непрописно паркирање – Kurir.mk

Голема акција за непрописно паркирани возила во Општина Аеродром

Ивона Петрова — Thu, 14 Jul 2022 08:57:11 +0000

Инспекциските служби на Општина Аеродром почнаа голема акција за отстранување на возилата кои се непрописно паркирани и ослободување на патеките, тревниците и плочниците. За отстранување на возилата, Општината ангажира пајак-служба, а несовесните возачи добиваат парични казни. -Целта на оваа акција е да се отстранат возилата од местата кои не се наменети за паркирање, со што го оневозможуват непреченото движење на пешаците, пристапот на интервентните возила, а истовремено и се уништуваат јавните површини, како што се плочките, столпчињата и зеленилото, со што се нанесува голема материјална штета, информираат од Општината. Општина Аеродром најавува отстранување на непрописно паркираните возила и во наредниот период и казни за несовесните возачи. Истовремено упатуваме апел и да не се паркира на местата обележани за лица со хендикеп.

Изречени 43 казни за непрописно престигнување во Тетово

Тале Кристо — Sat, 01 May 2021 08:38:48 +0000

Полициски службеници од СВР Тетово вчера спроведоа зајакната акциска контрола за санкционирање на непрописно престигнување, при што се санкционирани 43 возачи, соопшти МВР. – Од нив 26 прекршоци се направени на територија на Полициска станица Тетово, а 17 на територија на Полициска станица Гостивар. Санкционирани се и 29 други видови на прекршоци, информираат од МВР и додават дека зајакнатите акциски контроли продолжуваат и во наредните денови. Воедно, од МВР апелират до учесниците во сообраќајот да ги почитуваат сообраќајните правила и прописи.

Во Центар за една недела санкционирани 162 непрописно паркирани возила

Магдалена Андонова — Tue, 30 Mar 2021 08:03:23 +0000

ЈП Паркинзи на Општина Центар и Општина Центар во соработка со Сообраќајната полиција-Скопје изминатата седмица санкционираа 162 непрописно паркирани возила кои го попречувале нормалното и безбедно одвивање на сообраќајот. Во периодот од 22.03. до 28.03.2021 година, со помош на специјалните возила „Пајак“ на ЈП ПОЦ отстранети се 72 непрописно паркирани возила, а со поставување на механичко средство „Блокатор“ санкционирани се 90 возила кои биле затекнати во резидентни зони, а не биле корисници-резиденти на секторот во којшто биле паркирани.

За една недела за непрописно паркирање во општина Центар санкционирани 169 возачи

Тале Кристо — Tue, 23 Mar 2021 08:19:44 +0000

ЈП Паркинзи на Општина Центар и Општина Центар во соработка со Сообраќајната полиција-Скопје санкционираа 169 непрописно паркирани возила кои го попречувале нормалното и безбедно одвивање на сообраќајот. Во периодот од 15.03. до 21.03.2021 година, со помош на специјалните возила „Пајак“ на ЈП ПОЦ отстранети се 79 непрописно паркирани возила, а со поставување на механичко средство „Блокатор“ санкционирани се 90 возила кои биле затекнати во резидентни зони, а не биле корисници-резиденти на секторот во којшто биле паркирани. За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ и СВР Скопје во наредниот период ќе продолжат со секојдневно отстранување на сите непрописно и несовесно паркирани автомобили во општина Центар со цел да се подигне сообраќајната свест на повисоко ниво и да се зголеми безбедноста во сообраќајот.

Во Центар за седум дена санкционирани 174 непрописно паркирани возила

Магдалена Андонова — Tue, 02 Mar 2021 08:38:12 +0000

ЈП Паркинзи на Општина Центар и Општина Центар во соработка со Сообраќајната полиција-Скопје за седум дена санкционирала 174 непрописно паркирани возила кои го попречувале нормалното и безбедно одвивање на сообраќајот. -Во периодот од 22.02. до 28.02.2021 година, со помош на специјалните возила „Пајак“ на ЈП ПОЦ отстранети се 90 непрописно паркирани возила, а со поставување на механичко средство „Блокатор“ санкционирани се 84 возила кои биле затекнати во резидентни зони, а не биле корисници-резиденти на секторот во којшто биле паркирани, стои во соопштението од јавното претпријатие. Испраќаат апел до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците.

После Заев и Спасовски, сега Шилегов удри со масовни казни врз граѓаните

Магдалена Андонова — Thu, 29 Oct 2020 08:11:47 +0000

Во текот на изминатата недела (22.10 – 28.10.2020 година) со специјалните возила пајак се отстранети вкупно 239 возила од јавните површини. Од вкупниот број непрописно паркирани и подигнати возила, 29 се отстранети од зонските паркиралишта, а другите 210 возила по налог на сообраќајната полиција по основ на сторени прекршоци: паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице. Контролорите на зонските паркиралишта во истиот период санкционирале вкупно 308 возилa, поради нерегулирано паркирање, односно за неплатена паркинг-услуга. Од нив, 29 возилo се отстранети со пајак службата, поради пречекорување на дозволеното време на задржување на паркиралиштето. Градот Скопје и јавното претпријатие „Градски паркинг“ апелираат до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. Апелираме сите корисници на услугите за паркирање, навреме да го регулираат плаќањето за паркинг-услугата, за да не бидат санкционирани и да не им биде поставен блокатор на тркалото. Плаќањето за паркинг-услугата може да се изврши преку СМС порака или со греб картичка.

Кумановци среде Скопје се паркирале непрописно, па незадоволни од казната на вработениот во Градски паркинзи го истепале

Дарко Андоновски — Sat, 01 Feb 2020 10:56:10 +0000

На 31.01.2020 околу 16.20 часот во СВР Скопје било пријавено дека на бул.„Јане Сандански“ во Скопје, З.М.(59) и Г.М.(34), двајцата од с.Љубодраг, кумановско, физички го нападнале Ж.К.(50) од Скопје, вработен во Градски паркинг Скопје. Според пријавеното, причина за физичкиот напад било нивното незадоволство од платената казна за непрописно паркирање. Лицата се обезбедени и по целосно документирање на случајот против нив ќе биде поднесен соодветен поднесок, информираат од МВР.

Во Скопје отстранети 120 непрописно паркирани возила

Ивона Петрова — Mon, 02 Sep 2019 10:08:32 +0000

Вкупно 120 непрописно паркирани возила се отстранети изминатата недела од јавните површини во Скопје. Од нив, 49 се отстранети од зонските паркиралишта, а 71 возило по налог на сообраќајната полиција. Од Град Скопје денеска информираа дека контролорите на зонските паркиралишта во овој период санкционирале вкупно 305 возила поради неплатена паркинг-услуга. Од нив, 49 возила се отстранети со пајак-службата, поради пречекорување на дозволеното време на задржување на паркиралиштето. Од Градот и јавното претпријатие „Градски паркинг“ апелираат до граѓаните да го чуваат зеленилото и другите јавни површини, а возилата да ги паркираат на означените паркиралишта. – Апелираме сите корисници на услугите за паркирање, навреме да го регулираат плаќањето за паркинг-услугата, за да не бидат санкционирани и да не им биде поставен блокатор на тркалото. Плаќањето за паркинг-услугата може да се изврши преку СМС порака или со греб картичка, велат од Град Скопје

Казни за брзо возење, непрописно паркирање, нерегистрирани возила

Дарко Андоновски — Tue, 23 Apr 2019 06:57:06 +0000

Седум лица се полесно повредени во четири од вкупно осум сообраќајки евидентирани во изминатото деноноќие на подрачјето на СВР Скопје. Санционирани се 18 возачи кои се движеле со поголема брзина од дозволеното, исклучени се од сообраќај десет лица пред да се стекнат со право на возење, како и 11 нерегистрирани возила, две со претовар и едно технички неисправно. Изречени се 86 мерки за непрописно паркирање, а „пајакот“ подигнал 59 возила. Шестмина возачи поминале крстосница на црвео светло, петмина не носелесигурносен појас, 11 зборувале на мобилен, двајца се престроиле неправилно. Одделението за превенција при СВР Скопје денеска ќе реализира едукативни работилници од областа на сообраќајот во СУГС „Сарај“ во општина Сарај.

Над 130 казни за непрописно паркирање во Скопје

Ивана Ефремовски — Fri, 12 Apr 2019 06:37:22 +0000

Сообраќајната полиција изминатите 24 часа напишала 133 казни за непрописно паркирање, а со специјалното возило „пајак“ подигнати се 84 возила, покажува денешниот билтен на СВР Скопје. Од сообраќај исклучени се 20 возачи кои возеле пред да се стекнат со правото на управување моторно возило и еден возач почетник, како и 15 нерегистрирани возила и едно возило кое било претоварено. Санкционирани се и 36 возачи кои возеле побрзо од дозволеното. Изминатото деноноќие на подрачјето на Град Скопје се случиле вкупно седум сообраќајки од кои во четири се повредени пет лица, а во три е причинета материјална штета. Полицијата санкционирала и 20 возачи кои зборувале на мобилен телефон и 15 возачи кои не носеле сигурносен појас. Санкционирани се и девет возачи кои поминале на црвено светло, пет возачи кои не дале првенство на минување на пешаци на обележан пешачки премин, како и 11 возачи за неправилно престројување. Според полицискиот билтен, регистрирани се и четворица возачи на мотор, мопед или мотоцикл кои не носеле заштитен шлем. СВР Скопје информира дека денеска во рамки на проектот „Да ги заштитиме децата во сообраќајот“ ќе се реализираат едукативни работилници со ученици од второ и четврто одделение во ПОУ „Рајко Жинзифов“, а во текот на вчерашниот ден е реализирана посебна сообраќајна мерка со возачи кои направиле прекршоци по разни основи.