нето плата – Kurir.mk

Просечната нето-плата во август 36 390 денари

Катерина Бојаџиева — Fri, 20 Oct 2023 10:07:35 +0000

Просечната месечна исплатена нето-плата по вработен во земјава, во август година, изнесува 36 390 денари, што е за 14.2 отсто повеќе во оснос на истиот месец лани, соопшти Државниот завод за статистика. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Административни и помошни услужни дејности (21.6 %), Образование (17.5 %) и Градежништво (16.5 %). Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (3.8 %), Административни и помошни услужни дејности (3.3 %) и Објекти за сместување и сервисни дејности со храна (2.3 %). Просечната месечна исплатена бруто-плата во август годинава изнесувала 54 595 денари.

Влада: Просечната нето плата во државата 36.465 денари

Ивона Петрова — Fri, 21 Jul 2023 12:06:22 +0000

Просечната месечна исплатена нето-плата по вработен, во мај 2023 година, изнесува 36 465 денари и таа е повисока за 16,1 отсто во однос на истиот месец минатата година. Зголемувањето е за 5 058 денари. Согласно Државниот завод за статистика, ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Административни и помошни услужни дејности (25.5 %), Стручни, научни и технички дејности (21.4 %) и Финансиски дејности и дејности на осигурување (18.8 %). Зголемување на просечната месечна исплатена нето-плата по вработен, во однос на претходниот месец, е забележано во секторите: Други услужни дејности (5.3 %), Стручни, научни и технички дејности (5.0 %) и Транспорт и складирање (4.3 %).

Просечната нето платата во јануари 33 943 денари

Ивона Петрова — Tue, 21 Mar 2023 11:44:00 +0000

Просечната месечна нето плата во јануари годинава изнесувала 33 943 денари и во однос на истиот месец лани е зголемена за 13,2 процента, објави денеска Државниот завод за статистика. Ваквото зголемување се должи, пред сѐ, на зголемувањето на просечната месечна исплатена нето-плата по вработен на годишно ниво во секторите Транспорт и складирање (23,4 проценти), Градежништво (20,9 проценти) и Информации и комуникации (17,3 проценти). Намалување на просечната месечна исплатена нето-плата по вработен во однос на декември 2022 година е забележано во секторите: Градежништво (5,1 проценти), Преработувачка индустрија (5 проценти) и Трговија на големо и трговија на мало; поправка на моторни возила и мотоцикли (3,5 проценти). Просечната месечна исплатена бруто-плата по вработен, во јануари 2023 година, изнесува 50 837 денари.

Нето платата во декември 34 364 денари

Ивона Петрова — Wed, 22 Feb 2023 12:13:46 +0000

Просечната месечна исплатена нето-плата по вработен, во декември 2022 година, изнесува 34 364 денари и во однос на декември 2021 година, е зголемена за 14,8 проценти, објави денеска Државниот завод за статистика. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Преработувачка индустрија (20,4 проценти), Уметност, забава и рекреација (20,2 проценти) и Административни и помошни услужни дејности (19 проценти). Зголемување на просечната месечна исплатена нето-плата по вработен, во однос на претходниот месец, е забележано во секторите: Транспорт и складирање (10,4 проценти), Дејности во врска со недвижен имот (10,2 проценти) и Уметност, забава и рекреација (8,4 проценти). Како што објави ДЗС, просечната месечна исплатена бруто-плата по вработен, во декември 2022 година, изнесува 51 387 денари.

Нето платата во октомври 33.104 денари

Ивона Петрова — Thu, 22 Dec 2022 14:38:12 +0000

Просечната месечна исплатена нето-плата по вработен во октомври годинава изнесува 33 104 денари и во однос на октомври лани е зголемена за 13,6 проценти, објави денеска Државниот завод за статистика. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (19,6 проценти), Објекти за сместување и сервисни дејности со храна (19,3 проценти) и Преработувачка индустрија (17,6 проценти). Како што наведува ДЗС, зголемување на просечната месечна исплатена нето-плата по вработен, во однос на претходниот месец, е забележано во секторите: Снабдување со електрична енергија, гас, пареа и климатизација (6,7 проценти), Други услужни дејности (3,9 проценти) и Дејности во врска со недвижен имот (3,2 проценти). Просечната месечна исплатена бруто-плата по вработен, во октомври годинава изнесува 49 585 денари.

Просечната нето плата во Црна Гора во јуни 708 евра, за 2,1 отсто пониска

Тале Кристо — Fri, 29 Jul 2022 07:44:13 +0000

Просечната нето плата во Црна Гора во јуни изнесувала 708 евра и е за 0,3 отсто помала од претходниот месец, покажуваат податоците на црногорската статистичка агенција Монстат. Ако се земе предвид дека потрошувачките цени во јуни во однос на мај пораснале за 1,8 отсто, произлегува дека реалната заработка забележала месечен пад од 2,1 отсто, се објаснува во соопштението на Монстат. Во однос на јуни 2021 година, просечната јунска нето плата е зголемена за 33,6 отсто. Просечната бруто-плата по вработен во јуни изнесувала 873 евра. Монстат објави и дека просечната бруто-плата по вработен во вториот квартал годинава, во однос на првиот квартал, бележи намалување од 0,3 отсто.

Просечната нето месечна плата во април 31.525 денари

Ивона Петрова — Wed, 22 Jun 2022 10:32:55 +0000

Просечната месечна исплатена нето-плата по вработен во април годинава изнесува 31.525 денари е зголемена за 10,9 отсто во однос на април лани, објави денеска Државниот завод за статистика. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Објекти за сместување и сервисни дејности со храна (24,8 проценти), Уметност, забава и рекреација (20,1 процент) и Административни и помошни услужни дејности (17 проценти). Раст на просечната месечна исплатена нето-плата по вработен, во однос на претходниот месец, е забележано во секторите: Дејности на здравствена и социјална заштита (8,3 проценти), Градежништво (5,6 проценти) и Дејности во врска со недвижен имот (4,5 проценти). Исплатена бруто-плата по вработен, пак, во април годинава изнесува 47.092 денара и е за 11 отсто зголемена во однос на бруто-платата во април лани.

Просечната нето плата во април 28.438 денари

Ивона Петрова — Tue, 22 Jun 2021 10:49:36 +0000

Просечната месечна исплатена нето-плата по вработен во април 2021 година изнесувала 28.438 денари, а бруто платата била 42.441 денари. Според Државниот завод за статистика, просечната нето-плата годинава е поголема во однос на април лани за 10,1 отсто, додека бруто платата за 10 проценти. -Зголемувањето на просечната нето-плата се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (28,6 отсто), Финансиски дејности и дејности на осигурување (24 отсто) и Објекти за сместување и сервисни дејности со храна (21,7 проценти), додека зголемувањето на бруто платата е резултат пред се на зголемувањето на просечната месечна исплатена бруто-плата по вработен во секторите: Уметност, забава и рекреација (28,3 отсто), Финансиски дејности и дејности на осигурување (24,1 процент) и Објекти за сместување и сервисни дејности со храна (21,4 отсто), информира Заводот. Зголемување на просечната месечна исплатена нето-плата по вработен во однос на март 2021 е забележано во секторите: Финансиски дејности и дејности на осигурување (21,4 отсто), Уметност, забава и рекреација (3,7 отсто) и Земјоделство, шумарство и рибарство (2,9 проценти). Зголемување, пак, на просечната месечна исплатена бруто-плата во однос на март е забележано во секторите: Финансиски дејности и дејности на осигурување (21,3 отсто), Уметност, забава и рекреација (3,4 отсто) и Земјоделство, шумарство и рибарство (2,9 проценти).

Македонија на дното во Европа по висина на нето плата

Ивана Ефремовски — Tue, 12 Mar 2019 08:03:10 +0000

Наспроти фалбите на министерот за финансии Драган Тевдовски за значително зголемување на месечните примања на македонските работници, Македонија е на неславното 35. место меѓу 39 земји во Европа според просечната нето плата од 372 евра. Помалку платени од вработените во Македонија на стариот континент се само нивните колеги во Албанија (347 евра), во Белорусија (320), во Молдавија (216) и во Украина (190). Освен Албанија, пред Македонија во овој поглед се сите земји во регионот: Косово (405 евра), Србија (407), Бугарија (423), Босна и Херцеговина (439), Црна Гора (508), Хрватска (800), Грција (917), Словенија (1.051) итн. Највисока нето плата се добива во три земји што не се членки на Европска унија, и тоа Швајцарија (4.421 евро), Исланд (3.430) и Норвешка (3.405). Извор: Експрес