неспособен – Kurir.mk

Хоти: Извештајот на Курти за средбата во Брисел беше тажачка и доказ за неговата неспособност

Тале Кристо — Mon, 18 Sep 2023 13:14:18 +0000

Пратеникот на опозицискиот Демократски сојуз на Косово (ЛДК), поранешниот премиер, Авдулах Хоти рече дека денешниот извештај на премиерот Албин Курти пред медиумите во врска со дијалогот со Србија беше „тажачка и доказ за неговата неспособност да го води овој процес“, јави дописникот на МИА од Приштина. Во објава на својата страница на Фејсбук, Хоти наведува дека Курти и овој пат ја прекршил својата обврска за да известува во Собранието за текот на дијалогот. „Денешното известување пред медиумите за дијалогот на премиерот беше тажачка и доказ за неговата неспособност да го води овој процес. Известувањето во однос на дијалогот мора да се врши во Собранието на Косово, како што се бара со Резолуцијата на Собранието, во која се вели „Премиерот поднесува извештај до Собранието пред и по секоја средба во рамките на дијалогот Косово-Србија“. Потсетуваме дека за две години дијалог, само една информација му даде на Собранието премиерот на седница што ја побара опозицијата“, напиша Хоти. Според него, Курти го деградирал дијалогот и ѝ нанел голема штета на земјата. - Од „Дијалог за конечен, правно обврзувачки договор, за меѓусебно признавање и нормализација на односите“ до „Дијалог за управување со кризи“. Мора да се каже дека кризите беа испровоцирани од Србија, но беа менаџирани лошо и без координација со сојузниците од страна на Владата на Косово. За прв пат Косово е осамено во дијалогот наспроти Србија. За жал, се чини дека Владата на Косово денес нема близок сојузник за прелиминарни консултации, како што секогаш се случувало во преговарачките процеси на Косово со Србија, напиша Хоти. Курти на денешната прес-конференција изјави дека шефот на дипломатијата на Европската унија, Жозеп Борел и посредникот во дијалогот меѓу Косово и Србија, Мирослав Лајчак биле синхронизирани и во координација со српскиот претседател, Александар Вучиќ на средбата во Брисел на 14 септември.

Андоновска: Филипче во трка за „маж на годината“?! – Да има натпревар во неспособност и тогаш ќе биде втор, бидејќи е неспособен!

Тале Кристо — Thu, 12 Nov 2020 11:50:38 +0000

Филипче во трка за "маж на годината", до ова му дојде, додека луѓе умираат!? Да има натпревар во неспособност и тогаш ќе биде втор, бидејќи е неспособен!, реагира Марија Андоновска од ВМРО-ДПМНЕ. Во продолжение целата Фејсбук објава на Андоновска: До ова му дојде, додека луѓе умираат!? "Лепотан" на мајка, "маж на годината"!? За што!? За тендерите во четири очи!? За хациендите што си ги гради!? За граѓаните кои ги одра до гола кожа да плаѓаат по приватни болници!? За немањето на протокол и стратегија за лекување од Covid !? За луѓето кои му умираат по улици , незгрижени!? За современите терапии кои се користат секаде, а кај нас ги нема!? За хроничните болни кои ги примора да одат на работа, а термин за преглед неможат да обезбедат!? За матичните доктори и стоматолози, кој не ги праша како се за време на цела пандемија, а камо ли да им помогне!? За здравствените работници кои сами си купуваат заштитна опрема !? За немање "бел план"!? За немање термин за тестирање државно, освен за функционери на СДС!? За 3500 здравствени работници кои не се вработени, а се враборуваат партиски војници во администрација, во време кога недостасува здравствен кадар !? За најмногу заболени и најмногу починти во регионот и пошироко!? За најдонар ПР, за што !? Избор за маж на годината, лудило! До тоа му дојде на најнеспособниот министер за здравство!? Да има натпревар во неспособност и тогаш ќе биде втор, бидејќи е неспособен!, вели во својата објава Андоновска.

Хејстингс: Борис Џонсон е целосно неспособен да биде премиер

Дарко Андоновски — Wed, 26 Jun 2019 05:36:05 +0000

Макс Хејстингс, поранешен шеф на Борис Џонсон, остро го критикуваше во колумна објавена во „Гардијан”, изразувајќи верување дека е целосно неспособен за функцијата премиер. Во текстот, тој го нарекува силеџија и го опишува како личност која се грижи само за себе. „Ториевците подготвуваат невкусна шега на сметка на Британците. Џонсон не се грижи за ништо друго освен за сопствената слава и задоволство”, пишува Макс Хеистингс на почетокот од колумната. Тој објаснува дека тој го познава Џонсон од 80-тите, кога го уредувал Дејли телеграф, а Џонсон бил дописник од Брисел. „Со децении тврдам дека иако бил генијален забавувач, популарниот градоначалник на Лондон, е лош избор за националната канцеларија, бидејќи тој се чини дека тој на ум ја има само сопствената слава и задоволство”, додава тој. „Не можеме да предвидиме што ќе направи влада на Џонсон бидејќи ни нејзиниот потенцијален лидер не размислува за тоа. Но, неговото „премиерување“ сигурно ќе открие презир кон правилата, преседаните, редот и стабилноста“.