може да го реши успешно овој проблем. Искуството покажува дека оваа комбинација е одлична комбинација за неплодност, цревни заболувања, чир, запек, хемороиди, астма, висок холестерол, бронхитис и анемија. Малкумина се запознаени со мноштвото лековити својства кои ги поседува смоквата, ако се во комбинација со маслиновото масло, ефектот се зголемува уште повеќе. За да го приготвите овој ефикасен лек за неплодност ви се потребни: 1 литар маслиново масло и 40 парчиња смокви Подгответе чиста и удобна стаклена тегла, во која ќе ги ставите смоквите и да ги покриете со додавање на маслиновото масло. Оставете ги да седат заедно покиснати 40 дена, потоа јадете секој ден по една смоква пред секој оброк. Ако внесувањето на смоквите, кои престојувале во маслиновото масло ви е проблем, тогаш пијте по 1 лажица од маслиновото масло во кое стоеле смоквите и потоа поткаснувајќи една сува смоква. Овој народен рецепт за неплодност е целосно безбеден, но пак за сметка на тоа прави чуда. Смесата се чува на темно и ладно место до нејзиното искористување.

Јавна расправа: Да се срушат сите табуа за неплодноста и за процесот на ин витро

Ивона Петрова — Mon, 30 May 2022 12:36:57 +0000

Да се срушат сите табуа и стереотипи поврзани со процесот на ин витро и неплодноста, затоа што тоа не е срам и не треба никој да се срами од тоа. За сето тоа има решение, соодветно на историја и на самата здравствена состојба на пациентите, ова беа дел од пораките изнесени на денешната јавна расправа на тема: „Кон промени на законската регулатива за поголема поддршка на пациенти кои се соочуваат со неплодност“ што се одржа во Собранието. Расправата се одржа по повод 28 Мај – Меѓународниот ден за акција за женското здравје, во организација на Клубот на пратенички на Собранието и во соработка со Здружението за хумана репродукција и биопотпомогнато оплодување – До бебе по патот на ИВФ. Учесниците на расправата истакнаа дека се уште темата е сензитивна, а законското решение е од 2008 година. Министерот за здравство Беким Сали потсети на дел од реализираните активности во делот на грижата за женското и репродуктивното здравје, како мобилна гинеколошка амбуланта со која се обезбедуваат прегледи со ПАП-тест и совети за редовните гинеколошки прегледи за жените на возраст од 36 до 45 години. Соопшти дека се води грижа за идните мајки, има вежби во бременост под стручен надзор и физиотерапевт, се води грижа и за здравствена услуга и за жртвите на семејно насилство… Сали нагласи дека темата на неплодноста е еден од нивните приоритети и се задржа на работата на државната комисија за ИВФ, која е формирана во 2008 година и одржува состаноци по потреба, но најмалку еднаш месечно. – На самата комисија се доставуваат просечно по 150 барања од овластените установи од државата, но и од регионот, Србија, Косово, Црна Гора, Босна и Херцеговина и Хрватска, рече Сали. Претседателот на собраниската Комисијата за здравство, Арбен Зибери рече дека секогаш ќе биде на располагање, Комисијата ќе биде отворена за соработка, за предлози и идеи за да се најде подобро законско решение за граѓаните кои се засеганати со оваа проблематика. Претседателката на Комисијата за еднакви можности на жените и мажите, Гордана Силјановска Давкова нагласи дека децата се најважни и дека потребата, задоволството да се има дете, да се создаде живот е многу важна. Според неа, сторено е многу меѓутоа уште многу треба да се стори, додавајќи дека наталитетот секаде опаѓа и дека треба да се стимулира. Претседателот и застапник на Здружението за хумана репродукција и биопотпомогнато оплодување – До бебе по патот на ИВФ од Скопје, Зоја Самандова-Петрушева рече дека оваа тема во моментов е табу, а голема е стапката на неплодност. Таа соопшти дека повеќе пациенти и семејства се соочуват со проблемот, кој, како што рече, е тежок и апелираше да не се крие тоа, дека не е срамота и порача да се зборува отворено за да добијат повеќе информации и да се соочаат со проблемот. Таа информира дека имаат иницијатива за промена на Законот за БПО, кој, како што велат подолго време не е ревидиран. Самандова-Петрушева ги изнесе предизвиците или патот кој го минуваат пациентите кои се борат со неплодност за да се остварат како родители. Информира дека следуваат по три ваучери од Фондот за здравствено осигурување, кои ги одобрува Министерството за здравство и укажа дека покрај тоа има и скриени трошоци. Пациентите откако ќе ги искористат тие три ваучери, како што рече, потоа ги прават постапките приватно и ги чини многу или над 100.000 денари, а терапијата која се користи пред постапката, за време на постапката и по постапката не спаѓа под Фондот и не е на позитивна листа на лекови. Самандова-Петрушева нагласи дека меѓу нивните цели се зголемување на бројот на ваучери за прво дете. Образложи дека следуваат по три ваучери за прво, а исто толку и за второ, за трето и за четврто дете и нагласи дека треба да се стави акцентот на паровите и поединци кои немаат ниту едно дете. Бараат и поголем дел од терапијата што се користи да биде ставена на позитивна листа на лекови. На јавната расправа се обрати и директорката на Фондот за здравствено осигурување Магдалена Филиповска-Грашковска, ИВФ специјалисти и акушери, ембриолози, доктори, претставници од НВО секторот.

(ВИДЕО+ФОТО) ГО ВИКАЛЕ БОГ ЗА БЕБИЊА: Вистината за докторот монструм е неодамна откриена – десетина семејства се во ШОК

Магдалена Андонова — Fri, 04 Dec 2020 10:52:13 +0000

ДОКУМЕНТАРЕЦОТ на ХБО со наслов „Baby God“ или „Бог за бебиња“ ја раскажува приказната за д-р Квинси Фортиер, познат како чудотворец за неплодност. Сите парови кои имале проблеми со зачнувањето отишле кај него. Фортиер починал од природна смрт во 2006. година, на 94-годишна возраст, а неодамна се појавија ужасни детали за него, кога домашните тестови за откривање на ДНК станаа вообичаена форма на забава. Се испостави, имено, дека „чудотворецот“ ја искористил својата сперма за да оплоди жени. Конечното откритие за неговата монструозна постапка се случи 20. години откако првпат се соочил со обвинението на еден пациент. Таа изјавила дека тој ја оплодил со својата сперма без нејзина согласност наместо спермата на донаторот што таа го избрала. Така Квинси стана татко на нејзините две деца без нејзина согласност. Таа пациентка го обвини во 1996. година, а судскиот спор беше решен со спогодба. Сите негови деца денес имаат меѓу 30. и 71. година, а масовното откривање на деца се случи 20. години по случајот со обвинението од првиот пациент. Документарецот, покрај сведочењето на децата на Фортиет, ја раскажува и приказната за легитимниот син на Квинси, кој го тужел Квинси за сексуално злоставување врз него, неговите браќа и сестри и други деца. Д-р Квинси победил на тоа судење. Една од сведоците е Кејти Холм, која влегла во канцеларијата на овој лекар кога имала 22. години, надевајќи се дека доктор Квинси ќе им помогне на неа и нејзиниот сопруг конечно да имаат дете. – Во тоа време, сите мои пријатели имаа деца, само ние немавме. Никој не можеше да ни помогне, сè додека не го пронајдовме д-р Фортиер – вели Кети, која денес има 77 години. Потоа со себе донела чаша сперма на нејзиниот сопруг, а во 1966. година конечно ја родила ќерката Венди. „Честопати ја гледав Венди и сметав дека таа не личи на никој во семејството на сопругот“, вели Кејти. А, Венди ја дознала вистината, случајно, во 2018 година, кога направила домашен ДНК тест за забава. – Излегува дека татко ми не ми е татко. Татко ми е лекар за неплодност од Лас Вегас – вели Венди, која била многу потресена од откритието. Толку многу што таа рекла дека долго време сакала да оди на пластична операција со цел да ги отстрани сите сличности со Фортиер од лицето. – Сакам да го оперирам носот, затоа што кога и да го погледнам, го гледам и тој монструм и чувствувам дека живее во мене. Не можам да го мразам затоа што ми даде живот, но се плашам затоа што ги носам неговите гени. Мислеше дека е попаметен од неговите пациенти и може да прави што сака со нив. Тој имаше комплекс на супериорност. Мајка ми сакаше деца со татко ми, а не со некој што ќе и рече „само легни додека јас те правам дете, не мора ништо да знаеш“ – вели Венди. Венди има уште најмалку 23. браќа и сестри, а секоја година се откриваат нови. Еден од синовите на д-р Квинси верува дека ги има стотици. Истрагата покажала дека Фортиер оплодувал жени на овој начин со децении, дури и оние кои не дошле поради проблеми со зачнувањето, туку поради гинеколошки проблеми. Ова е случај на Дорис Отис, која дошла во посета на д-р Квинси во 1948. година, поради лесна инфекција. Доктор Квинси ја оплодил додека земал брис и така Дорис непланирано зачнала и го родила Мајк, кој денес има 71 година и дури во 2017 година дознал кој е неговиот татко. „Безгрешно зачнување“ Веројатно најлудата од сите овие приказни е приказната на Џонатан Стенсленд. Џонатан е уште еден од синовите на Фортиер, кој денес има 55. години. Кога бил бебе, тој бил посвоен од лутерански пастор и медицинска сестра од Минесота. Џонатан ја запознал својата биолошка мајка на 17-годишна возраст, и таа тогаш му рекла дека „безгрешно го зачнала“. – Дури и на 17-годишна возраст, иако немав информации, почувствував темна сенка зад прашањето кој е татко ми. Подоцна, мајка ми преку писма ми објасни дека била девица пред да остане бремена со мене и ми раскажа приказна што ми беше луда во тоа време. Ми рече дека отишла на гинеколошки преглед кај Фортиер и дека тој ги измешал стапчињата, па останала бремена. Подоцна тој и објаснил зошто е бремена, а таа е девица, дека „забременила безгрешно“.

Мажите посебно треба да внимаваат на стресот, тој може да биде причина за неплодност

Ивана Ефремовски — Tue, 16 Jun 2020 09:27:31 +0000

Брзото темпо на модерниот живот има големо негативно влијание на плодноста на мажите. Последиците може да бидат негативни по здравјето на човекот дури и кога е во утробата на мајката. Големите стресови и напорниот живот кој го имаат мајката и таткото може да предизвика стрес и на бебето. А уште поголема катастрофа е тоа што стресот влијае и на машката плодност, па во најлош случај тоа може да биде и причина за неплодност. Била направена голема студија во која учество земале огромен број на мажи и жени. Научниците потврдиле дека луѓето кои живеат стрес, имаат проблем со нормално функционирање на хормоните, а сето тоа и до неплодност, па колку и да е голем трудот. Жените пак кои се во текот на бременоста треба особено да обрнат внимание на сопственото психичко здравје. Нервозите и стресот се најмалку посакувани состојби. Тоа може да доведе до неправилен развој на фетусот, а доколку тоа продолжи во подолг рок и губење на плодот.