Нешвил – Kurir.mk

Полицијата кај напаѓачката во училиштето во Нешвил пронашла планови за други напади

Тале Кристо — Tue, 28 Mar 2023 07:40:13 +0000

Полицијата кај жената која го изведе нападот во училиштето во Нешвил и притоа уби шест лица, пронашла бележник во кој било нотирано дека таа планирала и напади на други локации, соопшти американската полиција. Во пронајдениот „манифест“ се наведувало дека „ќе има убиства на неколку локации и училиштето е едно од нив“, изјави шефот на полицијата во Нешвил, Џон Дрејк за американската телевизија. Во приватното христијаснко основно училиште во американскиот град Нешвил вчера беа убиени три деца и тројца возрасни. Напаѓач беше младата трансродова жена Одри Елизабет Хол (28) која беше пронајдена мртва по вооружена пресметка со полицијата.

Осомничената во убиството на шест лица во Нешвил, меѓу кои три деца, убиена од полицијата

Ивона Петрова — Mon, 27 Mar 2023 20:19:58 +0000

Осомниченото лице кое денеска изутринава отвори оган во приватно христијанско училиште во Нешвил е мртво, соопштија официјални лица од овој град во Тенеси. Како што објави Њујорк тајмс денеска, тешко вооружена жена убила шест лица, вклучувајќи три деца. Таа потоа била убиена од полицијата. Тоа го потврди полицијата на Метро Нешвил во објава на Твитер. Противпожарната служба на Нешвил на Твитер објави дека има „повеќе повредени“. Пукањето се случило во училиштето Ковенант. Противпожарната служба соопшти дека одговориле на „активен агресор“, но не дадоа никакви детали. Други детали за пукањето засега не се достапни. Во училиштето Ковенант имало околу 200 ученици од предучилишна до шесто одделение и било основано од Презвитеријанската црква во 2001 година, според веб-страницата на училиштето.

Идентификуван бомбашот од Нешвил, неговите останки најдени во урнатините

Ивона Петрова — Mon, 28 Dec 2020 06:35:28 +0000

Безбедносните служби на САД го идентификуваа бомбашот кој ја активира експлозивната направа поставена во кампинг возило во центарот на Нешвил, Тенеси – се работи за Ентони Варнер (67) кој загинал во инцидентот. Експлозијата одекна во раните утрински часови на празникот Божиќ, при што беа уништени повеќе објекти, тројца случајни минувачи беа повредени. Истражителите ги споредија човечките останки најдени на местото на настанот со ДНК-то од Вернер, потврдувајќи ја верзијата дека тој се кренал во воздух со бомба поставена во своето кампинг комбе. Безбедносните органи сега го утврдуваат мотивот. Истражители од Федералното биро за истраги (ФБИ) работеа на случајот и ги собираа расфрланите парчиња и останки на местото на настанот. ДНК-то од Вернер тие го добија од домот на осомничениот околу 16 километри југоисточно од местот на експлозијата, што бил лоциран после „стотици дојави“. Соседите потврдиле дека пред неколку месеци виделе слично кампинг возило паркирано пред неговата куќа. Возилото што експлодира во петокот било поставено покрај базна станица на мобилниот оператор „Еј-ти енд ти“, со што интернет и мобилните врски во центар на Нешвил сеуште се прекинати или ослабени. Градот е потресен од овој терористички чин. Американските весници пренесуваат изјави од соседи и роднини кои го опишуваат Вернер како повлечен и осамен човек кој претходно работел како компјутерски специјалист. Полицијата во петокот рано изутрина одговори на дојави за пукотници во близина на паркирано кампинг комбе на Втора авенија-север, од возилото ечел глас преку разглас со порака за поставена бомба и дека може да детонира. Експлозијата одекна во неколку блока, кршејќи прозори и уништивајќи фасади, неколку автомобили се запалија, делумно се урна и една зграда. Според службите, ако комбето експлодирало во текот на денот, а не во раните утрински часови, и без предупредување, со што полицијата имаше време да го расчисти теренот, тогаш последиците би биле трагични, со многу жртви. Вака, покрај разнесениот бомбаш, беа повредени само тројца случајни минувачи, а полесно беа повреднеини и тројца полицајци.

Експлодира кампинг возило во Нешвил, повредени луѓе и оштетени згради

Магдалена Андонова — Fri, 25 Dec 2020 15:05:45 +0000

Силна експлозија на кампинг возило (трајлер) паркирано во центарот на Нешвил, во сојузната американска држава Тенеси, предизвика оштетување на неколку околни згради и издадена е наредба за евакуација на граѓаните, соопштија локалните власти, објави њујоршкиот весник „Њузвик“. Некои медиуми објавија на Твитер дека по експлозијата дошло до уривање на една од зградите. Меѓу другото, пишуваат и дека пожарникарите се повлекуваат од местото на несреќата и се трага по евентуални жртви. Веројатно повеќето луѓе се здобиле само со полесни повреди, наведуваат локалните медиуми. Подоцна е соопштено дека била спроведена евакуација на граѓаните кои живеат во два блока од местото на експлозијата, а пожарникарите ги советувале луѓето да не се приближуваат до комбиња и камиони на улиците поради можни нови експлозии. Засега не е позната причината за експлозијата на паркингот во Нешвил. (МИА)

ФОТО: Најмалку 25 загинати во торнадо во Нешвил

Ивона Петрова — Wed, 04 Mar 2020 06:59:41 +0000

Најмалку 25 лица погинаа во торнадото што го погоди градот Нешвил и државата Тенеси, во САД, а 50.000 домаќинства и компании останаа без електрична енергија. Од невремето се повредени повеќе лица, а нивните домови се оштетени, јавија британските медиуми. И аеродромот, што се наоѓа во непосредна близина на Нешвил, претрпел значителни штети, а оштетени се и неколку хангари. Најмалку два станбени блока останале без прозорци, додека парчиња метал и дрвја се расфлани по улиците на градот, јави Си-Ен-Ен. Националната метеоролошка служба соопшти дека осум торнада ги погодија сојузните држави Мусири, Тенеси и Кентаки.

ФОТО: Полицијата го уапси убиецот од Нешвил

Ивона Петрова — Mon, 23 Apr 2018 19:19:48 +0000

Полицијата во Нешвил соопшти денеска дека го уапсила 29-годишниот Трејвис Рејнкинг, обвинет за убиство на четири лица во Нешвил, во американската држава Тенеси. Осомничениот е уапсен денеска попладне по локално време, а неколку часа претходно полицијата соопшти дека се сомнева оти тој се крие во шума. Рејнкинг во неделата изутрина, во продавница за пециво, без облека на себе, од огнено оружје уби четири лица, а потоа трчајќи побегна.