Како всушност убива хемиското оружје?

Даниел Василев — Tue, 10 Apr 2018 10:44:03 +0000

Најмалку 70 луѓе загинаа пред два дена во наводен напад со хемиско оружје на град под контрола на сириските бунтовници, Дума, соопштија спасувачи и лекари. Очевидци велат дека хеликоптер фрлил буриња-бомби во кои имало нервен гас-сарин. Гасот од хлор е моќно средство кое може да предизвика големи штети на човечкото тело. Како што што паѓа на земјата и го заменува воздухот моѓе да ги загрози и луѓето кои во моментот се под земја. Само мала количина на сарин може да биде смртоносна. Саринот е дефинитивно најопасниот нервен агенс, а ова се неколку важни факти кои треба да се знаат за него: -Развиен е во Германија во 1938 година како пестицид -Сусптанцата е слична на инсектицидите, но е многу посилна -Проѕирна е, нема боја и мирис и може лесно да се раствори во вода -Брзо испарува во густ гас кој најдобро се шири во пониските подрачја, а е најагресивен од сите нервни агенси. -Може да биде во облик на бомба -На луѓето им влијае така што ги напаѓа кожата, очите, белите дробови, а извор на труење може да биде и облека, како и храна -Сарин е користен во терористички напади во Јапонија во 1994. и 1995. година -Во 2013. година за време на наколку напади во Сирија сарин користеше и режимот на Башар ал Асад Зошто саринот е толку смртоносен? Нервните агенси ги напаѓаат холинергичните рецептори, кои се користат за пренесување сигнал меѓу мозокот и мускулните ткива. Хемикалијата во саринот специфично ги пренасочува ензимите кои поминуваат меѓу нервните и мускулните ќелии, така што ги тера мускулите постојано да се грчат. Таквата состојба доведува до парализирање на жртвите, престанок на дишењето, предизвикување на конфузија, а сето тоа во поголемиот дел од случаи доведува до смрт.

РТ може да ја изгуби лиценцата во Британија поради нападот со нервен агенс врз екс шпион

Ивона Петрова — Tue, 13 Mar 2018 18:55:51 +0000

Британското регулаторно тело за медиуми Офком соопшти дека руската телевизија РТ може да ја изгуби лиценцата за емитување програма во Велика Британија, поради нападот со нервен агенс врз поранешниот руски шпион Сергеј Скрипал.

Таа телевизија, зад која стои Кремљ е константо на мета на критика на Офком, поради кршење на стандардите за непристрасност, а некои британски пратеници повикаа на нејзино затворање.

Двојниот агент Скрипал и неговата ќерка Јулија минатата недела беа пронајдени онесвестени на клупа во англискиот град Солзбери, а и натаму се во критична состојба.

Офком соопшти дека писмено ја предупредиле компанијата АНО ТВ Новости, која ја поседува лиценцата на РТ во Велика Британија, дека ако се покаже оти Русија стои зад нападот на Скрипал, ќе го смета тоа за релевантно за проценка на програмата на телевизијата РТ.

Велика Британија и даде рок на Русија до вечерва на полноќ да објасни, како нервниот агенс, развиен во поранешен Советски Сојуз, стигнал во Солзбери, и и се закани со контра мерки ако Москва не го исполни тој ултиматум.

нервен агенс – Kurir.mk

Како всушност убива хемиското оружје?

РТ може да ја изгуби лиценцата во Британија поради нападот со нервен агенс врз екс шпион