нерешено – Kurir.mk

СП2022: Мексико и Полска одиграа нерешено, Левандовски промаши пенал

Тале Кристо — Tue, 22 Nov 2022 18:18:23 +0000

Првото коло во рамки на групата Ц на Светското првенство во Катар е комплетирано вечерва со дуелот меѓу Полска и Мексико што заврши нерешено 0-0 на стадионот „974“ во Доха. Најголемата шанса за постигнување гол ја имаше Полска преку својот капитен и голгетер Роберт Левандовски, но неговиот удар од белата точка во 58. минута го одбрани мексиканскиот голман Гиљермо Очоа. Претходно денеска во рамки на воведното коло во групата Ц, Саудиска Арабија со пресврт ја шокираше Аргентина, совладувајќи го големиот фаворит со 2-1 (0-1). Второто коло во оваа група е на програмата в сабота, кога Аргентина ќе игра против Мексико, а Полска против Саудиска Арабија.

Македонските надежи до 18 години одигра нерешено со Романија

Тале Кристо — Tue, 09 Aug 2022 17:33:49 +0000

Македонската репрезентација составена од фудбалери до 18 години денеска го одигра првиот од двата контролни меча против соодветната селекција на Романија. На тренинг центарот Буфтеа резултатот беше 1:1. Голот за нашата репрезентација го постигна Никола Величковски во 65. минута. Романците изедначија по осум минути игра. Македонскиот селектор Тони Јакимовски на овој натпревар шанса да настапат им даде на: Петар Јакимов, Хадис Таири, Марко Стојилевски, Даниел Марковски, Кире Стојанов, Зани Назифи, Адриан Зенделовски, Алекс Митров, Андреј Аризанкоски, Теодор Николовски, Фиктрет Ливорека.

Македонските фудбалери до 19 години одиграа нерешено против Црна Гора

Тале Кристо — Thu, 15 Apr 2021 12:33:44 +0000

Македонската фудбалска репрезентација составена од фудбалери до 19 години, одигра нерешено 1:1 против соодветната селекција на Црна Гора во рамките на вториот контролен меч попладнево на тренинг центарот „Петар Милошевски“. Избраниците на селекторот Влатко Гроздановски поведоа во 36. минута со голот на Бехар Фета. Конечните 1:1 ги постави Виктор Џукановиќ во 80. минута. На овој натпревар македонската репрезентација беше ослабната со неиграњето на неколку стандардни првотимци. На првиот меѓусебен дуел одигран пред два дена, Македонците победија со 2:0.

Дешан разочаран од ремито со Украина

Тале Кристо — Thu, 25 Mar 2021 07:22:35 +0000

Селекторот на француската фудбалска репрезентација, Дидие Дешан, по ремито со Украина (1:1) на стартот во квалификацискиот за Мундијалот 2022 година, призна дека е разочаран од резултатот. -Требаше да ја обезбедиме победата уште во првото полувреме имајќи предвид колку шанси создадовме. Во второто полувреме стана потешко. Примениот гол можеше да се избегне. Како и да е, се боревме до крај. Секако, сега сме разочарани, изјави Дешан. И другиот натпревар од 1. коло во Д-групата заврши нерешено: Босна и Херцеговина – Финска 2:2. Слободен на стартот беше Казахстан.

Манчестер јунајтед го повтори својот рекорд во реми без голови

Тале Кристо — Thu, 04 Mar 2021 09:23:27 +0000

Манчестер јунајтед вчеравечер одигра нерешено 0:0 со Кристал Палас во натпревар од 29. коло на Англискиот фудбалски шампионат. За тимот на Оле Гунар Солскјер ова реми без голови беше шесто оваа сезона. Јунајтед има најмногу ремија без постигнат гол во однос на било друг тим во Премиерлигата. Покрај тоа, Манчестер јунајтед го повтори својот рекорд во сезоните 2004/05 и 2016/17 кога исто така имаше шест нерешени средби со 0:0. По 27 кола во Премиер лигата, Јунајтед е втор на табелата со 51 бод, 14 помалку од лидерот Манчестер сити.

Шкупи и Вардар одиграа нерешено во дербито на колото

Тале Кристо — Wed, 09 Dec 2020 14:25:55 +0000

Без победник 1:1 заврши дерби натпреварот од 16. коло во Првата македонска фудбалска лига одиграно попладнево во Скопје меѓу екипите на Шкупи и Вардар. Дарко Мицевски во 77. минута го донесе Вардар во водство, домаќинот изедначи преку Дембо Дарбо во 89.минута. Резултати на другите натпревари од ова коло одиграни попладнево: Академија Пандев – Борец 2:1 Македонија ЃП – Пелистер 2:1 Работнички – Ренова 3:1 Шкендија – Беласица 2:0 Силекс – Струга Трим Лум 0:0. Табела: Шкендија 36 бодови, Шкупи 32, Македонија ЃП 32, Силекс 22, Струга Трим Лум 22, Борец 22, Вардар 21, Работнички 21, Ренова 15, Академија Пандев 14, Пелистер 12, Беласица 9.

Македонија и Естонија одиграа нерешено

Тале Кристо — Sun, 11 Oct 2020 19:40:11 +0000

Македонската фудбалска репрезентација одигра нерешено со резултат 3:3 против Естонија во натпреварувањето на „Лигата на нации“. Македонската фудбалска репрезентација се спаси од пораз на гостувањето кај Естонија завршувајќи го натпреварот со три три, откако претходно во текот на мечот резулатотот беше три еден во полза на Естонците. Македонските фудбалери поведоа со смешен автогол на домаќините, а потоа примија три гола по што во самиот крај спасија бод, а промашија и удар од белата точка. Со овој нерешен резултат Македонија сега има 5 бодови и останува на делба на првата позиција во групата заедно со Грузија што одигра 2:2 на гостувањето кај Ерменија (на неутрален терен). Токму Грузија е нашиот следен противник, во среда од 20:45 на Арената „Тоше Проески“ во Скопје. Инаку, Грузијците ни се противници и во историското финале за пласман на Европското првенство што би бил прв настап на Македонија на едно такво големо натпреравување. Натпреварот ќе се игра на 12-ти ноември во Тибилиси.

Премиера: Барселона и Еспањол одиграа нерешено

Тале Кристо — Sun, 05 Jan 2020 08:28:09 +0000

Иако важеше за огромен фаворит, тимот на Барселона одигра само 2:2 со последно пласираната екипа на табелата во Примера, Еспањол на синоќешното градско дерби. Каталонскиот гигант пропушти шанса да ја врати разликата во однос на Реал Мадрид, па сега двете екипи на точно половина од сезоната (по 19 кола) се изедначени на врвот на табелата со по 40 бода. По нив следува Атлетико Мадрид со 35 кој синоќа го совлада Леванте со 2:1. Кругот на најсериозни претенденти за титулата се затвора со Севиља која исто како и Атлетико на половина од првенството собра 35 бода.

ВИДЕО: Продолжува црната серија на италијанската фудбалска репрезентација

Дарко Андоновски — Thu, 11 Oct 2018 07:22:59 +0000

Фудбалската репрезентација на Италија не успеа да забележи победа ниту на петтиот натпревар по ред, откако синоќа во Џенова одигра нерешено 1:1 со Украина. Стрелци на пријателскиот дуел беа Федерико Бернардески во 55. минута за домаќините и Руслан Малиновски во 62. минута за Украинците. Италија ваква серија од пет средби без победа нема уште од сезоната 2011/12. Следна шанса да ја прекинат црната серија „Азурите“ ќе имаат в недела кога гостуваат во Полска во дуел од Лигата на нации.