неспособна – Kurir.mk

ВМРО-ДПМНЕ: Власта не ги продолжи мерките, граѓаните скапо ја плаќаат нивната неспособност

Тале Кристо — Thu, 02 Jun 2022 06:45:02 +0000

Од вчера граѓаните се соочуваат со енормен ценовен шок. Владата не Ги Продолжи мерките и сега цените на основните производи на граѓаните се поскапи за најмалку 5%. Со нови цени е маслото кое достигна над 160 денари и лебот кој чини и по 40 денари, новата цена на брашното достигна 60 денари, шеќерот 60 денари, 10 јајца над 100 денари итн, велат во партиското соопштение од ВМРО-ДПМНЕ. Инфлацијата во месец мај и почетокот на јуни продолжува да го уништува стандардот на граѓаните. Сите основни трошоци за живот на граѓаните за кратко време двојно се поскапени. Во таква ситуација власта на СДСМ и ДУИ не ги продолжува мерките, туку во Собранието предлага формирање на втора компанија за игри на среќа. Симболиката е дека оваа власт се коцка со животот на граѓаните. Власта се правда и бара алиби во други, но вистината е дека во Македонија како во ниедна земја во регионот, се случува економска катастрофа. Имаме најнизок раст на БДП, имаме галопирачки раст на долгот, имаме една од највисоките стапки на инфлација, имаме половина милион жители кои живеат со 150 денари во денот и 35% од граѓаните во ризик од сиромаштија. Ова е поразителната реалност која најкорумпираната и најнеспособната власт на СДСМ и ДУИ нема да ви ја кажат кога ќе се правдаат дека кризата е увезена. Изворот на кризата во Македонија е власта на СДСМ и ДУИ и затоа се потребни предвремени избори, се вели во соопштението на ВМРО-ДПМНЕ>

Неспособноста на Владата на дело: За шест недели во Македонија се вакцинирале околу седум илјади лица, а во Србија толку за еден ден

Тале Кристо — Sun, 28 Mar 2021 15:52:59 +0000

Тоа што за 6 недели во Македонија се вакцинирани само околу 7.000 лица, а само вчера во Србија бесплатно се вакцинираа над 2.000 македонски државјани или брокјките одат и до 7 илјади, најдобро ја отсликува неспособноста на Владата која своите граѓани, кои во оваа држава плаќаат здравствено осигурување, ги остави сами да се снаоѓаат за нивното здравје и живот и Македонија ја смести на катастрофално место на листата за вакцинација во светски рамки и во првите места по превисока смртност од КОВИД-19. И покрај лошата состојба со пандемијата, високата бројка на новозаразени и починати како резултат на тоа што нема соодветни мерки и вакцини, најлошто е тоа што владејачката партија оддржа партиски избори на кои гласаа околу 60 илјади членови на партијата, а од друга страна не се откажува ниту пописот кој треба да почне на први април. За откажување на пописот не се размислува и откако самиот директор на Државниот завод за статистика, Апостол Симовски призна дека дури четворица од инструкторите за попис се позитивни на КОВИД-19, а не се знае дали од истите се заразени и попишувачите кои тие ги обучувале и за неколку дена ќе треба да одат во секој дом. Во ваква ситуација наместо да се изнаоѓаат решенија за справување со пандемијата, обезбедување на вакцини кои требаше да бидат обезбедени уште пред три месеци со што бројката на починати и заразени ќе беше сигурно помала, премиерот Зоран Заев и министерот за здравство Венко Филипче кои се директно одговорни за тоа, според фотографиите кои денеска беа објавени во медиумите, денешното сончево време го искористија да возат мотор низ Македонија. Инаку во Србија денеска повторно има наплив од македонскикои чекаат да бидат вакцинирани, како и 1000 македонски стопанственици кои се очекаува да бидат вакцинирани во рамките на акцијата која ја организираше Стопанската комора на Македонија заедно со Стопанската комора на Србија во рамките на Коморскиот инвестициски форум. За да се пријават странци за вакцинација против коронавирус преку порталот е-Управа во Србија, покрај основните податоци и електронска адреса, потребно им е да имаат и српски број на мобилен телефон, преку кој се добива потврда за закажано време и место на вакцинација. Истата порака ја добиваат и преку електронската адреса, а вакцинацијата во Србија е бесплатна.

Милошоски: Провизиите и се побитни на власта отколку здравјето на граѓаните, но ние имаме неспособна влада која моли за 4.600 вакцининеспособна

Тале Кристо — Mon, 15 Feb 2021 13:54:00 +0000

Денес Антонијо Милошоски по посетата на фабрика „Joopone“ во индустриска зона Каласлари во врска со вакцините одговори на медиумите дека сите македонски граѓани се благодарни на донацијата на Република Србија, но овој чин не ја покрива неспособноста на Заев и Филипче што не можат да обезбедат вакцините за македонското население. -Го видовме вчерашниот настан на Табановци и јас би дал еден краток коментар дека вчера на Табановце видовме претставници на една способна влада и способна држава која за своите граѓани обезбедила милион вакцини тоа е Република Србија, и претставници на една неспособна влада од нашата држава за жал, која што моли за 4.600 вакцини. Благодарни сме за таа донација во секој случај но тоа не ја покрива неспособноста на Заев и Филипче. Сметаме дека таквиот однос да се проси за вакцини, наместо истите да се обезбеделе пред 3, 4 или 5 месеци покажува дека оваа влада, провизиите и се поголем приоритет отколку здравјето на граѓаните, појасни Милошоски. Милошоски додаде дека вакцинација заслужуваат не само еден дел на медицински лица, туку сите медицински сестри и лекари, вклучително и матичните лекари кои што се на линијата на фронтот со секој пациент. Не може да се изостават матичните лекари како дел од системот.

Комисија за економија на ВМРО-ДПМНЕ: Владата предводена од СДСМ не е способна да се справи со кризата

Тале Кристо — Sun, 14 Feb 2021 19:42:02 +0000

Па нормално е дека ќе имаме некако раст годинава кога минатата година ја завршивме со пад поголем од - 5%, а растот на економијата во тековната година се мери во однос на минатата година, реагираат од Комисијата за економија на ВМРО-ДПМНЕ.. Она што е многу поважно е фактот што растот годинава нема да биде доволен за да ги покрие загубите од минатата година, што значи дека враќање на економија на нивото пред кризата се очекува на крајот на 2022 година, велат од Комисијата. Од ова може да се заклучи колку е неспособна оваа Влада предводена од СДСМ да се справи со кризита, а да не зборуваме за илјадници ветени, а не реализираа проекти во економијата, стои во реакцијата.

Мицкоски: Оваа владејачка гарнитура освен што е неспособна и делува изгубено, ВМРО-ДПМНЕ на брза лента Македонија ќе ја внесе во ЕУ

Тале Кристо — Thu, 07 Jan 2021 14:25:42 +0000

Мицкоски: Оваа владејачка гарнитура освен што е неспособна и делува изгубено, ВМРО-ДПМНЕ на брза лента Македонија ќе ја внесе во ЕУ Претседателот на ВМРО-ДПМНЕ, Христијан Мицкоски во интервју за порталот Нетпрес посочи дека во овој момент евроскептицизмот, некако се поставува како еден вид кочница и бариера за да се даде дополнителен притисок. „Исто така, многу можно е и дека се во право некои кога велат дека станува збор за можен притисок врз земјите аспиранти за членство од регионот, да ги завршат оние свои домашни задачи. Голем дел од државите од регионот сѐ уште ја немаат завршено домашната задача, но исто така, пак, ако ова ниво на коешто сега е Македонија, не заради Зоран Заев, туку заради реформите коишто се направени во минатото, го споредиме со нивото на некои земји членки на Европската унија, кога биле кандидати и кога преговарале, можам да кажам дека е во многу подобра позиција. Имаме земји членки, коишто денес се дел од Европската унија, па ги немаат спроведено тие реформи“, појасни Мицкоски. Мицкоски додаде дека оваа владејачка гарнитура не освен што немаат потенцијал, туку цени и дека делуваат изгубени. Во една прилика не знаел дали е сон или јаве кога прочитал дека планираат да ангажираат професионални преговарачи, платени преговарачи од земји членки на Европската Унија, коишто ќе преговараат заедно со тимови од наши институции со Европската комисија. Но, потоа ја прочитал веста уште еднаш, двапати и сфатил дека не е сон, туку дека е навистина јаве. „Ја гледам ВМРО-ДПМНЕ како идна влада кој ќе го отвори тој процес и тогаш сум уверен на брза лента, бидејќи ВМРО-ДПМНЕ и како партија, но и како структура и како политика, би рекол, може да организира сериозна група интелектуалци, не само во Македонија туку и надвор, коишто практично можат овој процес да го изведат онака, токму на брза лента. И ценам дека, ако се споредуваат капацитетите на ВМРО-ДПМНЕ и СДСМ, тогаш далеку, далеку се поголеми на ВМРО-ДПМНЕ од оние кои ги поседува СДСМ. Така што, би рекол, дека идната Влада на ВМРО-ДПМНЕ може многу брзо да го изоди овој пат. Не го зборувам ова субјективно, туку силно верувам во тоа што го зборувам“ нагласи Мицкоски.