неуромедика – Kurir.mk

Неуромедика – повеќе од медицински партнер на РК Вардар

Катерина Бојаџиева — Tue, 15 Aug 2023 12:40:49 +0000

Во време кога РК Вардар почнува нова приказна, отвора нова страница од својата богата и долга спортска историја, и тргнува во испишување на резултати што треба да донесат враќање на клубот онаму каде припаѓа, се проширува и зголемува и бројот на клупските поддржувачи, помагатели и пред се спортски и бизнис пријатели. Се потврдува дека РК Вардар е спортски бренд, и тоа го препознаваат многу компании во Македонија. Во следниот период партнер на РК Вардар ќе биде Неуромедика – првиот приватен медицински бренд во Македонија. Д-р. Емил Угриновски, Генералниот менаџер на Неуромедика и Борко Ристовски, Извршниот директор на РК Вардар ја официјализраа соработката со која Неуромедика ќе биде и многу повеќе од медицински партнер. ” Драго ми е што брендот Неуромедика го препозна се она што го правиме изминатиов период за стабилизиранје и вракање на Вардар онаму каде што припаѓа и сигурен сум дека со ова сме уште еден чекор поблиску до нашата цел, изјави Борко Ристовски, Извршниот директор на РК Вардар. Неуромедика ќе се грижи за здравјето на нашиот спортски колектив, и истовремено ќе биде соработник кој треба, и ќе придонесе за постигнување на врвни резултати. Ќе помогне во насочување на спортистите кон целосна посветеност на целта – постигнување врвни резултати. Болницата која е позната како голем спортски поддржувач реши за свој партнер на ова поле да го одбере РК Вардар. „Ми претставува огромна чест и задоволство што ние како Неуромедика ќе бидеме дел од клуб како што е Вардар и веруваме дека со оваа наша соработка ќе го издигнеме Вардар на уште повисоко ниво и оваа позитивна иницијатива која што се случува во нашиот град, а е поврзана со Вардар ќе ги даде очекуваните резултати, изјави Емил Уриновски, генералниот менаџер на Неуромедика. Професионалниот кадар на Неуромедика ќе биде на 24 часовна медицинска услуга, што е дел од нивното портфолио, и истовремено нивна екипа ќе биде на сите натпревари што РК Вардар ќе ги игра како домаќин. РК Вардар останува со својата мисија, да биде посакувано место на сите ракометари, и тим што секогаш се стреми кон високи резултати. Новите пријатели кои се приклучија на вардаровото семејство сезонава покажува дека клубот се движи во вистинска насока. Резултаите ќе бидат вистински плод на исполнување на нашите цели и на нашата посветеност.

Неуромедика гламурозно го прослави јубилејот 30 години

Тале Кристо — Thu, 09 Jun 2022 13:45:51 +0000

Вчера, 8 јуни, приватната болница Неуромедика го прослави на највисоко ниво јубилејот 30 години постоење со голем гламурозен настан на кој имаше повеќе од 2000 гости. Настанот доби посебен шарм со македонскиот актер и водител Сашко Коцев, а за забавата и супер расположението на присутните гости се погрижија балканската ѕвезда Саша Матиќ и бендот Тринити Стрингс од Скопје. Свое обраќање имаше и сопственикот и Генерален менаџер на Неуромедика, Д-р Емил Угриновски, кој лично им се заблагодари на присутните за присуството на овој голем настан и се осврна на предизвиците со кои се соочувала компанијата во изминатите 30 години, а истовремено го изрази своето уверување дека успесите на компанијата ќе продолжат и во иднина. “Особено сум горд и среќен на јубилејот 30 години Неуромедика. Да се основа и да се развива прв приватен здравствен бренд во Р. Македонија не беше лесно. Да се опстои 30 години на врвот во македонското и регионалното здравство е резултат само на напорна работа, посветеност, континуирано инвестирање во нашите капацитети и во напредна медицинска апаратура и секако, можеби и најважно, ангажирање на најдобрите доктори и медицински кадар. Неизмерно сум благодарен на нашите вработени, бидејќи заедно секојдневно им помагаме на илјадници пациенти и заедно сме го изградиле брендот Неуромедика да биде она што е денес.” – истакна Д-р Емил Угриновски, сопственик и Генерален менаџер на Неуромедика. 30 годишното искуство и опстојување на пазарот е доказ за успешната приказна на Неуромедика. Со континуирана посветеност кон своите клиенти, но и вработени, постојано вложување во модерна и современа опрема, оваа компанија успева да се одржи на врвот на македонското здравство. Неуромедика е првиот приватен здравствен бренд во Р. Македонија, основан како семеен бизнис од семејството Угриновски во месец јуни далечната 1992г. Она што на стартот била една скромна приватна амбуланта од двајца лекари и една медицинска сестра, за брзо време прераснала во национална поликлиника со повеќе специјалности и со модерни, напредни медицински услови и апаратури. Под водство на Д-р Емил Угриновски, Неуромедика веќе во раните 2000-ти години била распространета низ целата наша држава со поликлиники и дијагностички центри во шест градови, па дури и со два дијагностички центри во земја од ЕУ, односно во Р. Грција. Најголемо достигнување во развојот е изградбата и отворањето на болницата Неуромедика во 2017 година која е инвестиција од 8 милиони евра од сопствен, домашен капитал. Болницата е изградена по највисоки медицински стандарди и е опремена со најсовремена апаратура. Во неа работи тим од над 120 лица, составен од еминентни лекари професори, хирурзи, специјалисти, искусен и посветен помошен медицински кадар, административен персонал и менаџери. На настанот присуствуваа огромен број на гости од земјава и странство, меѓу кои познати, еминентни доктори, медицински лица, бизнисмени, луѓе од шоу бизнисот, пријатели и соработници на компанијата. На свечениот настан награда за животно дело му беше доделена на нашиот најпознат неврохирург Проф. Д-р Јовица Угриновски, за неговата идеја, реализација и посветеност кон развојот на Неуромедика. Неговиот придонес во здравството е неизмерно, а бројот на пациенти на кои со своето знаење и искуство им помогнал е огромен. Пациентите и нивното здравје секогаш се во главен фокус на Неуромедика, па затоа оваа компанија несомнено и во иднина ќе биде во врвот на македонското и регионално здравство.

Неуромедика ја доби наградата Best practice за 2018 од Европското здружение за истражување на квалитет

Катерина Бојаџиева — Sun, 13 May 2018 08:58:51 +0000

26 години врвнатa медицинска стучност, посветеност и квалитет на медицински услуги кои ги нуди првата приватна поликлиника во Македонија Неуромедика резултираа со уште една награда. На форумот организиран од Европското здружение за истражување на квалитет кој се одржа во хотелот Ле Плаза во Брисел Неуромедика ја доби наградата – Best practise за 2018. Наградата Best practise за 2018 ја подигна првиот човек на Неуромедика д-р Емил Угриновски, сопственик и генерален менаџер. Во рамки на форумот пред присутните бизнис лидери, дипломати и врвни експерти д-р Угриновски ги презентираше и сподели достигнувањата и професионалните искуства вополето на менаџерските стратегии на Неуромедика, кои во континуитет четврт век ја издигнуваат Неуромедика на врвно ниво вооднос на конкуренцијата. Наградата од Европското здружение за истражување на квалитет на Неуромедика е само уште една потврда на вложен труд и целосна посветеност на воведување врвно здравство во земјата и регионот кое се темели на непрекинато инвестирање и унапредување на медицинска инфраструктура и непоштедно залагање на целиот персонал во Неуромедика. Оваа награда од страна на Европското здружение за истражување на квалитет ја добиваат оние компании кои имаат исклучиво најдобри практики и резултати во квалитетни менаџерски стратегии. Годишниот настан на Европското здружение за истражување на квалитет е глобален форум на најдобрите, во својата област компании и организации од приватниот и јавниот сектор и истата има за цел на усовршување на квалитетни менаџерски техники и обезбедување одлична можност за мрежно поврзување на сите учесници.