нервоза – Kurir.mk

Дали вашиот партнер постојано ве нервира? Научниците открија зошто е тоа така!

Ивана Ефремовски — Mon, 30 Jan 2023 11:55:08 +0000

Заклучокот од истражувањето објавено во списанието „Social Psychological and Personality Science“ е дека, кога сме под стрес, се фокусираме на негативните квалитети на нашите партнери, а не на позитивните. Минатите студии покажаа како животниот стрес може да влијае на односот со партнерот, но и на нашето однесување. Се истакнува како стресниот живот може да влијае на тоа како партнерите комуницираат и гледаат еден на друг. Но, оваа студија нагласува уште една работа: Стресот може да влијае и на она што прво го забележуваме, како на пример вашиот партнер да биде досаден, критикуван и нетрпелив. -Откривме дека луѓето кои постојано искусуваат многу стрес надвор од врската, како проблеми на работа, почесто забележуваат негативни работи за својот партнер, вели д-р Лиза Неф. За време на студијата, Неф и колегите следеле 79 нововенчани хетеросексуални партнери кои 10 дена пополнувале прашалници секоја вечер и го снимале нивното и однесувањето на нивниот партнер. Пред студијата, тие исто така го кажаа своето мислење за количината на стрес во нивните животи. Откриле дека оние кои неодамна поминале низ стресен период се особено свесни за секојдневните промени на нивните партнери во вид на негативно однесување и веруваат дека нивниот партнер внесува негативност во врската во тие 10 дена, доколку резултатите се споредат со испитаници кои не се под стрес. Новите парови ќе се фокусираат на позитивното однесување, а не на негативното однесување на нивните партнери, но тоа трае се додека трае фазата „меден месец“. Истражувањето открива дека еден стресен ден нема да влијае на фокусирањето на личноста на негативните особини на партнерот. Станува збор за акумулиран стрес кој често ќе влијае на промената на правецот на вниманието. За многу луѓе, изминатите години беа многу тешки, а стресот поврзан со пандемијата сè уште е присутен. Ако партнерите под стрес се фокусираат на негативните аспекти на партнерот, тоа сигурно ќе влијае на врската.

Дали партнерот постојано ве нервира? Научниците открија зошто е тоа така

Ристе Здравков — Mon, 30 Jan 2023 08:46:19 +0000

Заклучокот од истражувањето објавено во списанието „Social Psychological and Personality Science“ е дека, кога сме под стрес, се фокусираме на негативните квалитети на нашите партнери, а не на позитивните. Минатите студии покажаа како „животниот“ стрес може да влијае на односот со партнерот, но и на нашето однесување. Таа истакнува како стресниот живот може да влијае на тоа како партнерите комуницираат и гледаат еден на друг. Но, оваа студија нагласува уште една работа; стресот може да влијае и на она што прво го забележуваме, како на пример вашиот партнер да ве нервира, да критикува и да нема трпение. – Откривме дека луѓето кои постојано искусуваат многу стрес надвор од врската, како проблеми на работа, почесто забележуваат негативни работи за својот партнер – вели д-р Лиза Неф. За време на студијата, Неф и колегите следеле 79 нововенчани хетеросексуални партнери кои 10 дена пополнувале прашалници секоја вечер и го бележеле нивното и однесувањето на нивниот партнер. Пред студијата, тие исто така се изјасниле и за количината на стрес во нивните животи. Откриле дека оние кои неодамна поминале низ стресен период се особено свесни за секојдневните промени на нивните партнери во вид на негативно однесување и веруваат дека нивниот партнер внесува негативност во врската во тие 10 дена, доколку резултатите се споредат со испитаници кои не се под стрес. Новите парови ќе се фокусираат на позитивното однесување, а не на негативното однесување на нивните партнери, но тоа трае се додека трае фазата на „меден месец“. Истражувањето открива дека еден стресен ден нема да влијае на фокусирањето на личноста на негативните особини на партнерот. Се работи за акумулираниот стрес кој често ќе влијае на промената на правецот на вниманието. За многу луѓе, изминатите години беа многу тешки, а стресот поврзан со пандемијата сè уште е присутен. Ако партнерите под стрес се фокусираат на негативните аспекти на партнерот, тоа сигурно ќе влијае на врската.

Стресот и нервозата не се решаваат со само една прошетка: Овие природни лекови ќе ви помогнат да ги смирите нервите

Ристе Здравков — Mon, 08 Aug 2022 10:00:28 +0000

Ако се чувствувате нервозни, користете екстракти од овие растенија. Во тоа можат да ви помогнат природните средства за смирување, кои го ослободуваат телото од стрес и обезбедуваат мирен сон. Некои од најчесто користените билни екстракти за ублажување на стресот, напнатоста и нервозата се маточина, пасифлора и глог. Пасифлора Придонесува за нормална функција на нервниот систем, нормална психолошка функција и скратување на времето потребно за човек да заспие. Екстрактот од билка од пасифлора содржи флавоноиди, гликозиди и есенцијално масло и се препорачува за состојби на општа возбуда, напнатост, хистерија, отежнато заспивање. Матичник Помага да се одржи позитивното расположение и да се зачува менталната и физичката благосостојба, придонесувајќи за релаксација и добро когнитивно функционирање. Екстрактот од лист од маточина содржи есенцијални масла, флавоноиди, фенолни киселини, тритерпенски соединенија, активни состојки кои покажуваат седативни и антиоксидантни својства. Глог Придонесува за нормална функција на срцето и кардиоваскуларниот систем, како и за нормална функција на дигестивниот тракт. Консумацијата на глог позитивно влијае на симптомите како што се брз замор, отежнато дишење при напор, летаргија, кашлица и намалена способност за изведување различни физички активности. Екстрактот од овошје од глог содржи флавоноиди, ароматични амини, гликозиди и се користи како традиционален хербален лек за ублажување на привремени симптоми на срцеви проблеми (алпитација, чувство на забрзано отчукување на срцето поради блага анксиозност) во случаи кога се исклучени сериозни медицински состојби и се користи и за ублажување на благи симптоми на ментален стрес и како помош при заспивање. Покрај овие растителни екстракти, состојки кои исто така можат да бидат корисни за релаксирање на нервниот систем, односно полесен почеток на сонот и зачувување на неговиот квалитет се магнезиумот и мелатонин. Магнезиумот е суштински минерал неопходен за развој на сите важни биолошки процеси во телото, вклучително и производство на клеточна енергија, мускулна контракција, пренос на нервни импулси и регулирање на васкуларниот тонус. Магнезиумот придонесува за нормална психолошка функција, нормално функционирање на нервниот систем и мускулите, намалување на замор и исцрпеност. Мелатонин е главниот хормон на епифизата и е одговорен за регулирање на деноноќниот ритам, како и за регулирање на сезонските реакции на промените во должината на денот (што дополнително може да влијае на промените во репродуктивниот статус, однесувањето и телесната маса). Мелатонинот придонесува за скратување на времето потребно за заспивање на човекот во ублажување на субјективните чувства поврзани со менувањето на зоните при патување со авион.

Што сѐ ги нервира вашите колеги кај вас?

Ивона Петрова — Fri, 10 Jul 2020 07:16:17 +0000

Испитување на мислењето спроведено месецов меѓу 4.200 корисници на услугите за барање работа во Русија, покажува кои се најнепријатните и најиритирачки особини кај колегите со коишто работите. Испитаниците имаа да изберат не повеќе од три опции како одговор. Според резултатите, на прво место на списокот е лицемерството – со 40 отсто од одговорите на испитаниците. Навиката за озборување и сплеткарење го зазема второто место – така мислат 34 отсто од луѓето. На трето место, според 33 насто од испитаниците е непочитување кон работата на другите. Натаму, 32 отсто од анкетираните ја идентификувале непрофесионалноста како иритирачка, а неодговорноста ги затвора првите пет – 23 насто од испитаниците го посочиле тоа. Натаму следат караниците (20 отсто), мрзеливоста (15 отсто), тесни погледи и предрасуди (13 отсто), малодушност (9 отсто), лоши манири (7 отсто), лоши навики (5 отсто) и „друго“ коешто го избрале три отсто од испитаниците.

Што треба да направите кога некој упорно Ве нервира?

Катерина Бојаџиева — Tue, 14 May 2019 14:54:27 +0000

Кога нешто ни пречи во односот со некоја личност, најчесто мислиме дека проблемот е во другата личност. Но, за да ја поправиме незгодната ситуација, потребно е да почнеме од себе. Сѐ она што ни пречи и нѐ боли е дел од нас. Тоа е и причината за нашите чувства. Не може да нѐ повреди нешто што го немаме. Почетокот на разрешување на проблемот е кога ќе си го поставиме прашањето: „Што е она што е присутно во мене, а оваа личност ми го покажува низ нашиот однос?“ Медитирајте, погледнете во себе и ќе видите дека се работи за некое погрешно уверување кое ви создава емоционална болка. Нешто што предизвикува чувство на помала вредност, отфрленост, недоволност, немоќ и слично. Кога ќе се освестите и ќе сфатите за што се работи, ослободете се од тоа. Се работи за погрешни ставови, уверувања, мисли. Тие стари и негативни мисли заменете ги со нови, позитивни мисли. Кога ќе се прифатите себеси и покрај сѐ, тогаш нема да ви пречи таа личност која има поинаков светоглед. Ќе ја разберете и ќе сочувствувате. Точно ќе знаете на која позиција се наоѓа таа личност, позицијата во која сте биле и вие пред да се освестите од заблудите. Кога луѓето ќе ги гледате со божествени очи, безусловно, без потреба да ве прифатат, да се сложуваат со вас или да очекувате нешто од нив, тогаш и вашиот однос ќе се промени. Соговорникот ќе ве слушне, ќе ја почувствува вашата енергија и вашата намера. Целиот однос ќе се издигне на едно друго ниво и ќе биде полн со почит и разбирање. На тој начин природно и ненаметливо ќе влијаеете на другите кои ќе почнат самите да се отвораат кон вас. Ќе почнат да ве прашуваат за совет и мислење. Работите секогаш се обратне од она на кое сме навикнати.

Хороскопот открива зошто се нервирате

Катерина Бојаџиева — Wed, 10 Apr 2019 14:05:29 +0000

Чувството на нервоза и анксиозност ни е познато на сите, а тоа често произлегува од карактеристиките на личноста, но и од условите околу нас. Тоа што ве прави нервозни, можеби нема да им значи на другите и обратно. Хороскопот има влијание зошто и како се нервирате. Овен Вие имате чувство дека животот нема да оди, ако вие не ги туркате работите. Затоа и само продолжувате со истото темпо иако често се чувствувате исцрпено и безнадежно. Убедени сте дека нештата не можат да функционираат без вас, но тоа не така. Треба да се обидете и да се уверите дека тоа не е така. Можеби тоа потајно и најмногу ве нервира, нели? Бик Вашата нервоза е поттикната од чувството дека не сте доволно добри и брзи, дека нема да стигнете или дека ќе задоцните или пак дека ќе предизвикате незадоволство. Важно ви е и мислењето на другите. Бидејќи сакате да бидете лежерни и ноншалантни и да не брзате никаде, вашиот најголем проблем и нервоза е да одговорите на барањата и роковите кои ви се поставени од другите. Но, вие не сте ниту неспособни или неодговорни, туку вашата свест за сопствените слабости ги зголемува проблемите. Близнаци Вам ве нервираат и често ве избезумуваат ситници, кои немаат никаква врска со вас. Претерано реагирате ако некој некому го пресече патот во сообраќајот, не можете да поднесете кога некој испаѓа глупав или пак кога не покажува чувства кон другите. За нефукнкционалноста на нештата во домот, вие тоа го доживувате како личен неуспех. Вам би ви помогнала медитација за стишување на мислите. Рак Вашата сензибилност често ве држи во замка со анксиозноста. Чувствувате нож во стомакот додека сами гледате низ прозорот во текот на ноќта, често се грижите за својата безбедност и безбедноста на оние кои ги сакате. Вие не можете и не треба да ги потиснувате своите емоции, но треба да дишете длабоко, да се смирите и да го кажете тоа што го имате во себе. Утехата и уверувањето дека сѐ ќе биде во ред се лек за вашата анксиозност. Лав Секогаш кога не ја контролирате ситуацијата, вие чувствувате нервоза. Потребно ви е да се уверите дека нештата функционираат и сакате постојано да имате контрола над вашите одлуки вашето време. Кога нештата не одат така, вие сте многу нервозни и често нервозата ја истурате н другите луѓе. Девица Вие самите си ја предизвикувате нервозата со претераното размислување и анализирање на секоја одлука, но и на сите нешта во вашиот и туѓите животи. Вашиот мозок ќе престане да фуникционира ако не престанете да го правите тоа, постојано обидувајќи се работите да ги погледнете од сите страни. Потребно е да се смирите, но и да не го замислувате секогаш најлошото сценарио. Вага Слично и како Девиците, претерано анализирате. Но. Вашата анализа никогаш не носи до резултати, бидејќи секогаш имате половина причини „за“ и половина „против“. Тешко е за вас да останете во рамнотежа, а бидејќи постојано тежнеете кон тоа, вие сте многу нервозни. Потребно е понекогаш да бидете импулсивни и побрзо да ги донесувате одлуките, без долгиот процес на размислување, анализирање и неодлучност. Шкорпија Кога немате доволно мир и приватност, вие сте под стрес, нервозни сте и вознемирени. Потребен ви е личен простор, и очекувате другите да го почитуваат тоа. Побарајте мир во некој спорт или танц кој се одвива во природа. Стрелец Вашата анксиозност е предизвикана од ограничувањата. Не можете да поднесете кога некој ви одредува како да се однесувате, што треба да зборувате и како да се облекувате. Секој напад на вашата лична слобода е голема причина за нервоза и непријатност за вас. Потребно ви е да ги зајакнете границите кон надворешниот свест, но и свеста дека е ваша и дека коментарите од другите се само тоа – обични коментари. Јарец Причина за вашата нервоза се оние нешта кои си ги наметнувате себеси, а бидејќи сте строги, сериозни и сериозни, вие си наметнувате себеси дури и премногу. Оптеретени сте со напорот да ги испочитувате роковите кои сте си ги дале себеси и да ги изнесете сите проекти кои сте ги преземале на свој грб. Најголем дел од вашиот живот се одвива однапред. Би требало помалку да се грижите за „што ако“ и повеќе да внимавате на сегашноста. Водолија Кога работите не се одвиваат на ваш начин, онака како што сте замислиле и испланирале, тоа многу ве вознемирува. Се обидувате да правите повеќе работи истовремено, но и тоа ви создава многу стрес. Потребно е да сфатите дека можеби воопшто не е лошо нештата да се одвиваат поинаку од планираното и да пробате да ги правите, едно по едно. Риби Вашата нервоза е поттикната од чувството дека сте многу изложени. Вашата чувствителност е вашата најголема карактеристика, но кога морате да минувате време со поголема група на луѓе, вие го мразите вниманието и едноставно се нервирате кога морате да го напуштите својот дом и личен простор.

Храна која ја ќе ви помогне да ја победите нервозата

Катерина Бојаџиева — Mon, 03 Dec 2018 18:20:55 +0000

Кога сме под стрес, често јадеме претерано, особено големи количини на мрсна и слатка храна. Но, иако таквата храна помага краткорочно да се чувствуваме подобро, сепак подоцна таа не само што ги покачува нашите килограми, туку и предизвикува други проблеми. Затоа, ви препорачуваме храна која всушност вистински ќе ја уништи нервозата. Портокали Ова јужно овошје богато со витамин Ц е одлично и за уништување на нервозата, покрај спречувањето на настинките и грипот. Тоа помага во намалување на лачењето на кортизолот (хормон на стресот) и намалување на крвниот притисок, кој се покачува секогаш кога сме бесни и нервозни. Авокадо Авокадото е вистински дар од природата. Без оглед на тоа колку е вкусно, тоа е суперхрана, која овозможува Б витамин – кој го намалува стресот. Млеко Постои одлична причина зошто нашите мајки ни даваа чаша млеко пред спиење. Тоа е богато со витамините Б2 и Б12 што помага брзо да се релаксираме. Спанаќ Спанаќот е богат со магнезиум кој помага во регулирање на нивоата на кортизол и опуштање на мускулите. Овесни снегулки Освен тоа што се здрави, овесните снегулки помагаат во лачењето серотонин –хормонот на среќата.

5 едноставни техники за ослободување од нервозата и стресот

Ристе Здравков — Fri, 21 Sep 2018 10:16:03 +0000

Живееме во време полно со стрес, во кое стресот доаѓа од сите страни – работа, семејства, врски, пријателства. Иако често се трудиме да се одмориме за време на викендот, сепак понекогаш имаме премногу обврски или пак не знаеме како да се ослободиме од стресот и нервозата. Си велиме дека ќе помине, но не само што не поминува, туку стресот се наталожува повеќе и повеќе. Ова се неколку техники како да ги наполниме батериите и да се ослободиме од стресот. Не работете за викенди Да, знаеме дека е тешко особено кога шефовите го очекуваат тоа од вас, но дури и да имате малку работа, завршете ја и не проверувајте меилови, и не работете повеќе одошто се очекува од вас. Не морате постојано да се докажувате, и вам ви е потребно време да дишете. Дајте си време за себе и издишете и вдишете, потребно ви е. Тоа е особено важно бидејќи доколку дозволите да се одморите за време на викенд, во текот на работната недела ќе бидете попродуктивни и порасположени. Исклучете ги известувањата на телефонот додека се одморате без оглед на тоа дали ќе спиете после работа или ќе одлучите да се прошетате во паркот или да гледате телевизија, не дозволувајте известувањата од телефонот да ви го нарушуваат мирот. Тоа е многу корисно за вашата зависност со технологијата, но и за ослободување од стресот и овозможување одличен одмор. Внимавајте на исхраната Колку и да ја сакаме храната, треба да знаеме дека таа има големо влијание на тоа како се чувствуваме. Потрудете се да се храните поздраво, особено денот да го почнувате на здрав начин. Мошне брзо ќе забележите како тоа влијае на вашето расположение. Не морате да се откажете од сите работи кои ги сакате, туку едноставно да бидете свесни за тоа како се храните и како таквите навики влијаат на тоа како се чувствувате. Спијте колку што ви е потребно Не го одложувајте сонот бидејќи тој ви е најважен за да бидете одморени во текот на денот. Немојте да мислите дека само неколку часа сон се доволни за да функционирате. Да, тие ќе бидат доволни 1-2 дена, но на долг рок ќе предизвикаат стрес и истоштеност, но и многу лошо расположение. Одете на спиење без одложување и будете се без одложување. Дајте си себеси 7-8 часа сон во текот на ноќта. Поминувајте време со оние кои ги сакате Бидете со луѓето кои ви значат, кои ве прават среќни и кои не предизвикуваат лошо расположение кај вас. Направете круг околу себе со луѓе кои се позитивни и кои ви помагаат да го победите стресот, наместо да го предизвикуваат, а избегнувајте ги оние кои прават да се чувствувате лошо.

Пет последици ако го исфрлите лебот од исхраната

Ристе Здравков — Sun, 09 Sep 2018 13:58:10 +0000

Лебот повеќе не е посакувана намирница. Се поголем е бројот на луѓе кои во најразличните диети го исфрлаат лебот од исхраната со цел да го намалат вносот на јаглени хидрати. Но сепак, треба да бидете внимателни бидејќи токму јаглените хидрати се исклучително важни за правилно функционирање на нашиот организам. Кога ќе го намалите внeсот на јаглени хидрати, прво што ќе забележите е дека повеќе не сте отечени, како и тоа дека сте олабеле. Сепак, тоа не значи дека сте се ослободиле од масните наслаги, туку значи дека сте се ослободиле од вишокот на течности, но во секој случај, тоа е забележително на вагата. Не давајте ова да ве заведе и посветете поголемо внимание на следните предупредувања: Лош здив Нашиот мозок се храни токму со јаглени хидрати за да може нормално да функционира, па ако ги нема во доволно количество во нашето тело, следат процеси кои на крајот предизвикуваат и лош здив, сува уста, замор, слабост и несоница. Со текот на времето ќе се навикнете, но експертите велат дека ова секако не е добро и дека никако не би требало сосема да го исклучите внeсот на јаглени хидрати. Пореметено ниво на шеќер во крвта Со исфрлањето на јаглените хидрати ќе дојде до големи осцилации во нивото на шеќер во крвта. Затоа, не е воопшто лошо да се јаде леб од цело зрно, тоа ќе направи баланс. Недостаток на енергија Целите зрна од житарки се одличен извор на железо, магнезиум и витамин Б кои се одлични извори на енергија. Ако му ги скратите на организмот, јасно е дека тој ќе работи многу послабо, а и нема да можете ниту редовно да вежбате. Проблеми со варењето Системот за варење нема добро да функционира ако сосема го отфрлите лебот, особено оној од цело зрно. Ќе се соочите и со проблеми со столицата, но и со компликациите од евентуалните хронични болести. Нервоза Јаглените хидрати се важни и за одржување на нивото на серотонинот, хормонот на среќа, така што со нивното исфрлање веројатно ќе станете раздразливи и нерасположени.