непочитување мерки – Kurir.mk

Предложени парични казни за непочитување на здравствените прописи

Магдалена Андонова — Mon, 31 May 2021 10:13:09 +0000

Основното јавно обвинителство Скопје до надлежен суд поднесе предлози за издавање казнени налози против четири лица за кривично дело – Непостапување според здравствените прописи за време на епидемија од член 206 став 1 од Кривичниот законик. Обвинетите биле затекнати при непочитување на полицискиот час определен како мерка за заштита и превенција на ширењето на коронавирусот. Надлежен јавен обвинител му предложи на Судот за сите обвинети да определи парични казни од по 100 дневни глоби при што висината на една дневна глоба да ја одреди на износ од 20 евра во денарска противвредност.

Во Кичево затворен угостителски објект – не се почитувале мерките за заштита од Ковид-19

Магдалена Андонова — Tue, 09 Mar 2021 10:55:18 +0000

На 08.03.2021 во периодот од 19.00 до 22.00 часот, полициски службеници од Полициската станица Кичево во содејство со Државниот пазарен инспекторат извршиле контрола во повеќе угостителски објекти во Кичево во врска со превенција и заштита од Ковид 19, како и почитување на протоколите за работа на угостителските објекти. При контролата, непочитување на протоколите за превенциja и заштита од Ковид 19 биле констатирани во еден угостителски објект на бул.„Ослободување“. Објектот бил затворен од Државниот пазарен инспекторат,а по целосно докумнетирање на случајот ќе биде поднесена пријава по член 206 од Кривичниот законик – „непостапување според здравственит епрописи за време на епидемија“.

Затворени два угостителски објекти во Кочани поради непочитување на Ковид мерките

Магдалена Андонова — Wed, 30 Dec 2020 15:14:44 +0000

На 29.12.2020 во 18.35 часот, полициски службеници од ОВР Кочани извршиле контрола на угостителски објект во с.Облешево, при што биле затекнати неколку лица и сопственикот и било констатирано непочитување на мерките на Владата на Република Македонија, односно не било почитувано работното време. По комплетирање на случајот против одговорното лице ќе биде поднесена кривична пријава по член 206 од Кривичниот законик „непостапување според здравствените прописи за време на епидемија“. На 30.12.2020 во 00.32 часот, полициски службеници од ОВР Кочани извршиле контрола на угостителски објект на ул.„Димтрие Лазаров“ во Кочани, при што биле затекнати неколку лица и било констатирано непочитување на мерките на Владата на Република Македонија, односно не било почитувано работното време. По комплетирање на случајот против одговорното лице ќе биде поднесена кривична пријава по член .206 од Кривичниот законик „непостапување според здравствените прописи за време на епидемија“.

Затворени два угостителски објекта во Гостивар, поради непочитување на мерките за спречување на Ковид-19

Тале Кристо — Mon, 21 Dec 2020 10:03:19 +0000

Вчера (20.12.2020) околу 19.15 часот на ул.„Илинденска“ во Гостивар, полициски службеници на СВР Тетово - Одделение за внатрешни работи Гостивар го лишиле од слобода Љ.Н.(50) од Гостивар, затоа што неговиот угостителски објект бил отворен по 18.00 часот и во него престојувале неколку лица. Тој бил задржан во Полициската станица Гостивар и по целосно документирање на случајот ќе му биде изготвен поднесок, поради сомнение дека сторил кривично дело „непостапување според здравствени прописи за време на епидемија“ (член 206 од Кривичниот законик). Објектот бил затворен од Државниот пазарен инспекторат. Во текот на вчерашниот ден околу 22.00 часот, полициски службеници на СВР Тетово - Одделение за внатрешни работи Гостивар го лишиле од слобода Џ.В.(62) од Гостивар, затоа што неговиот угостителски објект на ул.„Илинденска“ во Гостивар, работел по дозволеното време и во него се наоѓале неколку лица. По документирање на случајот, против Џ.В. ќе биде поднесена пријава по член 206 од Кривичниот законик, поради сомнение дека сторил кривично дело „непостапување според здравствени прописи за време на епидемија“. И овој објект бил затворен од Државниот пазарен инспекторат.

Маж си ја пријавил сопругата дека не ги почитува ковид мерките

Магдалена Андонова — Mon, 07 Dec 2020 13:19:33 +0000

Началникот на Комуналната полиција во Белград, Иван Дивац, раскажува за необичен случај кога сопруг ја пријавил сопругата за непочитување на ковид-мерките. До сега сме биле во различни ситуации. Неодамна еден човек ја пријави сопствената сопруга, жалејќи се дека нивното дете кое отсуствува од школо и се наоѓа во самоизолација, го однела во трговски центар, истакна Дивац. На гостувањето на „Прва“ тој додал дека во овој момент голем проблем претставува што полицијата на терен нема доволно луѓе, само 320 полициски службеници за цел Белград и затоа може да се случи граѓаните кои пријавуваат да почекаат и до еден час.

Претседателот Мета и сопругата казнети за непочитување на мерката за забрана за групирање

Магдалена Андонова — Mon, 23 Nov 2020 11:22:33 +0000

Албанскиот претседател Илир Мета и неговата сопруга Моника Круемади, лидерка на опозициското Движење за социјалистичка интеграција, казнети се со парична казна поради непочитување на забраната за групирање на повеќе од 10 лица. Тие присуствувале на роденденската забава на познатиот албански актер Бес Калаку(35) организрана во угостителски објект во селото Лакна, општина Колоња. Казнет е и градоначалникот на Колоња, Ерион Исаи, кој присуствувал на забавата, како и останатите триесеттина лица, кои биле на забавата. Присутните се казнети со по 80 евра додека сопственикот на угостителскиот објект со милион леки или над 8.100 евра. Ова не е прв случај Круемади да добие казна за непочитување на мерките за спречување на ширење на пандемијата. Претходно на двапати беше казнета за неносење маска на отворен простор, со 25 односно 40 евра. Инаку, роденденот на актерот скапо ги чинело и шестмина полициски службеници кои се суспендирани поради тоа што не влегле во ресторанот за да контролираат. Сите казни се изречени врз основа на снимки.

Роналдо не ги почитувал мерките,министерот објави дека е под истрага

Магдалена Андонова — Mon, 26 Oct 2020 16:07:21 +0000

Отворена е истрага против Кристијано Роналдо затоа што ја напуштил самоизолацијата во која биле играчите на Јувентус за да оди на натпревар на репрезентацијата на Португалија. Веста за покренување истрага против најголемата sвезда на Јувентус ја објави министерот за спорт на Италија, Винченцо Спадафора, во интервју за РАИ. Во Јувентус имало неколку играчи со коронавирус и требало да бидат во самоизолација, а Роналдо заминал на собир на репрезентацијата на Португалија без дозвола. Тој играл натпревари против Шпанија и Франција со репрезентацијата, а потоа дознал дека има коронавирус. "Враќањето не е спорно, спорно е заминувањето на Роналдо од Торино. Кога замина, тој не го почитуваше протоколот и сега е под истрага", рече Спадафора. Роналдо, кој бил тестиран пред три дена и се уште е позитивен, најверојатно ќе биде казнет за овој потег.

Построги казни за непочитување на мерките во Бугарија

Магдалена Андонова — Mon, 06 Jul 2020 15:45:31 +0000

Бугарија ќе ги казнува луѓето кои не ја почитуваат обврската за физичко дистанцирање и носење заштитни маски на јавни и затворени места, најави денеска бугарскиот министер за здравство Кирил Ананиев. Тој истакна дека поради зголемување на бројот на нови случаи со коронавирус, вонредната епидемиолошка ситуација ќе биде продолжена до крајот на месецов, со цел Владата да може пофлексибилно да издава посебни налози доколку е потребно. Ананиев ги повика локалните власти да спроведат епидемиолошки мерки и да ги ограничат јавните собири, истакнувајќи дека казните за непочитување на мерките ќе бидат построги. Во Бугарија се укинати речиси сите рестриктивни мерки за спречување на Ковид-19, со цел економијата повторно да заживее и засега не се планира ново затворање. Во земјата досега се регистрирани 5.740 заразени и 246 смртни случаи. (МИА)

Предлози за гонење 7 лица за непочитување мерки во Кавадарци, но не и за доктор Цаца во Скопје?!

Љупчо Цветаноски — Thu, 19 Mar 2020 09:12:38 +0000

Основното јавно обвинителство Кавадарци денеска поднесе предлози за казнен налог за седум лица, сите од Кавадарци кои во одделни случаи го сториле кривичното дело – Непостапување според здравствени прописи за време на епидемија од член 206 став 1 од Кривичниот законик. Ваков предлог се уште нема за доктор Цаца која се шеташе по симпозиуми, забави и свадби, вратена од Италија. Дали блискоста со партијата нa власт е пресудна во случајот? Како што се наведува во соопштението од ЈОРСМ, за време на пандемија, епидемија од глобални размери определена со одлука на Генералниот секретар на Светската здравствена организација на 11.03.2020 година, обвинетите не постапиле според Писмена наредба на Министерството за здравство со која се определуваат мерки за нејзино сузбивање или спречување. -Со одлуката е определено спроведување на задолжителна самоизолација за секој државјанин на Република Северна Македонија кој влегува во државата на граничните премини, а патува од високо ризични или средно ризични земји утврдени со листата на Светската здравствена организација на денот на кој влегува во државата. Сите обвинети кои во државата дошле од различни држави, при влез во земјава на 16 март 2020 година потпишале изјави за самоизолација. Но при проверка од полициските службеници не биле затекнати во нивните домови во кои требало задолжително да ја спроведуваат мерката, се наведува во соопштението. За сите обвинети, се посочува, јавен обвинител од Основното јавно обвинителство Кавадарци до Основниот суд Кавадарци ги достави предлозите со кои предлага судот за секој од обвинетите да изрече парична казна во висина од 50 дневни глоби.