нерегуларности – Kurir.mk

Митева: Во општина Гази Баба ревизијата изразила неповолно мислење за објективноста на финансиските извештаи за 2019 година

Тале Кристо — Sun, 21 Nov 2021 12:17:15 +0000

Во Општина Гази Баба се утврдени нерегуларности во ревизорскиот извештај за 2019 година. Станува збор за ревизија направена во период од 14.01.2021 до 23.04.2021 година, истакна на денешната прес-конференција Марија Митева, портпарол на ВМРО-ДПМНЕ. Во продолжение интегрален текст и видео од прес конференцијата на Митева: Ревизијата во конечниот извештај изразила неповолно мислење за реалноста и објективноста на финансиските извештаи за 2019 година и имаат дадено мислење со резерва за реалноста и објективноста на прикажаните состојби во финансиските извештаи и со тоа е констатирано дека не се почитуваат законите и прописите. Во ревизорскиот извештај е наведено дека во Општина Гази Баба исплатата на прекувремени часови на вработените се врши врз основа на налог за прекувремена работа и решение на градоначалникот за секое лице поединечно. Односно, во периодот од јануари до септември 2021 година на двајца службеници биле издавани наредби за вршење на работа преку полно работно време (прекувремена) работа и тоа првиот службеник 312 часа и вториот службеник 304 часа. Ова постапување на претходниот градоначалник на СДСМ е спротивно на членот 117 став 2 од Законот за работните односи во кој јасно е утврдено дека прекувремената работа може да трае најмногу 190 часа годишно. Согласно информациите, се работи за двајца службеници, за кои ревизијата утврдила дека потребата од прекувремена работа не била пријавена во државниот испекторат на трудот што е спротивно на член 117 од Законот за работни односи. Мислење со резерва или модифицирано мислење во ревизорски извештај се изразува кога ревизорот не се согласува или не е сигурен со една или повеќе ставки во финансиските извештаи, кои се значајни но не и суштински за разбирање на извештаите. Односно, ревизорот доаѓа до заклучок дека погрешните прикажувања, посебно или како целина, се материјални но не преовладуваат до степен кој има влијание врз состојбата изразена во финансиските извештаи во целина и кога ревизорот не е во можност да обезбеди ревизорски докази за да создаде мислење и можните ефекти од ваквата неможност врз финансиските извештаи се материјални. Ова е само еден од многуте примери како се злоупотребувале јавните функции од страна на СДСМ. Заради ваквото раководење со локалната самоуправа, СДСМ ги изгуби изборите. Градоначалниците на ВМРО-ДПМНЕ во својот мандат ќе ја покажат вистинската страна на способната и квалитетната администрација составена од компетентни луѓе кои ќе одговораат на потребите на граѓаните, рече Митева.

Регистрирани нерегуларности во повеќе градови: Од кинење и фотографирање на гласачко ливче до тепачки на изборни места

Магдалена Андонова — Sun, 17 Oct 2021 16:02:18 +0000

Во СВР Охрид околу 14,10 часот од претседател на избирачкиот одбор било пријавено дека на избирачко место бр.1884 во с.Октиси, струшко К.С.(67) од с.Октиси го искинал и го фрлил гласачкото ливче. Се преземаат мерки за расчистување на настанот. На 17.10.2021 во 14,40 часот во СВР Битола К.Н. член на избирачки одбор 1446 во с.Мажучиште пријавил дека А.С. го сликал гласачкото ливче. Се преземаат мерки за расчистување на настанот. На 17.10.2021 во 14,50 часот полициски службеници на СВР Тетово-Одделение за внатрешни работи Тетово го привеле Н.С.( 62) од гостиварско Речане, поради сомнение за учество во меѓусебна тепачка со друго лице во гостиварско Речане, која се случила во дворот пред Основното училиште „Лирија“, каде било сместено избирачкото место 528.Се расчистува случајот. Полициски службеници на СВР Тетово-Одделение за внатрешни работи Гостивар денеска (17 октомври) околу 14 часот и 30 минути го лишиле од слобода 36-годишниот З.А. од Гостивар, кој се сомничи дека на избирачкото место број 423, лоцирано во гостиварско СТОУ, со мобилен телефон го фотографирал гласачкото ливче.Се преземаат мерки за расчистување и документирање на случајот, по што ќе му биде изготвен соодветен поднесок.

„Излези и гласај“: Повеќе случаи на агитирање на самите избирачки места, сомнежи за вршење на притисок врз гласачите

Ивана Ефремовски — Sun, 17 Oct 2021 15:00:13 +0000

На голем број избирачки места, од страна на набљудувачите на „Излези и гласај“ се забележани повеќе случаи на агитирање на самите избирачки места, а постојат и сомнежи за вршење на притисок врз гласачите. -Исто така во текот на изборниот процес на повеќе избирачки места се забележани и проблеми со апаратите за земање на отпечаток од прст. Имено, станува збор за два конкретни проблеми: Кај дел од апаратите не може да се испринта потребната листа за старт на гласањето, додека кај другите е забележана неможност да се отчитаат биометриските податоци од прст. Поради сето ова забележани се недоразбирања и помали гужви пред избирачките места, се наведува во нивното соопштение. Од „Излези и гласај“ ги повикуваат надлежните институции задолжени за спроведување на изборите, а секако и органот задолжен за спроведување на законите да си ги вршат во целост своите должности и овластувања. -Воедно, ги охрабруваме граѓаните, сите евентуални нерегуларности да ги пријават кај надлежните државни органи или во нашата организација на следната електронска пошта: [email protected], со цел обезбедување на достоинствен демократски процес на изразување на волјата на граѓаните. На крајот, ги повикуваме граѓаните да го искористат своето уставно загарантирано право на глас и со своето учество да му дадат легитимитет на овој изборен процес, со цел демократски избор на локална власт, порачуваат тие.

ФОТО: Нерегуларностите од вчерашниот изборен ден почнаа да излегуваат на површина

Тале Кристо — Thu, 16 Jul 2020 10:47:36 +0000

Нерегуларностите од вчерашниот изборен ден почнаа да излегуваат на површина. Имено, советничката од редовите на ВМРО-ДПМНЕ во Град Скопје Светлана Колариќ на својот Фејсбук профил објави фотографија од записник на од избирачкото место 2788 во Кисела Вода на кое се гледа дека ВМРО-ДПМНЕ и коалицијата освоиле 200 гласови, СДСМ и нивната коалиција 87 гласови, а партијата Левица 43. Но она што загрижува, е фактот што на веб страницата на ДИК се објавени сосема поинакви резултати, односно дека СДСМ освоиле 255 гласови, а ВМРО-ДПМНЕ 233 гласови. Исто така вреди да се напомени дека во записникот од ова избирачко место стои дека партијата Левица освоила 43 гласа, а на страницата на ДИК внесени им се само 32 гласа.

Вака се гласа во Шутка: Организирано се собираат луѓе и се носат на гласање (ФОТО)

Дарко Андоновски — Sun, 05 May 2019 13:53:07 +0000

Огромни изборни нерегуларности во скопската општина Шуто Оризари, активисти на владејачката партија организирани во агитираат крај избирачките места. Во исто време, преку социјалните межи активистите на СДСМ организираат земање од дома на гласачи. – Од кај автобуската станица 19-ка има таксисти за носење луѓе да гласаат. Пишете ми во месенџер ќе дојдеме да ве земеме ако не можете да излезете да гласате поради дождот – пишува активист на СДСМ на фејсбук.

Се полнат ли кутии во Чаир, Сарај, Липково и Студеничани?

Ивана Ефремовски — Sun, 05 May 2019 12:45:41 +0000

Денес, на вториот круг од претседателските избори, симптоматичен е растот на излезноста во одредени општини, со мнозинство албанско население. Не е логично на овие изборни места денес да има повеќе гласачи од оние пред две недели, кога освен Силјановска Давкова и Пендаровски, кандидат беше и Блерим Река за кого гласаа голем дел од граѓаните од овие општини. Оправдано е да се постави прашањето: Дали се полнат кутиите во Чаир, Сарај, Липково и Студеничани? Во продолжение ги пренесуваме официјалните податоци од ДИК за излезноста во овие 4 општини, до 13 часот денес и до истиот период во првиот круг. Чаир денес до 13 часот: Чаир прв круг до 13 часот: Сарај денес до 13 часот: Сарај прв круг до 13 часот: Липково денес до 13 часот: Липково прв круг до 13 часот: Студеничани денес до 13 часот: Студеничани прв круг до 13 часот:

ВМРО-ДПМНЕ: Власта ја злоупотребува полицијата во изборни цели, ништо нема да го спречи народот кој тргна против оваа власт

Ивана Ефремовски — Sun, 05 May 2019 12:25:56 +0000

Власта ја злоупотребува полицијата во изборни цели. Од една страна се вршат незаконски притисоци врз набљудувачи, а од друга страна се замижува и не се реагира пред јавно агитирање или организирано носење на избирачи на гласачките места, обвинува портпаролот на ВМРО-ДПМНЕ, Наум Стоилковски. -Во Чешиново Облешево без никаква причина приведени се двајца набљудувачи на ВМРО-ДПМНЕ и тоа еден претседател на Општинскиот комитет како и еден поранешен кандидат за пратеник од оваа партија. Ова е класичен политички притисок и застрашување кое што ќе биде пријавено и до меѓународните набљудувачи. Од друга страна, од повеќе избирачки места низ земјава стигнуваат информации за недозволено агитирање, делење поткуп и организирано носење на гласачи. Вакви сомнителни појави засега се забележани во Шуто Оризари, во Прилеп, во Градско и во Ново Село. Загрижувачки е тоа што дел од овие дејствија се случуваат пред очите на службени лица кои воопшто не постапуваат, оставајќи впечаток дека се дел од организирано сценарио. Тука ќе додадам и нарушување на демократскиот амбиент на денот на гласање со закани и заплашувања кои се прават врз медиуми кои што не се под диктат на власта, истакна тој. Стоилковски порачува дека ВМРО-ДПМНЕ најостро ги осудува овие делувања и бара од МВР да преземе соодветни дејства. -Фер и демократски избори се вредност без која што нема европска иднина. Овие и за сите други обиди на власта за притисок и репресија спротивни на демократските процеси на изборен ден се евидентираат и за тоа ќе бидат известени сите меѓународни институции. Ниедна манипулација, репресија, закана и уцена нема да го спречи народот кој што тргна против оваа власт и нејзиниот марионетски кандидат. Потребата од Правда и рушење на неправдите е тоа што го води народот на овие избори и се знае кој е победник и следен претседател на Република Македонија, порача тој.

Лидер објави ексклузивни фотографии: Еве како се фалсификуваше референдумот

Предраг Кукиќ — Tue, 02 Oct 2018 12:04:31 +0000

Порталот Лидер објави ексклузивни фотографии од како што велат, изборни нерегуларности за време на гласањето на референдумот во неделата. Редакцијата на „Економски Лидер“, утринава, пронашле УСБ пред вратата во кое имало фотографии од групно гласање во едно избирачко место, кое очигледно е од албанската етничка средина. Во описот на фотографиите, свиркачот вели дека кога го напуштале параванот гласачите ставале во кутијата и по 10 ливчиња. -Ќе излезеа двајца или тројца од параванот и во кутијата ставаа 10 ливчиња. Потоа претседателот на избирачкиот одбор го кинеше истиот број на ливчиња од кочанот и ги даваше на човек кој ги носеше надвор – стои во описот. ЦЕЛАТА ГАЛЕРИЈА ТУКА

Ден полн со фалсификување на волјата на граѓаните: Во Сарај се гласало на секој 14 секунди, а во Прилеп се поткупуваа Роми

Дарко Андоновски — Mon, 01 Oct 2018 09:33:30 +0000

Власта е немоќна и се дрзнува кон фалсификување на волјата на граѓаните. Постојат сериозни индиции за полнење на гласачки кутии во Општина Сарај, поточно во Ласкарци и во Радуша, ова вчера го напиша генералниот секретар на ВМРО-ДПМНЕ Игор Јанушев на својот Фејсбук профил. -Има драстично зголемена излезност до 15 часот, дури поголема во текот на целиот изборен ден споредено со минатите избори во 2017-та година, јас зборувам со факти: ИМ 2455 Вкупен бр. На гласачи 656 11ч. Гласале: 46 13ч. Гласале: 142 15ч. Гласале: 409 Во 2017г на локални избори гласале вкупно 397. ИМ 2458/1 Вкупен бр. На гласачи 471 13ч. Гласале: 74 15ч. Гласале: 381 Во 2017г на локални избори гласале вкупно 174. ИМ 2450 Вкупен бр. На гласачи 923 11ч. Гласале: 46 13ч. Гласале: 380 15ч. Гласале: 620 Во 2017г на локални избори гласале вкупно 527. ИМ 2430 Вкупен бр. На гласачи 809 11ч. Гласале: 130 13ч. Гласале: 433 15ч. Гласале: 490 Во 2017г на локални избори гласале вкупно 401. Порачувам власта да ги тргне рацете од народот и да остави по сопствено убедување на постапи. После сето ова сум повеќе од убеден дека Македонија ќе победи. И оваа кражба на народната волја ниту оние закани и уцени нема да поминат, додава Јанушев. Инаку вчерашниот ден беше преполн со нерегуларности, а дел од нив беа и терањето на граѓаните од страна на СДСМ да излезат да гласаат преку телефонски повици и пораки.

ВИДЕО: СДСМ со телефонски разговори и пораки ги тера граѓаните да гласаат на референдумот

Притисоци од СДСМ до гласачите да гласаат на референдумот. ВМРО-ДПМНЕ објави телефонски разговор и СМС порака од насоките кои до граѓаните пристигнуваат до граѓаните. Во телефонскиот разговор женски глас кој се претставува како лице кое се јавува од главниот штаб на СДСМ, потсетува граѓанин доколку не излегол на гласање, да излезе, на што тој прашува што добил тој од партијата.

ЛИДЕР: Ромите во Прилеп ги носат организирано на гласање со државни комбиња

Порталот Лидер објави фотографии на кои според порталот се гледа дека со комбињата со кои се превезуваат учениците во Општина Прилеп, се врши организиран превоз на населението од ромските населби на гласање. Како што објави Лидер организатор е поранешен координатор на СДСМ Прилеп, и сегашен член на Управен Одбор во Телеком.

МВР информира за нови попречувања и инциденти во гласањето

На еден час пред затворање на гласачките кутии, МВР информира за седум попречувања на гласањето на неколку избирачки места. Во текот на денот од полицијата соопштија за уште 13 инциденти за време на гласањето: Во СВР Скопје било пријавено дека во село Горно Коњаре, скопско, набљудувач враќал луѓе кои оделе на гласање. Полициски службеници излегле на местото на настанот и се преземаат мерки за расчистување на случајот. Во Полициската станица Берово женско лице телефонски пријавило дека околу 11:30 часот пред влезот на гласачкото место број 8 во село Будинарци, беровско, имало симпатизери на политичка партија кои вршеле притисок и ги спречувале граѓаните да гласаат, а исто така и неа вербално ја навредувале. По преземени мерки не се пронајдени лица опишани во пријавата. Се преземаат мерки за расчистување на случајот. Во СВР Охрид било пријавено дека во 15:30 часот на гласачките места бр.1280 и 1281/1 на улица „Марко Цепенков“ во Охрид биле забележани две лица како неовластено фотографираат гласачи. Во врска со настанот во Полициската станица Охрид е извршен разговор со Б.Л.(41) со живеалиште во Австралија. Се работи на расчистување на случајот. Во Полициската станица Свети Николе било пријавено дека во времето од 8 до 9 часот во село Лозово, пред штаб на политичка партија, Б.Ц. претседател на општинскиот комитет на партијата, го запрел и фотографирал лицето С.З. кое одело на гласање. Се преземаатмерки за расчистување на случајот. Во СВР Струмица било пријавено дека на каналот YouTube биле објавени снимки од гласачкото место 17:30 во основното училиште „Никола Вапцаров” во Струмица. По преземени мерки било констатирано дека снимката била направена од акредитирани новинари. Се работи на расчистување на случајот. Во 15:20 часот, Х.Б. пријавил дека на гласачко место број 2593 во средното училиште „Лазар Таневски“ од страна на лицето А.А., домашен набљудувач, била фотографирана И.Ѓ.. А.А. е приведен во Полициската станица Карпош за понатамошна постапка. Во СВР Штип било пријавено дека на гласачкото место 2247 во основното училиште „Димитар Влахов“ во Штип, Ф.Д.(неписмено лице) гласала со помош на Д.Г.. По ова, нејзиниот сопруг Џ.Д. и го скинал гласачкото ливче. Претседателот на Избирачкиот одбор побарал интервенција од полицијата. Џ.Д. бил лишен од слобода и приведен во Полициската станица Штип, а неговата сопруга заедно со преставник на невладина организација на гласачкото место биле повикани на разговор во Полициската станица Штип. Се работи на расчистување на случајот.

Бројките носат сомнежи за големи нерегуларности: Дали се полнат кутии во општина Сарај?

Матеја Петровски — Sun, 30 Sep 2018 15:51:12 +0000

Сериозни сомнежи за полнење на гласачки кутии има во четири избирачки места во општина Сарај. На социјалните мрежи многумина пишуваат за сомнежи дека се полнат кутии во неколку места низ државата, меѓу кои е и Сарај. А тоа го кажуваат и самите бројки. Имено, на избирачкото место 2455 во оваа општина од вкупниот број на 656 гласачи, до 11 гласале 46 гласачи, до 13 часот 142, а драстичен раст пак има до 15 часот, кога бројот на излезени бил 409 гласачи. Ова предизвика големи сомнежи во јавноста за можни нерегуларности, поради тоа што во 2017 година на локалните избори, за целиот изборен ден излезени беа 397 гласачи. Уште почудна е ситуацијата во Избирачкото место 2458/1, каде во 2017-та вкупно гласале 174 гласачи, додека пак до 15 часот гласале повеќе од двојно повеќе, 381 гласач, додека пак состојбата во 13 часот била 74 гласачи. На избирачкото место 2450, пак до 11 часот гласале 46 гласачи, во наредните два часа пак до 13 часот бројката на гласачи расте на 380 излезени. Бројката на излезени гласачи до 15 часот пак е за нешто помалку од 100 повеќе од целиот изборен ден на локалните избори во 2017-та година. Сега излезени се 620 гласачи, а тогаш биле 527. Во избирачкото место 2430, пак до 11 часот биле излезени 130 гласачи, до 13 часот 433, а до 15 часот 490 гласачи. Вкупниот број на излезени во ова избирачко место во 2017-та бил 401 гласач. За инциденти во Сарај на пресот одржан пред кратко време говореше и претседателот на ДИК, Оливер Дерковски, кој кажа дека нема приговор се уште од таков тип, но дека бил задолжен претседателот на Општинската изборна комисија.