нереди – Kurir.mk

Петта ноќ по ред нереди во Франција, уапсени повеќе од 420 лица

Тале Кристо — Sun, 02 Jul 2023 09:06:52 +0000

Петтата ноќ на нереди поради полициската бруталност во француските градови доведе до апсење на најмалку 427 лица во текот на ноќта, јави ДПА. Париз, Марсеј и Лион беа меѓу најпогодените градови, со нереди, грабежи и оштетувања на имот. Сепак, министерот за внатрешни работи Жералд Дарманин денеска информира дека ноќта била помирна поради „решителната акција“ на полицијата. Премиерката Елизабет Борн посочи дека 45 илјади полицајци, жандарми и пожарникари биле распоредени низ Франција. -Соочени со насилство, тие покажуваат примерна храброст, напиша таа на Твитер. Во петокот беа уапсени 1.311, а повредени 79 полицајци, соопшти вчера француското МВР. Немирите беа предизвикани од фаталното пукање во вторникот во 17-годишен возач од страна на полицијата за време на сообраќајна контрола. Нереди избувнаа низ цела Франција, а исто така беа пријавени и на француски прекуморски територии, вклучително и Француска Гвајана во Јужна Америка и карипскиот остров Мартиник. Францускиот претседател Емануел Макрон вчера ја откажа својата државна посета на Германија планирана за следната недела со оглед на политичките нереди.

ПОЛИЦИЈАТА КОРИСТЕЛА СОЛЗАВЕЦ И ВОДЕНИ ТОПОВИ: Големи нереди по мечот во Катар – навивачи превртија автомобили (ВИДЕО)

Магдалена Андонова — Sun, 27 Nov 2022 19:52:12 +0000

Добро изјави пред некоклку дена Кевин де Брујне дека неговата Белгија веќе ни оддалеку не е фаворит за највисок пласман, затоа што неговата генерација која што се уште е на терен едноставно е престара за такво нешто. Тоа денеска на дело се покажа на дуелот со Мароко, кој Белгија го загуби со 2:0, а потоа во Брисел следуваше хаос и нереди поради лошиот резултат. Превртени автомобили, пожари, и неколку тепачки со полицијата се забележани и регистрирани низ градот, каде што очигледно навивачите не можат да се помират дека нивната репрезентација од број 1 во светот на ФИФА листата во еден момент, сега губи од просечни репрезентации.

Riots have broken out in Brussels, Belgium following the 2-0 defeat against Morocco. Hundreds of police officers have responded. Widespread destruction reported - De Standaard pic.twitter.com/tfSgwJJl0y
— Faytuks News Δ (@Faytuks) November 27, 2022

Изречена првата казна за нередите во Капитол Хил

Магдалена Андонова — Tue, 20 Jul 2021 09:59:29 +0000

Првата затворска казна за учество во немирите на 6 јануари, во Вашингтон, му беше изречена на Пол Алард Хоџкинс, од Флорида, пренесува Би-Би-Си. Тој во јуни се изјасни за виновен за немирите на Капитол Хил, со цел да ја попречи работата на Конгресот, и сега е осуден на осум месеци затвор. Обвинителството побара 18-месечна затворска казна, во образложението наведено дека Хоџкинс „придонел за колективна закана за демократијата“. Хоџкинс (38) пред судот во Вашингтон рече дека учеството во рацијата во Капитол е „глупа одлука“ и дека жали за „штетата предизвикана од инцидентот и начинот на кој е повредена оваа земја што ја сакам“. „Ако имав идеја дека протестите ќе ескалираат (какви што се) никогаш немаше да тргнам подалеку од тротоарот на авенијата Пенсилванија“, рече тој. Видеото го прикажува Хоџкинс во просторијата на Сенатот, облечен во маица од кампањата на Трамп, со очила околу вратот и знаме на Трамп закачено на рамото. Оваа реченица се очекува да биде репер за стотици претстојни немири во Капитол. Федералното биро за истраги (ФБИ) досега уапси повеќе од 535 лица за кривични дела на денот на немирите. Во нападот на Капитол Хил, стотици приврзаници на тогашниот претседател Доналд Трамп упаднаа во Конгресот во обид да спречат потврда за победата на Џо Бајден. За време на рацијата беа убиени пет лица, меѓу кои и еден полицаец во Капитол.

Повторно инциденти на грчко – турската граница

Ивона Петрова — Wed, 04 Mar 2020 08:12:52 +0000

Група бегалци и мигранти, собрани на турската страна од, веќе затворената, граница со Грција, со разни предмети ја нападнала грчката полиција во обид нелегално да влезат во земјата, објавија медиумите кај јужниот сосед, кои говорат за солзавец фрлен од турската кон грчката страна, јави дописничката на МИА од Атина. Според информациите во медиуми, инцидентите почнале кусо пред девет часот утрово, а грчката полиција на солзавецот од турска страна, одговорила исто така со солзавец. Во текот на вчерашниот ден, ситуацијата на грчко – турската граница беше релативно мирна, веројатно поради посетата на премиерот на Грција заедно со првите луѓе на европските институции.