Непријатниот мирис и чад што се шират во Аеродром доаѓаат од околината на градот, апелираме до надлежните итно да го решат проблемот

Тале Кристо — Tue, 12 Sep 2023 09:29:49 +0000

По реакциите од страна на граѓаните на Општина Аеродром за непријатниот мирис кој се шири на територијата на општината, општинските инспектори вчера попладне излегоа на терен, при што затекнаа пожар во близина на препумпната станица „Лисиче“, а истиот беше веднаш локализиран од страна на противпожарната служба. Но, овој пожар не претставува причина за чадот кој се ширеше на територија на Општина Аеродром. Воедно, од нивна страна беше констатирано дека чадот и мирисот се предизвикани од пожари кој доаѓа од други општини во градот Скопје и околината. Во насока на решавање на проблемот, а со оглед на тоа дека надлежностите на општинскиот инспекторат се само на нашата територија, Општина Аеродром во неколку наврати реагираше за нивно гасење. Во оваа прилика уште еднаш ги повикуваме надлежните служби да ги преземат сите неопходни мерки за решавање на проблемот. Општина Аеродром и понатаму стои на располагање за решавање на сите проблеми кои се во надлежност на општината.

Етапно ќе се открива причината за непријатниот мирис во Гевгелија

Ивона Петрова — Tue, 13 Nov 2018 10:50:52 +0000

Непријатниот мирис, поточно неподносливата реа, која веќе подолго време во одредени периоди од денот и ноќта се шири низ Гевгелија сеуште ги мачи жителите на градот. Причините за тоа општината реши етапно да ги открива, затоа што проблемот му штети на имиџот на Гевгелија како чиста еколошка животна средина, изјави за МИА градоначалникот Сашо Поцков. -Мислевме тоа да го сториме без тендер, но поради висината на цената што за тоа ни беше побарана од една овластена фирма, решивме да одиме со тендер. Одбраната фирма ќе изврши релевантен мониторинг и доколку го открие причинителот ние како општина, доколку е во наша надлежност, сме должни да го санкционираме, нагласи Поцков и повика на уште малку трпение од граѓаните кои бараат итно решавање на проблемот. Покрај ова, од општината информираа дека ќе инсистираат во Гевгелија да дојде екипа од Министерството за животна средина заради проверка на економските оператори со Б интегрирана дозвола дали во меѓувреме, поради проширување на своите капацитети, излегле од ингеренцијата на општината. Доколку се утврди таква ситуација ќе им се издадат А интегрирани дозволи со што мониторингот врз нив во иднина ќе го врши Министерството за животна средина. МИА

непријатен мирис – Kurir.mk

Непријатниот мирис и чад што се шират во Аеродром доаѓаат од околината на градот, апелираме до надлежните итно да го решат проблемот

Етапно ќе се открива причината за непријатниот мирис во Гевгелија