нерези – Kurir.mk

ГОЛЕМА ПОЛИЦИСКА АКЦИЈА ВО АРАЧИНОВО, НЕРЕЗИ И РАДУША: Се апсат нарко дилери, запленета е и дрога

Тале Кристо — Fri, 01 Apr 2022 08:30:08 +0000

Во голема полициска акција која почнала утрово и се уште трае на повеќе локации во скопско, меѓу кои, Арачиново, Нерези, Радуша и други, запленет е коакин и марихуана, а се апсат и нарко дилери организирани во криминални групи. Од МВР потврдија дека во тек е акција, а детали најавуваат по завршувањето.

ФОТО: Избувна пожар во автобус на ЈСП во Нерези

Магдалена Андонова — Fri, 25 Mar 2022 11:30:15 +0000

Во претпладневните часови на последната автобуска станица во населбата Нерези избувна пожар во автобус број 57. Командирот на противпожарната бригада Скопје, Ѕвонко Томевски во изјава за Курир вели дека пријавата кај нив била во 12 часот. -Пожарот е пријавен во автобус на ЈСП на улица „Козле“. Во моментот автобусот бил празен без патници, само што се паркирал. Пожарот избувнал во делот кај што се наоѓа моторот и има само материјална штета. Повредени лица нема. Интервернирано е со едно противпожарно возило и 4 пожарникари, вели Томевски за Курир. Нашата редакција стапи во контакт и со МВР. - Настанал пожар во автобус, пожарот е изгаснат. До сега немаме пријава за повредени лица, доколку имаме повеќе детали подоцна ќе ве информираме, изјавија од МВР за Курир. Редакцијата на КУРИР контактираше со одговорните лица ЈСП кои наскоро ќе споделат повеќе детали околу овој настан.

Млад скопјанец истепан во Нерези

Магдалена Андонова — Fri, 04 Mar 2022 16:34:53 +0000

На 04.03.2022 во 02.40 часот во Полициската станица Карпош, Е.Ф.(28) од Скопје пријавил дека на 03.03.2022 околу 23.00 часот на автобуска постојка во населба Нерези бил физички нападнат од Д.Ш. Се преземаат мерки за расчистување на случајот.

ВАКА СЕ САКА МАКЕДОНИЈА: Скопско Нерези вечерва „гореше“ во чест на роденденот на нашата татковина (ВИДЕО)

Дарко Андоновски — Tue, 07 Sep 2021 20:24:43 +0000

Додека Македонија утре го прославува роденденот на нашата татковина, вечерва по тој повод буквално „гореше“ скопско Нерези. Жителите на населбата Нерези вечерва го прославија роденденот на нашата земја Македонија на комитски начин. На видеото може да се забележи дека жителите се наредени низ целото спортско игралиште и во исто време ги палат баклите во чест на празникот 8 септември. На крајот од видеото има и огномет со кој тие уште еднаш докажаа како се сака нашата татковина МАКЕДОНИЈА. Инаку претходно на социјалните мрежи се појави фотографија од графит кој е нацртан на игралиштето во скопската населба Нерези. На графитот беше напишано името Македонија и беа нацртани ликовите на најголемите македонски револуционери. Најинтересното беше што жителите на Нерези сами си го нацртале овој графит.

НЕПОКОР: Графит „МАКЕДОНИЈА“ во Нерези (ФОТО)

Магдалена Андонова — Wed, 25 Aug 2021 09:53:34 +0000

На социјалните мрежи се шири фотографија од графит кој е нацртан на игралиштето во скопската населба Нерези. На графитот е напишано името Македонија и се нацртани ликовите на најголемите македонски револуционери. Најинтересното е што жителите на Нерези сами си го нацртале овој графит. Секоја чест за нережани.

Скопско Нерези отсечено од Карпош- градоначалникот Богоев ја заборави Козле 3, додека цел ден се фали дека надлежните се на терен! (ФОТО)

Дарко Андоновски — Sat, 13 Feb 2021 18:01:41 +0000

Општина Карпош очигледно манипулира со граѓаните на оваа општина, особено со жителите на улицата Козле 3 во скопско Нерези. И Додека општината се „испофали“ денеска дека зимската служба денеска ги извршува своите активности, ситуацијата на терен е сосема друга.

Активности на зимската служба за справување со снегот. ❄️👇 Posted by Општина Карпош on Сабота, 13 февруари 2021

Не само општината и Богоев самиот се пофали дека се преземаат сите активности во општината и дека надлежните поминале во Козле, Жданец, Трнодол и Бардовци, додека ситуацијата во Нерези е сосема поразлична.

Зимската служба од рано утринава распрскува емулзиона течност, за да не заледи коловозот по повисоките места во Карпош:... Posted by Stefan Bogoev on Сабота, 13 февруари 2021

Вечерва снегот не само што ја натрупа улицата туку и ги отсече жителите на оваа населба недалеку од Скопје.

Стоилковски: Венко Филипче и Илир Хасани како главни ликови во “Шпанско Село 2” мора да одговорат на многу прашања за кои што тврдеа дека се “лажни вести”

Магдалена Андонова — Fri, 06 Nov 2020 18:30:50 +0000

Антикорупциска го чешла Водно! Венко Филипче и Илир Хасани како главни ликови во "Шпанско Село 2" мора одговорат на многу прашања за кои што тврдеа дека се "лажни вести". За жал, овој "градежен пар" министер- директор, во меѓувреме е унапреден во министер и негов заменик, стои во Фејсбук статусот на Наум Стоилковски, портпаролот на ВМРО-ДПМНЕ. - Да потсетам, двајцата се партнери на куп споени плацеви на Водно со трет партнер, инаку редовен добитник на милионски тендери во здравството. Така, "Касарната на Филипче", прерасна во "Шпанско Село 2", а сега во предмет на ДКСК. Се надевам на побрз развој на предметот од досегашниот, и секако побрз од случајот Леонардо за Генералниот секретар на Владата Рашковски, пишува тој.

ДКСК отвори предмет за имотот во Нерези со кој се поврзуваше Филипче

Магдалена Андонова — Fri, 06 Nov 2020 18:15:04 +0000

Државната комисија за спречување на корупцијата чека информации од општина Карпош за предметот „Шпанско село 2“ за евентуална поврзаност на министерот за здравство Венко Филипче и семејството на неговата сопруга, на директорот на Синерџи медикал Горан Филипов, како ко-сопственици на имотот во Нерези, по што ќе се произнесе за овој предмет, пренесува Фокус.мк Со овој предметот е поврзано и работењето на Илир Хасани – сега актуелен заменик министер, а претходно директор на Ургентниот центар. – Средствата за инвестиции во објекти и опрема во Јавни здравствени установи се обезбедуваат од буџетот на Министерството за здравство, но техничките спецификации и документи клиниките сами ги изработуваат, без учество на министерството. При оцена на прифатливоста на понудите не учествувале вработени во министерството, ниту министерот, изјави претседателката на ДКСК, Билјана Ивановска. Извршен е увид во електронскиот систем за јавни набавки, посочи таа, при што констатирано е дека во периодот 2018 до 2020 година министерството за здравство доделило 122 договори за јавна набавка во име на други здравствени установи, додека економскиот оператор Синерџи медикал во истиот период склучил 129 договори за јавна набавка со јавни здравствени установи ширум републиката, што укажува дека овој економски оператор во континуитет добива договори. – По извршен увид во тендерската документација на клиниката, се утврди дека техничките документации и критериумите од тендерската набавка се изработени согласно закон. Од страна на клиниката спроведен е технички дијалог, а евалуацијата на понудите е согласно законските одредби. Од тој аспект не успеавме да најдеме ништо незаконски во тендерските постапки, изјави Ивановска. Во однос на градежните плацови, поднесено е барање до општина Карпош инспектори да излезат на терен и утврдат дали и како се гради на тоа земјиште, за што ќе биде известена јавноста по добивање на информации. Оваа афера ја обелодени опозициската ВМРО-ДПМНЕ и тие обвинија дека семејството на сопругата на министерот Филипче, Савевски и Горан Филипов од „Синерџи“ се сопственици и сосоптвеници на 13.506 м2 во месноста Рупе под Нерези, од кои Савевски се сопственици на 6.164 m2, имот купуван од 2012 година до 2019 година. Освен со газдата добитник на тендери од министерството за здравство, ВМРО-ДПМНЕ, обвинува дека смејството на Филипче било коспоственик и со директорот на Ургентен центар, Илир Хасани на друга парцела во Нерези.

Гори кај Нерези

Магдалена Андонова — Thu, 20 Aug 2020 16:53:22 +0000

Густ чад се крева над Нерези за што сведочат и фотографиите во прилог. Наскоро повеќе детали за пожарот кој ги вознемири скопјани.

Без вода населбите Козле, Жданец, Трнодол и Нерези

Магдалена Андонова — Wed, 08 Jul 2020 08:54:33 +0000

Од јавното претпријатие „Водовод и канализација“ информираат дека поради дефект на улицата „Лесновска“ бб (влезот на Трнодол), со прекинато водоснабдување ќе бидат и корисниците на дел од населба Козле (висока зона), Жданец, Трнодол и Нерези. Водоснабдувањето ќе биде прекинато од 10:00 до завршување со активностите.