Поранешниот албански премиер Сали Бериша и неговото семејството се непожелни за САД

Тале Кристо — Wed, 19 May 2021 13:51:24 +0000

Порнешниот албански претседател, премиер и екс лидер на опозицската Демократска партија, Сали Бериша и семејството прогласени се за персона нон грата во САД. Во изјавата на американскиот државен секретар Антони Блинкен објавена на 19 мај 2021 година, како и на официјалната веб-страница на Стејт департменот, стои дека „ во негово официјално својство, посебно како премиер на Албанија, Бериша бил вклучен во коруптивни активности, како на пример злоупотреба на јавни фондови, вмеаност во политики процеси, вклучително и употреба на моќ за лична корист и збогатување на политичките сојузници, како и членови на семејството“. -Коруптивните постапки на поранешниот претседател на Албанија, Сали Бериша, ја поткопуваат демократијата во Албанија. Јавно изјавувам дека Бериша и членовите на неговото потесно семејство не се пожелни да влезат во Соединетите држави. Остануваме обединети против корупцијата со нашите партнери во Албанија, напиша Блинкен на Твитер. Додава дека Бериша ја користи својата реторика за да се брани себеси, членовите на неговото семејство и неговите политички сојузници. -Уште повеќе неговата реторика покажува дека тој е подготвен да се брани себеси, членовите на неговото семејство и неговите политички сојузници на сметка на независните истраги, антикорупциските напори и мерките за одговорност. Со оваа определба, ја повторувам потребата за отчетност и транспарентност во демократските институции во Албанија, владините процеси и постапките на албанските јавни службеници, нагласува тој. Оваа определба, продолжува понатаму е дадена во согласност со Регулативата 7031 (ц) на Стејт департментот за надворешни операции и релевантни програми за финансирање, 2021. -Покрај Сали Бериша, јавно објавувам дека и неговата сопруга, Лири Бериша, неговиот син, Шкелзен Бериша и неговата ќерка, Аргита Бериша Малтези. немаат право да патуваат во САД, посочува Блинкен. Ова, оценува, ја потврдува посветеноста на САД за поддршка на основните политички реформи за демократските институции во Албанија и нагласува дека САД продолжуваат да бидат со народот на Албанија. Меѓу оние кои до сега се прогласени за непожелни за САД е поранешниот главен државен обвинител Адриатик Лала, екс градоначалникот на Драч, Ванѓуш Дако и поранешниот пратеник и бизнисемен Том Доши.

Русија прогласи за непожелни двајца вработени во колумбиската Амбасада

Тале Кристо — Wed, 23 Dec 2020 10:24:59 +0000

Русија прогласи двајца вработени во колумбиската Амбасада за персона нон грата. Чекорот е преземен како одговор на протерувањето на двајца руски дипломати од Колумбија, соопшти денеска руското Министерство за надворешни работи. Колумбискиот амбасадор во Москва Алфонсо Педро Лазаро Лопез Кабаљеро бил повикан во Министерството, каде му била врачена протестна нота против неоснованата одлука за протерување на двајца руски дипломати од латиноамериканската земја. Руското Министерство за надворешни работи истакнува дека овој чекор не е во согласност со односите меѓу Русија и Колумбија, кои се темелат на традиционално пријателство и заемно почитување. Повикувајќи се на колумбиските медиуми, светските агенции јавија дека двајцата руски дипломати протерани од Колумбија наводно биле вмешани во шпионажа.

непожелни – Kurir.mk

Поранешниот албански премиер Сали Бериша и неговото семејството се непожелни за САД

Русија прогласи за непожелни двајца вработени во колумбиската Амбасада