несомнено – Kurir.mk

Василев: Поради политички притисок на судиите не им се овозможува да судат според законите и правото, непристрасно и професионално

Ивона Петрова — Wed, 06 Jun 2018 14:30:45 +0000

Адвокатот на одбраната на обвинетите од случаите на Специјалното јавно обвинителство, Петар Василев во вчерашното интервју во емисијата „Несомнено“ на Катерина Гетева рече дека ниедно заканодавство не познава ретроградно носење на законите со повратно дејство, посебно не на штета на обвинетите, алудирајќи дека аболицијата на претседателот на Иванов има правно дејство и покрај тоа што тој ја укинал. Како доказ дека во Македонија не се почитуваат законските решенија, Василев го посочи и случајот на двајцата високи функционери во МВР Бошковски и Грујовски кога Врховниот суд донел одлука дека нема да дозволи екстрадиција бидејќи амнестијата на претседателот е се уште во сила и таа произведува правна последица, додека тоа не е случај во Македонија од страна на македонските судови бидејќи судот не ги запира постапките на СЈО. За случајот кој се води против Бошковски и Грујовски, Василев вели дека последното рочиште било одложено бидејќи судот во Грција предметот го испратил до Институтот за меѓународно право, при Универзитетот во Атина за правни и политички науки и тој институт имајќи ги во предвид законите и законот за повлекување на амнестијата од страна на претседателот биле детално разгледани. -Ниедно законодавство, ниту правната наука не познава ретроградни носења на закони со повратно дејство, односно со дејство наназад. Посебно не на штета на обвинетите. Тие изготвија детален извештај и нагласија дека помилувањето е се уште во сила и дека тоа предизвикува правни последици во однос на постапките, додаде Василев. За предметите Таргет, Тврдина и Трезор постапката се уште не биле започната со оглед дека судот коректно почекал да види што ќе се случи со екстрадицијата. Тој додаде дека Апелација ја укинала пресудата за Тврдина 2 и го вратила предметот на повторно одлучување од првостепениот суд со препорака дека судијата направил повреда во постапката бидејќи не почекала да заврши екстрадиционата постапка. Василев вели дека постапките кои што се водат пред македонскиот суд за случаите на СЈО не може да се каже дека се водат на еден фер и правично судење пред се поради непочитување на законите, бидејќи со самото дозволување на незаконско стекнатите аудио материјали и транскриптите кои ги поседува СЈО, дозволувањето на овие материјали да бидат доказ во постапките е директно спротивно на законот за кривична постапка. Тој нагласи дека се бара начин со извртување на правните норми да тие се вметнат и да може да се користат во кривичната постапка меѓутоа тоа според него е толку волантаристички и толку неиздржано што и за овие прашања е убеден дека еден ден ќе бидат расчистени и ќе се донесе одука дека постапката не е водена фер и правично против обвинетите, со оглед дека не е почитувано правото и законите. -Замислете го апсурдот за дел од таканаречените бомби, во голем дел од предметите се веќе ковертирани од страна на судија на претходна постапка, уште кого предметите ги водел ОЈО. Кога една аудио снимка е ковертирана таа не може да биде отворена се додека не се донесе одлука со кој ќе се поништи првата одлука за ковертирање и издвојување од списите на предметот. Овде со квази одлуки се побара од Апелациониот суд да донесе решение како божем да ова решение не постои и се донесија решенија на Апелација и сега се почитува тоа решение, а не се почитува претходното решение. Такво нешто е недозволиво за еден исти предмет, впрочем тука постои и правниот институт „rest judicata“ односно пресудена работа. По тоа прашање еден суд пресудил и донел одлука, а таа е правосилна и извршна, со никаква друга одлука не може да се намали и ли избрише нејзиното дејство. Користењето на снимките по изговор дека е од јавен интерес или фактот што Апелација донела таква одлука е незаконит и не може да произведе законито правно дејство, односно не може да донесе до носење на законита одлука, нагласи Василев. За најавените реформи во правосудството тој смета дека не верува во заложбите за реформи во правосудството бидејќи во последно време се носеле незаконски одлуки. Доколку се ослободат судите од притисок на политичкото влијание Василев вели дека судовите имаат капацитет на носење на законите одлуки.

Тасева за „Несомнено“: Македонија не само што е заробена политички, туку е и економски што претставува пречка во борбата со корупцијата

Ивона Петрова — Wed, 30 May 2018 09:55:50 +0000

Дел од земјите членки на Европската Унија изминатите денови ја потсетија Македонија дека „камен на сопнување“ повторно е борбата со корупција. За корупцијата, непотизмот и судирот на интереси за емисијата „Несомнено“ говореше претседателката на „Транспаренси интернешенал“, Слаѓана Тасева. Тасева рече дека последните две години, Македонија бележи рекорден пад на индексот на перцепција на корупцијата. Таа рече дека државата е ставена на врвот на листата на корумпирани држави во Европа. -Забележавме уште еднаш историски пад на индекост за перцепција на корупцијата. Минатата година Македонија забележа пад од рекордни 24 места а оваа година уште 17 места. Никогаш во историјата на постоењето на индекост за перцепција на корупцијата на „Транспаренси интернешенал“ не сме биле на 107 место, толку доле што не ставаат на врвот на листата на корумпирани држави во Европа, нагласи Тасева. Според Тасева, вистинскиот проблем на Македониај за влез во ЕУ не е само името, туку борбата со корупцијата. Таа рече дека кога ќе се се реши проблемот со корупцијата, тогаш Македонија може да го реши проблемот со името. Исто така проблем за развој на корупцијата во Македонија е и немање на членови во антикорупциската комисија. Уште во месецот март, членовите на антикорупциската комисија си поднесоа оставки па затоа антикорупциската сеуште не функционира а замени за членовите нема. Тасева вели дека оваа комисија не е независна а тоа на власта и одговоара. -Во последно време најмалку таа комисија е независна. Се претвори во силно политичко тело кое се иструметионалиира и се користи од страна на власта. Во моментот зошто не се избираат членови е зошто станува збор за политички калкулации, коруптивни договори затоа што на некого му одговара во моментот да немаме ефективна антикорупциска комисија ,посочи Тасева. Таа рече дека доколку постоеше таква комисија сега ќе имаше одговор за постоењето на непотизмот во Јавното Обвинителство. Тасева нагласи дека не само што Македонија е заробена политички, туку и економски. -Ние сега веќе гледаме дека не само што е заробена државата политички, таа е заробена економски. Тука се во прашање големи економски и финансикси интереси кои што им пречи да имаме ефикасен систем за борба против корупцијата. И пречи да имаме силна антикорупциска комисија констатираше, Тасева. Таа додаде дека и Јавното обвинителство се држи строго под контрола на власта. Тоа јасно се гледа рече Тасева, со тоа што се бираат луѓе како што се сака, се носат одлуки со судир на интереси како што сака Власта.

„Несомнено“ анализира: Дали Кацарска ќе донесе ослободителна пресуда според факти и докази или пресудата за Груевски е напишана уште пред да започне првото рочиште за Тенк?

Ивана Ефремовски — Wed, 16 May 2018 13:34:15 +0000

Катерина Гетева во емисија „Несомнено“ прави кратка анализа за судскиот процес за набавка на блендираниот мерцедес кој е пред сама завршница. Со какви докази излезе СЈО пред судот, што кажаа сведоците и на одбраната и на обвинителството? Дали бомбите можат да бидат единствен доказ за да се донесе пресудата и дали со тоа не се кршат основните човекови права, се само дел од прашањата кои се предмет на анализа. Во измените на законот за судови како потешка дисциплинска повреда за која се поведува постапка за утврдување на одговорност на судија како основ за разрешување се смета и непочитување и непримената на ставовите изразени во конечните пресуди на Европскиот суд за човекови права. Ова е регулирано во членот 18, став 8. Главна улога на СЈО во случајот познат како „Тенк“ играат бомбите. Телефонски разговори кои СЈО ги доби од СДСМ, но никогаш не се утврди дали претходно некој ги селектирал и ги дал само оние кои мислел дека треба да ги имаат обвинителите. Во членот 6 од Европскиот суд за човекови права стои дека „судењето не може да се смета за правично доколку вината на некое лице се заснова единствено на доказ кој е добиен преку повреда на човековите права, загарантирани со Конвенцијата“. Со ова Европскиот суд во Стразбур јасно става до знаење дека не може да зборуваме за правично судење доколку истото се темели на иницијални повреди на законите, анализира Гетева. Ова одбраната на обвинетите во случајот Тенк го посочи кога предметот беше во рана фаза и се бараше издвојување на бомбите како докази, бидејќи според адвокатите доказниот материјал е стекнат со кршење на човековите права со повеќегодишно, континуирано, неселективно и незаконско следење на комуникации без судска наредба и без судска контрола што е регулирано во членот 12, став 2 од Законот за кривична постапка, но исто така е и повреда според членот 6 од Европскиот суд за човекови права, вели Гетева. Таа во анализата додава дека како слични случаи во текот на судењето биле посочени два случаи и тоа Хајрула против Македонија и Шенк против Швајцарија. СЈО пред судот излезе со две вештачења, едното економско а другото техничко. Освен пишаниот материјал и двајцата вештаци биле повикани во судот како сведоци на обвинителството. Куќата која што го вештачела предметот „ЕОС консалтинг“ е Италијанска компанија чии локален раководител е Димитар Бузлевски од Ресен односно поранешен висок функционер од СДСМ потпретседател на владата, додека Герамитчиовски кој е ангажиран од СЈО како технички вештак е поранешен пратеник на СДСМ и поранешен министер за образование, додава Гетева. За одбраната и обвинетите беше спорен уште еден факт за вештакот. Вештакот кој што вештачеше Тале Герамитчиовски се докажува дека не ја продолжил лиценцата според министерството за правда. Се побара писмо од Министерството за правда, од кое што писмо се гледа дека тој не ја продолжил лиценцата особено затоа што тие наведуваат во нивниот допис дека за таков стручен испит како што требало да има за таа лиценца, тие почнале да прават таков стручен испит од ноември 2017 година а тој вештачењето го правел април или мај 2017 година, што укажува дека во моментот што го правел немал таков стручен испит, изјави Никола Груевски од пред суд. Герамитчиовски во судницата дошол како професор на Техничкиот факултет кој предавал базични предмети. Тој во судницата изјавил дека не се чувствувал како експерт за блендирани возила, посочувајќи дека неговата експертиза биле машинство и сообраќај, но не и блендирани возила. Вториот вештак на СЈО Страхил Глигоровски оценил дека фирмата која го продавала возилото на МВР Мак Ауто Стар остварила маржа во рамки на вообичаената маржа за возилата кои ги продаваат и дека немаат оставено екстра профит, што значи дека во целиот случај нема штета по државниот буџет. -Телефонскиот разговор помеѓу Никола Груевски и Гордана Јанкуловска е единствениот телефонски разговор и не постои ниту еден телефонски разговор, писмен доказ или сведок дека Јанкуловска му дава налог на тогашен свој помошник Ѓоко Поповски да направи тендер што би одговарал само за мерцедес. Не постои ниту податок кој подготвил тендерска документација, по чии налог била изготвена така говореле сведоците и на одбраната и ниту еден од нив не посочи кој ја изготвил тендерската документација и дали некој им вршел некакво влијание при подготвување на истата, потенцира Гетева. Делото за кое се товари Никола Груевски веќе е застарено и има релативна и апсолутна застареност. Запретената казна е до 3 години затвор, релативна застареност постои кога по истекот на тие 3 години СЈО не започнало ниту едно дејствие против обвинетиот. Телефонските разговори на Никола Груевски се во февруари и март и еден во јули 2012 година. Законот за СЈО и изборот на СЈО беше на 15 септември 2015 година, додека снимките СЈО од СДСМ ги доби декември 2015 година. Претходно ОЈО не водело постапка за овој предмет, што значи дека помеѓу февруари и март, па дури и меѓу јули и октомври 2012 година и декември 2015 година поминати се повеќе од 3 години и предметот за Никола Груевски е со релативна застареност. Иако ова било посочено од страна на адвокатите на обвинетиот, судот го отфрлил овој предлог без образложение.

„Несомнено“: Џезаир Шаќири-Хоџа од радикален екстремист до советник на Заев (ВИДЕО)

Ивана Ефремовски — Wed, 09 May 2018 14:02:21 +0000

Џезаир Шаќири познат како командант Хоџа од само прогласен кмет на Танушевци, до советник на премиерот Зоран Заев и тоа ни помалку ни повеќе за внатрешна безбедност и екстремизам. Скоро 15 години Џезаир Шаќири алијас командант Хоџа беше под лупа на оперативните служби во Македонија и регионот, а исто толкав период е на црната листа на САД, вели Катерина Гетева во синоќешното емитување на нејзината емисија „Несомнено“. „Вклучени, поддржуваат или финансираат екстремно насилство во Република Македонија како и на други места во регионот и Западен Балкан“ стои во образложението на Стејт Департментот што ја објавува оваа листа. Таа открива дека српските власти во 2012 година имаат распишано меѓународна потерница за Шаќири, според веста објавена во декември истата година, од страна на агенцијата „Ина“ „Србија го бара командант Хоџа по обвинение дека е еден од организаторите на нападот кај Добросин на граница меѓу Косово и Прешевска Долина“. Македонските безбедносни служби имаа распишано потерница по Хоџа, а токму и тоа беше причината тој да биде самопрогласен лидер на Танушевци и главно преку Косовски медиуми испраќаше закани до актуелните власти почнувајќи од 2004 година па наваму. Танушевци со референдум сакаше да го припојува кон Косово, организираше патроли околу селото, се закануваше дека на оружје ќе одговори со оружје, честопати имаше гласини на престрелки со специјалците кога има акции и апсеа криминалци. Во 2010 година угледниот весник Фанејшал Тајмс имаше текст дека командант Хоџа прогласил слободна територија која ја нарекол Република Танушевци, открива Гетева. Кој беше мотивот за бунтот на Хоџа и причината тој да биде одметник, се прашањата кои се уште се поставуваат? Скопскиот кривичен суд против Џезаир Шаќири Хоџа во 2007 година почна судски процес за кривично дело грабнување. Според тогашните информации од судот, кривичната пријава му била поднесена во мај 2002 година, но предметот бил замрзнат 5 години. Тогаш почна изјавите на командант Хоџа дека се фатил за оружје бидејќи државата не му давала услови за живот. Во тој период за Хоџа била распишана и потерница бидејќи не се појавувал на судските рочишта, тврдејќи во јавноста дека судскиот процес се политички мотивирани. Но и покрај потерницата која била распишана против него, тоа не го спречило Хоџа да се кандидира на изборите во 2011 година. Тогаш беше на листата на пратеници во рамки на партијата на Бардуљ Махмути, демократска унија на Албанците, но не успеа да обезбеди пратеничко место. Една година потоа Хоџа побара политички азил во земјите членки на Европската Унија, што не се случи. Гетева, додава дека за Хоџа веќе нема потерница, и прашува зошто и кој ја тргнал, дали била запрена пред или по кафе муабетот со Заев на Илинденска? За да се дознае вистината Гетева одговор побарала од Министерството за внатрешни работи, јавното обвинителство и судот. Одговор од таму добила само од МВР и судот, додавајќи дека Јавното обвинителство како и по обичај ги игнорирало прашањата поставени од нејзе. „Ве известуваме дека за Шаќири во моментот нема активна потерница. Министерството за внатрешни работи на Република Македонија, согласно член 559 од Законот за кривична постапка (ЗКП), потерница распишува по барање на органот што ја води постапката (Суд, ОЈО или КПУ). Согласно тоа, одговор на сите други прашања поврзани со оваа тема побарајте надлежниот суд“. „Во Основниот суд Скопје 1 – Скопје, донесена е пресуда со К.бр.3711/11 која по правосилноста е објавена и на веб страницата за пребарување на судски одлуки од судовите на Република Македонија. Во однос на прашањето за потерница, во горенаведениот предмет не е евидентирана потерница. Со оглед на истрагата по овој предмет е водена од истражен судија од Основниот суд Скопје 2 – Скопје, кој во тој период постапувал и по кривична материја, наредба за потерница може да евидентира во истражниот предмет, кој предмет е архивиран во Основниот суд Скопје 2 – Скопје и за кој е потребно дополнително време да се прибави како би се проверила информацијата која ја барате, или евентуално ако по истото лице е распишана потерница од друг суд“, се вели во одговорот од суд. Хоџа во 2004 година покренал иницијатива за посебна албанска влада во Република Македонија која ќе работи на федерализација на државата, но предлогот не бил прифатен ниту од албанските политички партии, ниту од албанските интелектуалци кој тогаш се залагаа за спроведување на Охридскиот Рамковен договор. Сега Хоџа е во закрила на Заев, од командант на УЧК, преку пратеник, одметник до соработник за внатрешна безбедност и радикализам. За да го советува Заев, командант Хоџа ќе мора да биде во тек со процесите кои се однесуваат на намалување на радикализација, која е извор за екстремно дејствување за големи националистички идеи како голема Албанија, салафизам и такфиризам, процеси за борба против корупција и сложени борби на организиран криминал, контраразузнавачко дејствување и спротивставување а странско разузнавачки агентури во Македонија, борба против тероризам и заѓтита на Уставен поредок. Со еден збор описот на работните задачи му е налик на надлежностите на Управата за контраразузнавање, вели Гетева. Во продолжение погледнете ја емисијата „Несомнено“. https://www.youtube.com/watch?v=7yrmbxWXqfY

Несомнено: Контрадикторните изјави на Заев отвораат дилема, што се крие во случајот Монструм?

Ивона Петрова — Wed, 25 Apr 2018 17:55:57 +0000

Зошто се разликуваат позициите на премиерот Заев за „Монструм“ пред да седне во владејачката фотелја заедно со Ахмети и денес? Контрадикторните изјави на премиерот Заев пред три-четири години и сега, ја подгреваат тензијата кај семејствата на убиените момчиња и кај семејството на рибарот,но и кај јавноста. Зошто вистината се крие од нив? Им ли друга вистина како што зборуваше Заев во времето на неговите така наречени бомби? Зошто истрагата почнува од почеток, а нема ново обвинение, се анализира во емисијата на Катерина Гетева „Несомнено“. Мајката на убиениот Александар пред само една недела во судница под целосна морална и кривична одговорност рече дека Заев им дал да слушнат само еден телефонски разговор во кој обвинетиот Фејзи Азири на непознато лице му раскажува сон. Според Наќевска Заев не им дал да ги слушнат другите телефонски разговори со образложение дека се државна тајна. „Вечерва сонував еден многу лош сон како му ги врзував рацете на момчето, па плачев, па сега си велам да е се израдувам да не го довршив тој никаквец“ Заев им кажал дека ги обелодени сите разговори за да се чуела вистината. Викендот Заев на прес конференција кажал дека броевите на функционерите на ДУИ не биле тајна и оти им ги покажал сите разговори на родителите кога биле кај него на Бихаќка. И покрај тоа што Заев уверува дека се што имал им дал на СЈО, родителите на убиените деца на Велики Четврток се убедени дека во фиоките на СДСМ има уште разговори. Горан Наќевски татко на убиениот Александар во изјава пред суд изјавил: „Бараме претрес да се изврши во седиштето на СДСМ. Тврдам дека тие транскрипти се таму. Бараме да не соочите со премиерот Заев, дека не лажеме и не измислуваме. Стражарно приведете го, ќе го почекаме.“ Семејствата на петмината убиени остануваат во агонија бидејќи како што велат политичкиот пазар Ахмети и Заев ја остави правдата со куси ракави. Семејствата на убиените на последното рочиште кажала дека Заев им рекол дека возилото со кое се пренесувале извршителите на убиството било на МВР. Но, подоцна од блиски луѓе од МВР семејствата разбрале дека такво возило нема. Со што сите овие информации и нејасност ја подгреваат дилемата за тоа кога Заев ја говори вистината? Во продолжение погледнете го видеото од „Несомнено“.

„Несомнено“: Азири, обичен земјоделец или припадник на криминална група?

Ивона Петрова — Wed, 25 Apr 2018 15:32:09 +0000

Обичен земјоделец кој се занимава со сточарство и живинарство или припадник на криминална група која стои зад ликвидацијата на петтмината лица на Велики Четврток кај Смилковско езеро анализира Катерина Гетева во нејзината емисија „Несомнено“. -Во ноември 2009 година името на Фејзи Азири влезе во полициска истрага поради вооружен инцидент што се случи тогаш во скопското село Белимбегово. На 22 ноември, недела, двајца трактористи од Ропалјце и еден од Арачиново одвај извлекоа жива глава додека ги ораа нивите во атарот на скопската населба Илинден кои биле земени под концесија од живинарската фарма Белимбегово. Истрелите од огнено оружје ја прекинаа есенската сеидба, трактористите кои ги слушната рафалите ги оставиле тракторите и побегнале. За среќа повредени и загинати немаше, анализира Гетева. По овој настан само после два дена полицијата излегла со првични информации, дека на лице место се најдени 60 фишеци. По претресот на еден од хангарите на фармата пронајдени биле 5 автоматски пушки, со седум рамки и 60 куршуми. Оружјето било скриено во балирана слама, во хангарот била пронајдена и една пушка со ознака Ц3 и паковка со 45 куршуми. Инцидентот се случил во 9 часот наутро кога неколкумина напаѓачи отвориле оган кон трактористите кои ги орале нивите земени под концесија. Но, кога почнало пукањето ги оставиле тракторите и избегале, но напаѓачите тргнале по нив и продолжиле со пукање. По целиот настан напаѓачите влегле во хангарот каде што о скриле оружјето и избегале, а неофицијалните информации биле дека имало недоразбирање меѓу сопственикот на халите и газдата на околните ниви кои живинарската фарма исто така ги дала под концесија. МВР имаше уапсен и осомничен за инцидентот Фејзи Азири, истражен судија тогаш му одреди 30 дена притвор. Беше утврдено дека ловната пушка кој што била пронајдена во хангарот Азири ја поседувал со дозвола. Тој со ловниот карабин Ц3 испукал неколку проектили во воздухот. Оружјето што полицијата за време на претресот го нашла во халите не знаел дека е таму, тврдел Азири, открива Гетева. И покрај тоа што во целиот настан учествувала поголема група, само Фејзи Азири бил кривично гонет за нелегално поседување на оружје и осуден на 6 и пол години затворска казна, која што почна да ја издржува пред една недела откако претходно 40 дена бил во бегство. Три години подоцна фармата во Белимбегово и Фејзи Азири повторно се најдоа под лупа на обвинителството, односно сега обвинети за тероризам. Азири, неговите внуци Али Демири и Хаки Демири како и браќата Агим и Африм Исмаиловиќ и Саи Љута стојат зад петкратното убиство кое се случи кај Смилковското езеро, на Велики Четврток на 12 април 2012 година. Во текот на првата судска постапка помалку беше нејасно зошто обвинителката Гордана Гешковска имаше голем интерес за фармата на Фејзи Азири во Белимбегово. Меѓу првите рочишта се случуваше Гешковска сведоците во постапката да ги испрашува за фармата на Фејзи Азири каков добиток и живина одгледуваат со што ги хранат, кој и што работи во фармата. Дали неговите внуци Демири и Азири доаѓале на фармата?, додава Гетева. Подоцна во јавноста излезе информација дека чудните прашања на Гешковска биле тесно поврзани со наводно телефонските разговори меѓу обвинетите. Според обвинителката обвинетите кога разговарале на телефон, зборувале со шифри, така што за оружје и муниција користеле термини поврзани со сточна и живинска храна на фармата. Фармата на Азири била семеен бизнис а под концесија на него име имал и 40 хектари земјиште околу Смилковско езеро, каде што на Велики Четврток пред 6 години се случи петкратното убиство. Обиколницата парцелата ја дели на два дела, еден дел во село Смилковци, другиот дел кај езерата. Државата го раскинала договорот со Азири по петкратното убиство. -Фејзи е чичко на Хаки Азири, а вујко на Алил Демири. Во обвинението за гонење на организиран криминал, тој во првичната судска постапка беше обвинет дека по убиството го организирал бегството на Демири Исмаиловиќ, кажа Гетева. Што пишува во обвинението за Фејзи Азири кое што сега треба да го застапува СЈО, се уште не се дознава бидејќи минатата недела кога требаше да започне рочиштето, но Азири бил задржан на Клиниката за пулмологија. По болничкиот третман Азири полицијата го приведе и го однесе во затворот во Штип за издржување на затворска казна за инцидентот на фармата во Белимбегово. Фејзи Азири ќе биде единствениот од обвинетите за Смилковскиот масакар кој во Скпскиот кривичен суд на 16 мај ќе дојде придружуван со судска полиција. Останатите обвинети ќе се бранат од слобода, така одлучи Врховниот суд по барање на Вишото јавно обвинителство, случајот го врати на повторно судење, а со ова ја поништи пресудата на Апелација и на Кривичниот суд кој досудија доживотна затворска казна за тероризам и помагање на тероризам, вели Гетева. Таа во Несомнено открива дека и како доказ во овој случај се и бомбите кои што ги има Специјалното јавно обвинителство, а ги достави Зоран Заев.

Адвокат на обвинетите од СЈО: Секојдневно седење на осомничените во судовите до 22 часот им оневозможува ефективно да се бранат

Ивона Петрова — Wed, 18 Apr 2018 12:46:44 +0000

Долгото држење на обвинетите во судовите и секојдневно закажување на рочиштата значи еден вид притисок и заплашување на осомничените за случаевите кои ги води СЈО истакна адвокатот Боро Тасевски во емисијата „Несомнено“ на Алфа ТВ. Тој како адвокат на обвинетите од случаевите кои ги води СЈО, посочи дека вршење на притисокот врз осомничените им оневозможува да спроведат ефективна одбрана. - Тоа е еден голем притисок и едно големо оневозможување на одбрана и на обвинетите да формираат ефективна одбрана што е едно од основните начела кој го штити судот од човековите права во Стразбург. Меѓутоа не е само тоа. Ние имаме и други ситуации а таа е следната. Некои од обвинетите е буквално секојдневно не само што се изложени на ситуација да бидат цел ден до спиење буквално држење во судот, туку и секојдневно се на рочишта и тоа на различни судења. Јас би разбрал да има континуитет едно судење меѓутоа вие во тек на една недела од да речеме 4 работни дена на предвелигденските празници да бидете 4 дена во судница за 3 различни предмети па кога тој обвинет човек ќе го оствари своето право на ефективна одбрана? Кога да се подготви и да учествува наредниот ден на ново рочиште по друг предмет а знете дека сите предмети се со огромен доказен материјал. Значи за вакво нешто по мое длабоко убедување не постојат никакви оправдувања и причини истакна Тасевски. Тој рече дека се обратил и до судиите и до претседателот на судот со барање да се направи соодветно растојание на рочиштата за да може обвинетот ефективно да се подготви. Адвокатот Боро рече дека Законот за кривичната постапка предвидува некои основи за итно постапување меѓутоа во овие предмети такви основи за постапување на итност не постојат. - Зошто вака да се постапува? Кое е оправдувањето и логиката на институциите на судот и на судиите да вака постапуваат?, праша Тасевски. Адвокатот прашува и дали е нормално постапување да се останува во судница до 22 часот или пак определен обвинет за најразлични предмети да биде секојдневно во судница. Според него нема никаква правна оправданост за ваков притисок кој им се врши на осомничените.

Несомнено: Ако ОЈО има докази за терористичко загрозување на уставниот поредок и безбедноста на државата тогаш чуму циркузот?

Ивона Петрова — Wed, 04 Apr 2018 17:52:12 +0000

Кривичната пријава за фотографирање на поранешниот директор на БЈБ и министер за внатрешни работи Митко Чавков никако да стигне на дневен ред во Јавното обвинителство, открива Катерина Гетева во нејзиното вчерашно издание на емисијата „Несомнено“. Како што истакна Гетева, линчот врз Чавков почнува од првиот ден од неговото апсење, но причината зошто ОЈО не покренува кривичната одговорност за незаконско фотографирање на Чавков се уште не е позната за јавноста. МВР го најде лицето кое го сликаше Митко Чавков во истражниот затвор Шутка, но јавното обвинителство никако да напише кривична пријава за лицето, пренесува Гетева. Зошто со месеци не е поднесена кривична пријава за фотографирањето на поранешниот министер на МВР и директор на БЈБ Митко Чавков ако се знае кој неовластено го фотографирал во истражниот затвор Шутка. Обвинителството потврдува дека ги знае сторителите на овој случај, но нејасно е што уште истражува кога се знае дека лицето кое ја направило фотографијата го виделе од затворската полиција во Шутка, а истото го утврдила и внатрешната контрола на МВР. Пријава за овој случај поднела и сопругата на Митко Чавков, вели Гетева. Уште за време на првото апсење на Митко Чавков како да не важеа основните човекови права и презумцијата на невиност, па не беше доволно незаконското фотографирање од распитот пред судија на претходна постапка во Кривичниот суд кога за прв пат беше уапсен во ноември лани, па неколку дена подоцна беше објавена фотографија од екс министерот на полицијата во истражниот затвор Скопје додека е на издржување на мерката притвор. Срамната фотографија беше направена од истражната кула која гледа во дворот на Шутка. За овој случај под притисок на јавноста постапка отвори и внатрешната контрола на МВР. Тогаш од МВР објавија дека сликарот не бил вработен во затворот, туку бил припадник на единицата за поддршка на полицијата која во Шутка била ангажирана да го чува Чавков. Чинот на фотографирањето го видел чуварот во Шутка и го пријавил случајот. Внатрешна контрола уште во декември истражи кој го сликаше Чавков, односно фотографијата ја направил еден полицаец кој потоа ја дал на негов колега, а тој ја објавил на социјалната мрежа „фејсбук“. Линчот врз Чавков не престанува уште од првиот ден. Фотографиите кои беа објавени во јавноста наидоа на восхит кај дел од политичарите од СДСМ. Гетева го анализира и повторното притворање на Митко Чавков, после одлуката на Врховен суд. Таа додаде дека ПР стратезите сигурно заборавија дека во октомври минатата година викаа фотографи за да го сликаат селењето на Чавков од функционерската зграда кај нова железничка во Скопје. А и кога го уапсија првиот пат, тој бил лишан од слобода од куќата во Ново Лисиче. Нејасно е како полицијата два пати го барала во празен стан во општина Центар кога и обвинението и на решението за притвор стои адресата во Лисиче, а надлежни за да вршат контрола дали Чавков ја почитува одлуката за куќен притвор се полицајците од полициската станица Аеродром, објаснува Гетева.

„Несомнено“ открива: Началник на СВР Битола се обидел да сокрие сообраќајка во која учествувал неговиот син

Ивона Петрова — Thu, 29 Mar 2018 08:11:23 +0000

Катерина Гетева во нејзината емисија „Несомнено“ открива случај за сообраќајка каде што едно од лицата учесници е син на началник на СВР Битола. Она што Гетева го истакнува е што началникот го сокрил случајот и на оштетените им ветил дека ќе им плати 3.000 евра, но тие пари во целост никогаш не им ги дал. Целиот случај го преземал Битолскиот суд, во граѓанска постапка судот одлучил во корист на оштетените. Но иако станува збор за граѓанска парница, „Несомнено“ се обратиле до внатрешна контрола на битолската полиција и прашале дали началникот прекршил некои дисциплински процедури? Битолчанец го тужи началник на полицијата во Битола и неговиот син, затоа што по направена сообраќајка, началникот им ветил оштета од 3.000 евра за автомобилот. Но, парите со години не му ги давал, па оштетениот решил да ги тужи. За оваа сообраќајна несреќа нема записник во СВР Битола затоа што во пресудата пишува дека критичната ноќ по предлог на началникот полиција не била повикана. За овој случај Битолскиот суд има донесено првостепена пресуда, но се уште нема одговор од МВР дали внатрешна контрола е запознаена со случајот и дали има некои дисциплински пропусти во постапувањето на началникот. Првостепена пресуда на Битолскиот суд е донесена на 20 ноември 2017 година во корист на оштетените. Сообраќајката се случила на 16 април 2016 година кога синот на началникот кој бил другар со синот на оштетенито битолчанец, критичната ноќ биле излезени заедно. Синот на началникот го замолил својот другар да го повози неговиот автомобил, ги добил клучевите, па тој бил возач, а синот на оштетениот совозач. Несреќата се случила половина час после полноќ, кога синот на началникот движејќи се со поголема брзина изгубил контрола и излетал од коловозот, пишува во образложението на пресудата. Возилото од ударот било оштетено, но за среќа во сообраќајката немало жртви. Случајни минувачи повикале брза помош иако ниту оштетениот ниту тужениот имале потреба од лекар. На лице место дошле и двете семејства, таткото на момчето кое тужи и таткото на обвинетиот, началник во СВР Битола кој ноќта кога се случила несреќата бил на работа, а на местото на несреќата пристигнал со службена кола без полициски ознаки, но придружуван од негов колега полицаец во униформа. Прво тужениот Н. Кој бил на лице место го прашал дали возилото му е каско осигурено, а тужителот му кажал дека нема такво осигурување, а потоа тужителот ги прашал тужениот Н. и друго лице кој биле со него со полициска ознака, што да преземат и добил одговор дека ако се јави во полицијата трошоците и проблемите ќе бидат уште поголеми во однос на возилото и тужениот, пишува во пресудата. Поле настанот, возилото го земале началникот и неговиот син со слеб служба, при што по неколку дена се сретнале со оштетените во еден ресторан во Битола. По што началникот му посочил на оштетениот дека не се исплаќало возилото да се поправа и предложиле тие да го земат возилото и да го продадат, а за тоа да му исплатат на оштетениот 3.000 евра, пишува во првостепената пресуда на битолскиот суд. По одреден период таткото и синот оштетени во постапката добиле телефонски повик каде што биле известени дека автомобилот го продале за 750 евра, каде што 50 евра задржале за себе а на оштетените битолчани им дале 700 евра. Дента кога им ги дале парите, ја земале и дозволата за возилото и им ветиле на оштетените дека остатокот од парите 2300 евра ќе им бидат дадени за брзо време. Но, со месец иако началникот имал средби со таткото на оштетеното момче и неговиот адвокат, сумата до 3.000 евра не била исплатена. Случајот бил даден на суд каде што следи престврт. Началникот и неговиот син негираат дека воопшто се случила сообраќајна несреќа на 16 април 2017 година. Во прилог им било тоа што вечерта кога е случила несреќата не била повикана полиција иако тој бил на работа, а според наводите во образложението на пресудата со службено возило пристигнал на местото на настанот во придружба на униформиран полицаец. Но, судот за несреќата обезбедил информации од брзата помош каде што била повикана од случајни минувачи. Со писмен доказ доставен од Брзата помош се утврдува дека со сигурност настанала сообраќајна незгода и на лице место биле евидентиран сведокот и второтужениот. Судот оцени дека исказите на тужените во целост се дадени со цел да ја избегнат обврската за плаќање а договорениот износ со тужителот. Поради тие причини судот не го прифати исказот на тужениот, во кој наведува дека тој не бил на лице место после настанот, дека немал средби со адвокатот на оштетениот во неговата службена канцеларија, дека неговиот син таа вечер бил излезен со девојката а не со другар му, стои во пресудата. Судот во Битола носи одлука тужените да им платата уште 2.3000 евра на оштетените. На пресудата донесена од битолскиот суд, има право на жалба до повисокиот суд во случајот Апелација. Но, она што се наметнува како прашање е дали кога судот разрешувал граѓанска парница, МВР знаела за што е тужен началникот. Несомнено за ова побарале одговор од МВР и прашале дали евентуално биле направено некакови дисциплински пропусти каде што по сугестија на началникот не била повикана полиција за да изготви записник за случајот.

Несомнено: Необјективно и неосновано вештачење и судење за владиниот Мерцедес

Ивона Петрова — Wed, 21 Feb 2018 15:09:53 +0000

Вчерашното издание на Несомнено на Алфа Телевизија ги става под знак прашалник објективноста и основаноста на обвинението Тенк на СЈО, за набавката на владиниот Мерцедес. Истражувањето на Несомнено дојде до повеќе спорни моменти во обвинението, доказната постапка и вештачењето каде постои голем сомнеж за политичка пристрасност против обвинетите. Во обвинението на СЈО постојат два клучни моменти кои се спорни и нелогични. Прво СЈО обвинува за незаконски спроведен тендер. Нелогичноста за ова обвинение е во тоа што Законот за јавни набавки дозволува ваква специфична набавка да се реализира без воопшто да биде распишан тендер, иако во конкретниот случај набавката за мерцедесот МВР распишало тендер. Вториот момент кој е клучен и истовремено спорен е дека според СЈО обвинетите овозможиле само на една фирма да го набави возилото. Но, антимонополските закони во Македонија не дозволуваат ексклузивност само една компанија да врши увоз на возила од која било марка. Па така не може да станува збор за фаворизирање на една фирма, бидејќи која било фирма увозник или регистрирана за возила можела да набави исто такво возило од фабриката на Мерцедес. Спорно е и објективноста на вештачењето. СЈО во вештачењето за овој случај ангажирале лица со истечени лиценци да го вештачат мерцедесот како и вештак кој како што тврдат бил близок до актуелната власт. - Кај мене постои објективно оправдан сомнеж за објективноста на вештачењата во врска со лиценците, но и по однос на политичката кариера на Тале Герамитчиоски, кој извршувал висока партиска функција. Тој бил избран и именуван по предлог на СДСМ во мое време кога јас извршував исто така висока политичка функција. Политички опонент на партијата што го избрале за вештак. Барам од судот да го земе во предвид ова мое сомневање за неутралноста за вештаците бидејќи ваквиот нивен политички ангажман го загрозува правото на моја одбрана, вели поранешната министерка за внатрешни работи Гордана Јанкулоска. Но, Судот досега нема прифатено ниту едно барање на одбраната или на обвинетите. Нив не им беше овозможено да даваат предлози во истакнувањето приговори и забелешки и сето тоа да биде забележано во записник. Исто така Несомнено, потенцира дека одбраната нема пристап до доказите, односно Судот одбива доказите да ги даде на одбраната. Тоа значи дека адвокатите се спречени да ја подготват одбраната за случајот. Сето тоа со право и дава на одбраната и обвинетите да се сомневаат дека целиот случај е политички монтиран и дека целото судење е како во народната изрека „Кадија те тужи, кадија те суди“, односно во овој случај „СДСМ те тужи, СДСМ те суди“.