Од утре се укинува забраната за движење во шума и на шумско земјиште

Дарко Андоновски — Thu, 23 Apr 2020 11:54:46 +0000

Министерот за земјоделство, шумарство и водостопанство Трајан Димковски, на барање на ЈП „Национални шуми“ ја отповика забраната за движење во шума и шумско земјиште со кои стопанисува ЈП „Национални шуми“, донесена на 16 април 2020 година. -Со промената на временските услови и пролетното развивање на вегетацијата, се намали опасноста од појава на пожари на отворено и поради новосоздадените услови Министерството за земјоделство, на барање на ЈП „Национални шуми“, ја укинува забраната за движење во шума и шумско земјиште. Решението за укинување на забраната за движење во шума и шумско земјиште стапува во сила од утре, 24 април 2020, информира МЗШВ. ЈП „Национални шуми“ ќе продолжат и понатаму да ја следат состојбата со шумите и движењето на граѓаните (рекреативците и сите што извршуваат шумско културни активности). Доколку се процени дека повторно се создале услови за ризик од шумски пожари, забраната повторно ќе се воведе. – Ги потсетуваме сите граѓани дека согласно член 46 од Законот за земјоделско земјиште и член 23 од Законот за ловство, забрането е палење стрништа, плевел и други растителни отпадоци во ловиштата и друг земјоделски отпад на земјоделско земјиште, како превентивна мерка за заштита од појава на пожари на отворен простор, наведува Министерството. МЗШВ апелира граѓаните одговорно да се однесуваат додека се движат низ шума, да се грижат за природата, да не фрлаат догорчиња и запалливи материи со што ќе придонесат за зачувување на животната средина.

Курти се извини заради неукинување на таксата и непочитување на препорака за заштита од коронавирусот

Тале Кристо — Sun, 15 Mar 2020 10:33:41 +0000

Косовскиот премиер Албин Курти се извини на граѓаните затоа што Владата не ја укина од денеска, како што пртходно имаше најавено, таксата од 100 отсто на увозот на сировини од Србија и Босна и Херцеговина, јави дописникот на МИА од Приштина. Во објава на својот Фејсбук, насловена „Две извинувања“, Курти побара извинување и што не ја испочитувал препорака за одржување физичка дистанца од над еден метар со луѓето заради заштита од коронавирусот. Косовскиот премиер вели дека мерката за делумно укинување на таксата на српскиот увоз е моментно неспроведлива, затоа што неговиот став изнесен на 26 февруари не успеал да го преточи во одлука на Владата. – Жал ми е поради тоа. Се уште не сум успеал да го убедам нашиот коалициски партнер ЛДК (Демократскиот сојуз на Косово), за тоа во што лично сум убеден: постепеното заменување на таксата со реципроцитет е најдобриот, најисправниот и најкорисниот начин, вели Курти. Во врска со препораката за одржување дистанца со други луѓе, Курти вели дека таа не можел да ја испочитува на вчерашната седница на Собранието, на која се расправаше за буџетот на Косово за 2020 година. – На вчерашната седница на Собранието на Република Косово (…) не се испочитува препораката за физичка дистанца од над еден метар меѓу луѓето во време на пандемија на вирусот Корона. Со моите вицепремиери цело време бев поблиску од толку, а понекогаш и во разни други прилики додека се дебатираше за буџетот 2020, кој го усвоивме синоѓа. Жал ми за ова и барам извинување од вас, напиша Курти.

неукинување – Kurir.mk

Од утре се укинува забраната за движење во шума и на шумско земјиште

Курти се извини заради неукинување на таксата и непочитување на препорака за заштита од коронавирусот